Þorsteinn Pálsson lýgur að sjálfum sér

Umsóknin um aðild að Evrópusambandinu átti að leiða í ljós hvaða samningur væri í boði fyrir Ísland, það átti að ,,kíkja í pakkann." Pólitískar forsendur fyrir samþykkt alþingis 16. júlí 2009 voru að viðræður við Evrópusambandið væru án skuldbindinga. Þegar samningur lægi fyrir myndi þjóðin taka afstöðu. Evrópusambandið býður ekki upp á þessa leið inn í sambandið.

Evrópusambandið krefst aðlögunar umsóknarríkis að lögum og reglum sambandins á meðan á viðræðum stendur og hefur hert þessa kröfu upp á síðkastið.

Þorsteinn Pálsson er aðildarsinni og situr í samninganefnd Íslands. Hann skrifar grein í Fréttablaðið í dag og gagnrýnir Vg fyrir tvöfalt siðgæði, að samþykkja umsóknina en vilja ekki standa að aðlöguninni. Þorsteinn nefnir raunar ekki orðið ,,aðlögun" enda er það bannorð aðildarsinna. Hann skrifar eftirfarandi 

...er smám saman verið að taka ákvarðanir í viðræðunum sem eru skuldbindandi fyrir Ísland með fyrirvara um að á endanum verði samkomulag um alla þætti. Þessar ákvarðanir snerta valdsvið allra ráðherra og eru á ábyrgð hvers og eins.

Hér er Þorsteinn að lýsa aðlögun. Ákvarðanir sem ráðherrar í ríkisstjórn Íslands þurfa að taka eru í samræmi við kröfur sem Evrópusambandið sendir okkur, til dæmis um nýjar stofnanir. Nokkrum setningum síðar er Þorsteinn búinn að gleyma því sem hann skrifaði um aðlögun. Þá segir aðildarsinninn að Heimssýn hafi

komið því inn hjá vinstrivængnum að aðildarviðræðurnar séu eitthvað allt annað en Alþingi samþykkti. Sú staðhæfing styðst ekki við nein rök.

Ef aðildarviðræður væru óskuldbindandi og engar kröfur um aðlögun væri allt í himnalagi á stjórnarheimilinu vegna Evrópumála. Þorsteinn og félagar hittu reglulega samninganefnd Evrópusambandsins og myndu komast að samkomulagi um samning sem lagður yrði fyrir þjóðina. En eins og Þorsteinn sagði fyrr í greininni eru gerðar kröfur um ,,ákvarðanir í viðræðunum sem eru skuldbindandi fyrir Ísland." Og einmitt af þeirri ástæðu er allt upp í háalofti í ríkisstjórninni og í þjóðfélaginu. Aðlögun felur í sér innlimun Íslands í Evrópusambandið.

Þorsteinn Pálsson lýgur sannfærandi að sjálfum sér en þegar sálufélögum sleppir eru fáir sem taka mark á vaðlinum.

Athugasemdir

[Guðmundur 2. Gunnarsson (IP-tala skráð) 15.1.2011 kl. 14:08]

Það er sorglegt að sjá þennan mann leggjast lægra og lægra með hverju starfi sem hann tekur að sér.

Þar sem inngöngusinnum er svo þýðingamikið að finna ummæli aðildarandstæðinga og sér í lagi sjálfstæðismanna sem virða lýðræðislega niðurstöðu landsfundar þar sem 80% fundarmanna höfnuðu ESB inngöngu, sem á einhverjum tímapunkti hafa  ekki verið algerlega fráhverfir því að rétt vær að skoða málið betur um inngöngu í Evrópusambandið.  Það væri forvitnilegt að skápakratinn og tækifærissinninn Þorsteinn myndi skýra út hvað hafi breyst í sjávarútvegsreglugerðum og hugmyndum Evrópusambandsins frá því að hann fullyrti eftirfarandi.:

"Þorsteinn Pálsson sjávarútvegsráðherra telur hagsmuni Íslendinga bærilega tryggða með samningnum um evrópska efnahagssvæðið og við hefðum ekki hag af aðild að Evrópusambandinu. Miðað við þá samninga sem séu í deiglunni milli sambandsins og Norðmanna myndi aðild Íslands að ESB ekki þýða bættan aðgang að Evrópumarkaðnum svo nokkru næmi en hins vegar þyrfum við að fórna yfirráðum yfir auðlindum sjávar.

