Allt-niðrum-sig-rekstur fer í útrás; Hafskip og Icelandair Cargo

Hafskip var haustið 1984 komið í þrot. Í stað þess að loka sjoppunni var ákveðið að gera skipafélagið að stórveldi á einu ár og  þrefalda veltuna á einu ári, segir í bókinn Hafskip í skotlínu, sem skrifuð er af Birni Jóni Bragasyni með stuðningi og velvild Hafskipsmanna.

Útrásin haustið 1984 var undir formerkjum ,,Atlantshafssiglinga" og sögðu þeir Ragnar Kjartansson og Björgólfur Guðmundsson með nokkrum þótta að íslenski markaðurinn væri of lítill fyrir stórhuga menn. Hálfu ári síðar var útrásin komin í þrot.

Icelandair Cargo var í rekstrarvandræðum 2007. Í stað þess að kannast við ofmat á sjálfum sér og rifa seglin var ákveðið að verða stórveldi í flutningum. Fjórar Airbus 330-200 þotur voru pantaðar. Hrunið kom í veg fyrir að útrásin yrði að martröð. Í riti Capacent segir hvernig nýir stjórnendur ákváðu að rækta íslenska markaðinn og leggja af stórveldadrauma. Heiti greinarinnar er viðeigandi, Aftur til upprunans.

Aldarfjórðungur skilur að útrás Hafskipa og Icelandair Cargo. Á þessum tæpu 25 árum lærðu íslenskir atvinnurekendur nákvæmlega ekkert.

Stórveldadraumar í útlöndum reistir á lélegum rekstri heimafyrir er ávísun á stórslys.

Athugasemdir

[Helga Kristjánsdóttir, 12.6.2011 kl. 14:29]

 Einmitt!!!  Einhversstaðar hér,las ég að það væri pallaveður og maður skrifar!!!