Stjórnmálaelítan reynir að þvo hendur sínar

Ingibjörg Sólrún og forysta Samfylkingarinnar gáfu verstu misindismönnum útrásarinnar lögmæti með því að taka til varna fyrir Baugsfeðga og gera málstað Jóns Ásgeirs að sínum árin 2003-2004. Ingibjörg Sólrún og forysta Samfylkingarinnar leiddi útrásarauðmenn til öndvegis.

Glæpur Geirs H. Haarde og forystu Sjálfstæðisflokksins var að mynda ríkisstjórn með Samfylkingunni vorið 2007. Þorgerður Katrín Gunnarsdóttir þáverandi varaformaður Sjálfstæðisflokksins bjó til þá ríkisstjórn með vinkonu sinni Ingibjörgu Sólrúnu. Ríkisstjórnin var uppnefnd Baugsstjórnin af formanni Framsóknarflokksins og ber það nafn með rentu. Af stjórnarmyndunarglæp Sjálfstæðisflokksins leiddi vanræksla í starfi.

Samanlög forysta Samfylkingar og Sjálfstæðiflokks ber ábyrgð á hruninu 2008. Þingheimur sem ekki getur beitt lágmarksviðurlögum við botnlausa spillingu og stórfellda vanrækslu ráðandi stjórnmálaafla verður að leggja störf sín fyrir dóm þjóðarinnar og boða til kosninga.

Átti ekki þátt í hruninu og gat ekki komið í veg fyrir það

Athugasemdir

[Sigurður Haraldsson, 11.9.2010 kl. 20:31]

Samáa Páll þú ert með þetta á hreinu og flottur málsvari okkar hafðu bestu þakkir fyrir.

[Sigurður Þorsteinsson, 11.9.2010 kl. 20:50]

Páll , það væri áhugavert að fá dæmi um stuðning Samfylkingarinnar við Baugsfeðga.

[Gestur Páll (IP-tala skráð) 11.9.2010 kl. 21:33]

Framsókn hafði ekkert með þetta að gera? Einmitt.

[Guðmundur 2. Gunnarsson (IP-tala skráð) 11.9.2010 kl. 21:55]

Sigurður Þorsteinsson.  Alltaf ánægjulegt að enn finnist einhver sem ekkert kannast við nein tengsl Samfylkingarinnar og Baugsveldið í gegnum tíðina. 

Dugar etv. þessi yfirlýsing Össur Skarphéðinssonar í fjölmiðlum fyrir skemmstu.:

„Ég tel líka að Samfylkingin hafi frá því snemma á þessum áratug ranglega tekið sér stöðu með ákveðinni blokk í viðskiptalífinu, sem var í átökum við aðrar rammpólitískar viðskiptablokkir."

Svo má minna á ofurstyrki Baugsmanna til flokksins á amk. einni þekktri kennitölu, Borgarnesræðuna, ótrúlegar árásir flokksforustunnar á ákæruvaldið og rannsóknaraðila í Baugsmálinu.  Einn af hápunktunum var þegar Jóhanna Sigurðardóttir lagðist jafn lágt og raun ber vitni þegar hún bókstaflega lítt dulbúið hótaði ákæruvaldinu og dómurum með ótrúlegustu fyrirspurn allra tíma á Alþingi.

Einu og hálfu ári fyrir dómsniðurstöðu málsins, krafðist Jóhanna að dómsmálaráðherra upplýsti um kostnað ríkisins vegna rannsóknar og reksturs Baugsmálsins. Hún lagði fram eftirfarandi skriflega fyrirspurn.:

1) Hver er heildarkostnaður ríkisins við rannsókn og rekstur Baugsmálsins frá því í ágúst árið 2002 og fram til dagsins í dag eða til þess tíma á árinu 2007 sem upplýsingar liggja fyrir um, og hvernig skiptist hann á eftirfarandi þætti:

a. rekstur efnahagsbrotadeildar ríkislögreglustjóra,

b. aðkeypta sérfræðiaðstoð og annan útlagðan kostnað efnahagsbrotadeildar ríkislögreglustjóra (þ.m.t. ferða- og uppihaldskostnað) við rannsókn og rekstur málsins,

c. störf sérstaks saksóknara í Baugsmálinu, þ.m.t. kostnaður við aðstoðarmenn og aðkeypta sérfræðiþjónustu,

d. kostnað sem íslenska ríkið hefur verið dæmt til þess að greiða vegna málsvarnarkostnaðar ákærðu í Baugsmálinu,

e. annað, áður ótalið, sem eðlilegt er að telja hafa lent á ríkissjóði vegna málsins?

2) Hve stór hluti af starfsemi efnahagsbrotadeildar ríkislögreglustjóra á framangreindu tímabili hefur farið í Baugsmálið?

3) Hversu margar vinnustundir starfsmanna ríkislögreglustjóra hafa farið í Baugsmálið frá júlí 2002 til dagsins í dag?

Dómsmálaráðherra spurði á móti hvort að lögregluyfirvöld ættu í framtíðinni að leggja fyrst fram kostnaðar og arðsemisútreikninga fyrir stjórnvöld, áður en að út í rannsókn meintra sakamála yrði lagt?

[Snorri Magnússon, 11.9.2010 kl. 22:04]

Hér má heldur ekki gleyma frægri Borgarnesræðu Ingibjargar Sólrúnar Gísladóttur né heldur gengdarlausum árásum Samfylkingarinnar á embætti Ríkislögreglustjórans, sem ENN eru í gangi!!!

[jonasgeir (IP-tala skráð) 11.9.2010 kl. 22:53]

Er þetta ekki eiginlega frekar þreytt orðið að kenna pólitíkusum um bankahrunið?

Það voru bankamenn og eigendur þeirra sem tæmdu bankana.  Ekki beinlínis pólitíkusarnir.

Sem betur fer þá voru þetta ekki ríkisbankar!

Sjáið bara hvernig Írar standa núna  þegar spurning er um að endurfjármagna hvað hann nú heitir Anglo Irish National bank eða eitthvað...

20-25% af þjóðarframleiðslu Íra í endurfjármögnun í september einum....

(En svo er auðvitað satt að pólitíkusarnir stóðu sig ekki vel við almenna efnahagsstjórn.  Og það er enn síður svo í dag.  Því miður.)