Írland á sjúkrabörum ESB

Írsk-evrópskur farsi hefur verið á dagskrá alþjóðlegu fjölmiðlanna um helgina. Fréttir um að írsk stjórnvöld séu í viðræðum við Evrópusambandið um neyðaraðstoð eru bornar til baka í Dublin. Eftir helgi er ekki lengur hægt að neita því augljósa. Írland er á sjúkrabörum Evrópusambandsins og fær litlu ráðið um meðferðina.

Írland á aðeins einn kost, segir Peter Oborne aðalstjórnmálaskýrandi Telegraph, og það er að hætta dauðadæmda samstarfinu við meginlandsríkin um evru og taka upp írska pundið á ný.

Írland er í spennitreyju evrunnar og getur sig hvergi hrært. Hér á landi er minnihlutahópur sem vill írskt ástand fyrir Ísland. Afgerandi meirihluti þjóðarinnar segir nei takk, ekkert ESB. Drögum umsóknina misráðnu tilbaka.

Viðræður milli Írlands og ESB

Athugasemdir

[Jón Steinar Ragnarsson, 15.11.2010 kl. 17:26]

Auðvitað eru fréttir bornar til baka af þessu af því að þær einar og sér hafa afar skaðleg áhrif á efnahagslíf og stöðu þeirra gagnvart öðrum. Lítum okkur næt t.d.

Það gildir það sama um þjóðir og banka. Allt stendur og fellur á orðrómi og orðspori, hvort sem satt er eða logið. Banki, sem viðurkennir staðreyndir um stöðu sína, er búinn að vera. Banki, sem á allt sitt eigið fé í loftbólum hrynur ef fólk fær að vita það. "Greiningadeildir" eða talnaeldhús bankanna eru til þess gerð aðsporna við því að hið sanna komi í ljós fegra myndina og matreiða tölur bankanum í hag.

Heiðarleiki er andstæðingur banka í þessu samhengi og einnig þjóða. ÞAð eru seðlabankar þeirra, sem skilja á milli feigs og ófeigs þar.

Í þessari stöðu voru ráðamenn hér undir hrun. Þeir vissu en gátu ekki sagt, eða þá að fjármálageirinn lét í té rangar upplýsingar vitandi vits um ástandið. Hvað halda menn að hafi valið því að menn innleystu allt á "réttum tíma" kortér fyrir hrun? Heppni?

Staðreynin er sú að ef sannleikurinn hefði komið í ljós þá hefði hrunið orðið hraðara verra og dýpra.  Nú er sannleikurinn kominn fram á Írlandi. Guð blessi Írland.

[Þorsteinn Halldórsson (IP-tala skráð) 15.11.2010 kl. 19:03]

Örugglega ert þú á móti ESB, sem er frekkar sörglegt því þú vilt halda þessari vitleysu með kr. og verðtryggingu áfram. Það þíðir ekkert að bera saman önnur lönd sem öll eru stærri. Heldur á að semja um hvað við getum fengið úr ESB ogvíst getum við átt okkar fisk.

Wake up and smell the bacon......