Evran er Titanic, krónan er árabátur

Fjármálaráðherra Ítala líkir Evrulandi við Titanic sem sökk í jómfrúarferð sinni. Titanic var auglýst ósökkvandi og þykir dæmi um hroka og dramb. Evran er undir sömu sök seld.

Íslenska krónan er árabátur sem hentar ágætlega fyrir þjóðina og lagar sig að hagsveiflum sem ýmist eru af mannavöldum eða vegna lífríkis sjávar.

Ísland og krónan eru félagar.

 

Líkti evrusvæðinu við ferð með Titanic

Athugasemdir

[jonasgeir (IP-tala skráð) 15.7.2011 kl. 19:49]

Svo adstodar hun lika landann til ad sja i gegn um politikusa sem eydileggja efnahag landsins.

Svona litil mynt tolir serlega illa brudl i opinbera kerfinu eda of mikla peningaprentun politikusa i Sedlabankanum.

Steingrimur svo ekki se talad um Johønnu eru audvitad ekki tau sem Kronan tarf a ad halda. En samt skarri en Barroso og Rumpoy.

[Hrafn Arnarson (IP-tala skráð) 15.7.2011 kl. 19:50]

Flóknar og myndrænar samlíkingar vekja undrun og aðdáun. Til að rifja upp söguna: Er vélaöld í íslenskum sjávarútvegi yfirleitt talin hefjast árið 1902 þegar vél var sett í árabátinn Stanley á Ísafirði. Tóku útgerðarmenn og sjómenn um land allt þessari nýjung fagnandi enda skapaði hún möguleika á stórauknum fiskafla. : hvernig væri nú að setja vél í árabát íslensku krónunnar(sic) og mynda nýja ríkisstjórn undir forystu hins gamalreynda Rosabaugsandstæðings? Hér á síðunni að minnsta kosti.

[Kolbrún Hilmars, 15.7.2011 kl. 20:25]

Hrafn, það var nú ekki okkar Íslandsbersi sem kom með þá Titanic samlíkingu sem Páll vitnar til, heldur sjálfur fjármálaráðherra Ítalíu, Tremonti. Um þann mann er sagt að þar fari maður raunsær, hófsamur og skynsamur.

Okkar fjármálaráðherra mætti áreiðanlega skipta út fyrir senjor Tremonti.

[Hrafn Arnarson (IP-tala skráð) 15.7.2011 kl. 22:11]

Kolbrún, ég var búinn að lesa fréttina um Tremonti og þjóðverja á lúsuxfarrými. Enda var ég eingöngu að velta fyrir sambandi krónunnar og árabáta.

[Gunnlaugur I., 16.7.2011 kl. 11:21]

Ég myndi frekar orða það svo að íslenska krónan er vel útbúinn og yfirbyggð trilla, þ.e. svokallaður hraðfiskibátur, sem er á sóknarmarki og er gerður úr styrktu trefjaplasti sem siglt getur 3svar sinnum hraðar en hin "ósökkvandi" Evra eða manndrápsfleyið TITANIC !

[Kolbrún Hilmars, 16.7.2011 kl. 14:49]

Tremonti öfundar okkur eflaust af árabátnum og hann vill greinilega frekar eiga einn slíkan en klefa á 3ja farrými á Titanic. Hann hefur þegar greint þá sem sigla á 1.farrými.

[Guðmundur Ásgeirsson, 16.7.2011 kl. 20:58]

Íslenska krónan er prýðilegur björgunarbátur og stendur fullvel fyrir sínu.

Í fárvirðinu fram undan væri hinsvegar enn betra að ráða yfir kafbáti.