Hreyfingin tvöfaldar fylgi sitt

Fjölmiðlar segja fátt um að Hreyfingin hafi tvöfaldað fylgi sitt milli mánaða og teljast hafa átta prósent samkvæmt skoðanakönnun. Tvær skýringar eru líklegastar á fylgisauka Hreyfingarinnar. Þingmenn hennar hafa verið ötulir í mótmælum og samsamað sig ítrustu kröfum um fólki verði bætt efnahagslegt hnjask hrunsins.

Í öðru lagi eru þingmenn Hreyfingarinnar þeir einu á alþingi sem krefjast kosninga strax og gera það af þunga. Aðrir þingflokkar eru hræddir við að mæta kjósendum.

Hreyfingin hefur unnið fyrir fylgisaukningunni.

Athugasemdir

[Ingvi Rúnar Einarsson, 3.11.2010 kl. 11:51]

Hreyfingin hefur unnið fyrir fylgisaukningu.Það er rétt,að þeir þingmenn hreyfingunnar hafa virkilega látið ljós sitt skína.En er það nóg?Ég teldi það,að Hreyfingin þyrfti að ná í sínar raðar fólk víðvegar úr atvinnugreinunum og víðvegar um landið.Það er ekki nóg,að setja út á gjörðir annara.Framtíðarstefna Hreyfingarinnar verður skýr og ná yfir næstu áratugi.