Framsóknar vinstri grænir og Samfylkingar vinstri grænir

Í afmælisveislu Ásmundar Einars Daðasonar þingmanns Framsóknarflokksins í gær sté formaður flokksins, Sigmundur Davíð Gunnlaugsson,  í pontu og flutti tölu til heiðurs afmælisbarninu.

Ásmundur Einar kom yfir til Framsóknarflokksins þegar hann gafst upp á Vinstri grænum. Sigmundur Davíð sagði framsóknarmenn skipta Vinstri grænum í tvo aðskilda hópa; Framsóknar vinstri græna og Samfylkingar vinstri græna. Sigmundur Davíð bauð þá fyrrnefndu velkominn til móðurflokksins.

Á eftir formanni Framsóknarflokksins talaði Ögmundur Jónasson innanríkisráðherra og þingmaður Vinstri grænna. Hann færði afmælsbarninu gjafir frá þeim hópi þingmanna Vinstri grænna sem falla að skilgreiningu Sigmundar Davíðs; Jóni Bjarnasyni og Guðfríði Lilju. Hópurinn ásamt Lilju Móses og Atla Gísla fékk villikattanafngiftina frá forsætisráðherra og fékk Ásmundur Einar félagsskjal í klúbbnum í afmælisgjöf.

Samfylkingar vinstri grænir voru ekki í afmælisfagnaðinum.

Viðstaddir í Dalabúð töldu ekki margir að Vinstri grænir byðu fram sem einn flokkur við næstu þingkosningar.

Athugasemdir

[Helga Kristjánsdóttir, 21.10.2012 kl. 16:09]

Næstu kosningar verða afgerandi enda þær einu sem eftir eru til að verjast þjóðríkja sambandinu,þannig viljum við kjósa um eitthvað hreint,en ekki ehv.sem buróið er búið að grufla í.