Þorsteinn segir að Norðmenn séu ekki að bæta markaðsstöðu sína með aðild að ESB svo nokkru nemi. Hins vegar séu þeir að gefa Evrópusambandinu eftir yfirráð yfir norskum sjávarútvegi. 80% af útflutningstekjum Íslendinga komi frá sjávarútvegi og meðan við getum ekki bætt aðgang að Evrópumarkaði með aðild en þyrftum að fórna yfirráðum yfir auðlindinni komi ekki til álita að ganga í sambandið.

Þorsteinn segir Evrópubandalagið skuldbundið til þess að standa við EES-samninginn þótt hin EFTA-ríkin gangi í bandalagið. Þorsteinn segir tæknilegt úrlausnarefni að breyta EES-samningnum í tvíhliða samning milli Evrópusambandsins og Íslands.

"Mér sýnist að við höfum tryggt okkur. Með hinu værum við að fórna yfirráðum yfir landhelginni. Ég held að íslenskir sjómenn myndu aldrei sætta sig við að ákvarðanir um möskvastærð og friðunaraðgerðir með lokun á ákveðnum veiðisvæðum yrðu settar undir valdið í Brussel. Við ætlum okkur að ráða þessari auðlind, hún er undirstaðan undir okkar sjálfstæði," sagði Þorsteinn Pálsson."

  ........................

[hilmar jónsson, 15.1.2011 kl. 14:39]

Heyri ekki betur en að um 80% Sjálfstæðismanna vilji Þorstein sem formann í stað vafningsins.

[Elle_, 15.1.2011 kl. 14:51]

Þorsteinn Pálsson mætti ljúga sjálfan sig fullan í friði ef hann væri ekki að ljúga að okkur í leiðinni og hefði ekki verið settur og væri ekki í þeirri hættulegu stöðu að semja burtu fullveldið undir erlent vald.

[Guðmundur 2. Gunnarsson (IP-tala skráð) 15.1.2011 kl. 15:07]

Hilmar.  Og hvar hefur sú könnun birst og þá gerð af hverjum?

[Jóhann Elíasson, 15.1.2011 kl. 15:14]

Sannleikurinn virðist nú ekki vera neitt heilagur hjá Hilmari..........

[Elle_, 15.1.2011 kl. 15:32]

Gott hjá Guðmundi að koma þarna inn með þessi orð Þorsteins um EES samninginn.  Hvar finnur maður heimildina? 

Og minni á að það mundi heldur engu máli ef og þó Evrópusambandið segði núna að við hefðum alla stjórn og öll yfirráð yfir auðlindum og fiskveiðilögsögu okkar.  Gleymum alls ekki að þeir fara samt með ÆÐSTA VALD og geta breytt lögum og reglum þegar þeir vilja. 

Það er stórhættulegt að fara þarna inn.  Við kæmumst ekki eða illa aftur út þó við vildum.  Ekkert Evrópusamband. 

[Guðmundur 2. Gunnarsson (IP-tala skráð) 15.1.2011 kl. 16:26]

http://tidarandinn.is/node/231381

[Elle_, 15.1.2011 kl. 17:00]

Segir maðurinn ekki bara nákvæmlega það sem honum finnst vanta til að ljúga okkur inn í EES einu sinni, Evrópuveldið núna og undir ICESAVE nauðungina?  Minnir óneitanlega á Jón B. Hannibalsson, Steingím J. og Össur Skarphéðinsson + co. 

[Hjörtur J. Guðmundsson, 15.1.2011 kl. 17:04]

Þorsteinn Pálsson sjávarútvegsráðherra: Íslendingar hefðu ekki hag af aðild að ESB

http://www.mbl.is/mm/gagnasafn/grein.html?grein_id=129125&searchid=0af92-3662-1d2be

[Ómar Bjarki Kristjánsson, 15.1.2011 kl. 20:44]

Eg er eigi að sjá að tilvitnuð setning innifeli meinta og undir grun ,,aðlögun".  Bara sorrý.  Leitið betur piltar.

En almennt talandi um aðljúgun - þá er nú leitun að álíka hóp sem lýgur jafn mikið að sjálfum sér og ísl. andsinnar.  þe. ef þeir trúa því sjálfir sem þeir láta frá sér.  (Sem eg efa reyndar stórlega að þeir geri.  þeir trúa þessu örugglega ekki sjálfir þeir andsinnar sem þeor dæla frá sér í ferkílómetratali.)

[Guðmundur 2. Gunnarsson (IP-tala skráð) 15.1.2011 kl. 22:31]

Getur einhver þýtt innleggið hér næst að ofan yfir á íslensku?

[Númi (IP-tala skráð) 15.1.2011 kl. 23:37]

Það er nóg að horfa í augu Þorsteins Pálssonar,og sjá hvílíkur lygalaupur og tækifærissinni hann er.Hann er auðlesinn.