Bæjarstjóri gengur í barndóm

Áform Huang Nubo á Grímsstöðum á Fjöllum eru ekki eins og ,,hvert annað þróunarverkefni í ferðaþjónustu,"eins og bæjarstjórinn í Norðurþingi vill vera láta.

Stærð landflæmisins sem Nubo ætlar sér, 0,3 prósent af Íslandi, aðkoma kínverskra stjórnvalda, flugvallargerð og tengsl við umræðu um hafskipahöfn; hvert og eitt þessara atriða gera áform Nubo sérstök. (Sjá efnisatriði hjá Láru Hönnu.)

Bernsk málsmeðferð sveitastjórnamanna í Nubo málinu sýnir nauðsyn þess að löggjafinn endurskoði valdheimildir sveitastjórna. Ótækt er að það sé í höndum sveitastjórna að gera utanríkispólitíska samninga.

Yfirráðaréttur verði tryggður

Athugasemdir

[Elín Sigurðardóttir (IP-tala skráð) 30.7.2012 kl. 09:53]

Þetta hefur ekkert með valdheimildir sveitarstjórna að gera. Er ekki nær að ríkið fari að lögum?

[Elín Sigurðardóttir (IP-tala skráð) 30.7.2012 kl. 10:03]

Hvaða nefndarmenn eru þetta sem vilja veita Núbó skattaundanþágu? Á hverra vegum eru þessir nefndarmenn? Af hverju eru þeir bara kallaðir nefndarmenn?

http://www.visir.is/vill-ad-fundargerdir-rikisstjornar-um-felag-nubos-verdi-opinberadar/article/2012120729048

[Anna María (IP-tala skráð) 30.7.2012 kl. 10:54]

Það er ótrúlegt að fylgjast með spuna vinstri manna og svokallaða "gagnrýnismenn" úr þeirra röðum. Öll spjót beinast að Halldóri lakkrísgerðarmanni. Er eitthvað erfitt að segja Steingrímur Joð, Össur os.frv. Halldór fer ekki lengra en Steingrímur og Össur leyfa honum að fara.

[V.Jóhannsson (IP-tala skráð) 30.7.2012 kl. 11:28]

Það er rétt hjá Láru Hönnu, að Numo sækist eftir landinu sem veðsetningu fyrir lánum í kínverskum bönkum.

Hann kemur aldrei til með að gera nokkurn skapaðann hlut við þetta land enda ekkert upp úr því að hafa. Hvers vegna vilja flestir eigendur selja í stað þess að nýta landið? Numo er ekkert fífl, heldur útrásarvíkingur, sem hefur kynnst íslendingum og áttar sig á því hversu frumstæðir apar og létt lúraðir þeir eru í viðskiptum.