Þjófnaður, viðskipti og stjórnmál

Starfsmaður í höfuðstöðvum Sjálfstæðisflokksins stal 15-20 milljónum króna. Skjólstæðingur fyrrum menntamálaráðherra Sjálfstæðisflokksins, Þorgerðar Katrínar Gunnarsdóttur, vill áfram mjólka ríkissjóð þótt hann hafi verið afhjúpaður fyrir sjálftekt af Ríkisendurskoðun.

Lífeyrissjóðir eru á leiðinni í viðskiptabrask með Magma og fá til þess stuðning þingmanna Sjálfstæðisflokksins sem kalla það atvinnuuppbyggingu að féfletta almenning. Bæjarstjóri Sjálfstæðisflokksins í Reykjanesbæ setti upp svikamylluna og fékk til þess stuðning fjármálaráðherra Sjálfstæðisflokksins.

Valhöll er orðin að þjófabæli sem veitir veitir beinan og óbeinan stuðning við siðlaus viðskipti.

Á vettvangi Sjálfstæðisflokksins leika hrunkvöðlar lausum hala og trúa því að vegna þess að þeir sluppu við ákæru og fangelsisdóm séu þeim allir vegir færir. 

Siðferðileg upplausn blasir við móðurflokki íslenskra stjórnmála.

Athugasemdir

[fridrik indridason (IP-tala skráð) 19.4.2011 kl. 13:30]

sælir páll

nokkuð góð greining hjá þér. því miður á ástandið eftir að versna áður en það batnar að nýju. ekki að ég hafi neinar sérstakar áhyggjur af íhaldinu, nema síður sé. hinsvegar er ekki gott að stöðugleika og stefnufestu vantar í alla flokka þegar þjóðin þarf síst á slíku rugli að halda.

[Björn Birgisson, 19.4.2011 kl. 13:40]

Varla fer þetta í Staksteina! Ágætur pistill!

[Ragnhildur Kolka, 19.4.2011 kl. 14:03]

Þú ert harður, Páll. Hvað leggurðu til að gert verði? Gapastokk á Austurvelli?

Það er ekkert ólöglegt við að mjólka ríkissjóð. Það er fjöldinn allur af gæðingum ríkisstjórnarinnar á spenanum án þess að ríkisendurskoðun sjái neitt athugavert við það.

Lífeyrissjóðirnir eru að flytja eignarhald á afnotarétti aftur til Íslands? Minna fyrir Magma.

Og svo eigum við bara að láta saksóknara eftir að sjá um glaumgosann í Valhöll.

[Guðmundur 2. Gunnarsson (IP-tala skráð) 19.4.2011 kl. 14:23]

Minnist ekki að hafa séð margt í Morgunblaðinu undir ritsjórn Davíðs frekar Styrmis, sem hefur sagt að þar fari mikil aðdáun á Sjálfstæðisflokknum frekar en megin þorra þingmanna hans.  Pistill sem á örugglega fullt erindi í Staksteina og hefði alveg eins getað verið þaðan.

[Vilhjálmur Stefánsson, 19.4.2011 kl. 15:41]

Þorgerður Katrín Gunnarsdóttir, Ragheiður Ríkharðsdóttir og Sigurður Kári Kristjánsson eru skemd epli Sjálfstæðisflokksins.

[Jenný Stefanía Jensdóttir, 19.4.2011 kl. 17:52]

Góður pistill, með þungum lokaorðum!

(verður hann linkaður inn á DP AMX?)

[Gústaf Níelsson, 19.4.2011 kl. 23:53]

Helvíti slær út í fyrir þér, Páll, þótt þú sést bláedrú.