Grikkir hóta og er hótað

Finnar hóta Grikkjum að lána þeim ekki nema gegn tryggingu. Grikkir hóta lánadrottnum sínum að fái þeir 90 prósent þátttöku í afskriftum á grískum skuldum munu þeir ekki greiða af lánum sínum í haust.

Seinni björgunarpakkinn til Grikkja gerir ráð fyrir að lánveitendur afskrifi 21 prósent  af höfuðstól lánanna. Það gefur auga leið að ríkissjóður sem stendur ekki undir skuldum getur tæplega boðið veð gegn nýjum lánum.

Eftir að uppvíst varð um kröfu Finna komu óðara aðrar þjóðir í bræðralagsbandalaginu Evrópusambandinu og gerðu sömu kröfur til Grikkja um tryggingu.

Íslendingar eru best settir fyrir utan reiptogið í Evrópusambandinu.

Athugasemdir

[Ragnhildur Kolka, 29.8.2011 kl. 09:44]

Nú eru Þjóðverjar farnir að stinga við fótum og neita að standa undir óráðsíu annarra. Þessar raddir eru farnar að síast inn í eyru Angelu Merkel. Gangi hún gegn vilja þjóðarinnar jafngildir það pólitísku sjálfsmorði. Svo vitlaus er hún ekki.

[Guðmundur Ásgeirsson, 29.8.2011 kl. 14:58]

Kemur Sheikh Al-Thani evrunni til "bjargar"?

[Elle_, 29.8.2011 kl. 23:31]

Minni á ólöglega kröfu bræðralagsbandalagsins í ICESAVE gegn okkur.