Lærðu-að-ljúga: Árni Páll og Göbbels

Karl Th. Birgisson segir nýjan formann Samfylkingarinnar ekki nógu duglegan að ljúga. Tilefni orða Karls er vonlaus staða Árna Páls eftir stjórnarskrárútspilið. Björgvin G. Sigurðsson reyndi líka að bera í bætifláka fyrir formanninn. Af því tilefni minnir Fréttablaðið á að víst kunni Árni Páll að ljúga,

Björgvin G. Sigurðsson, þingmaður Samfylkingarinnar, hefur nú stokkið formanni sínum, Árna Páli Árnasyni, til varnar í stjórnarskrármálinu. Segir hann Árna Pál aðeins hafa sagt óþægilegan sannleika varðandi málið, sem er vissulega satt og rétt. Hverjum mátti vera ljóst að stjórnarskrármálið var komið í öngstræti. Hins vegar gleymir Björgvin því að Árni Páll sagði, þegar hann kynnti hugmyndir sínar, að um þær væri samstaða í Samfylkingunni. Það reyndist ekki sannleikur, ekki einu sinni hálfsannleikur, þar sem vissir þingmenn voru ósáttir við málið.

Lygin um samstöðu í þingflokki Samfylkingar var svo lítil að Karl Th. tók ekki eftir henni. Næsta ráð fyrrum framkvæmdastjóra Samfylkingar til formannsins hlýtur að vera að hafa í frammi stóra lygi og endurtaka hana oft.

Endurtekin stór lygi var aðferð Göbbels hér um árið.

„Skrípaleikur“ ríkisstjórnar

Athugasemdir

[Jón Ingi Cæsarsson, 18.3.2013 kl. 10:27]

Karl TH  er að hlægja að þeim sem ekki föttuðu kaldhæðnina. ;-)

[Guðjón Sigþór Jensson, 18.3.2013 kl. 11:47]

Er ekki fremur óviðeigandi að líkja íslenskum fremur saklausum stjórnmálamanni sem ekkert hefur gert af sér við sjálfan Goebbels?

Mér finnst þú taka full djúpt í árina.