Katrín misskilur stöðu sína

Katrín Júlíusdóttir iðnaðarráðherra varð ber að alvarlegum misskilningi á alþingi rétt fyrir hádegi. Samkvæmt frétt Eyjunnar ásakaða hún stjórnarandstöðuna um að þvælast fyrir ríkisstjórninni og nefndi sérstaklega umsóknina um aðild að Evrópusambandinu. Formaður annars stjórnarflokksins, Steingrímur J. Sigfússon, hefur tekið af öll tvímæli um það að umsóknin er ekki á vegum ríkisstjórnarinnar.

Samfylkingarhluti ríkisstjórnarinnar er með umsóknina á sinni könnu en Vg-hlutinn ekki. Af því leiðir að eina færa leiðin inn í Evrópusambandið, aðlögunarleiðin, verður ekki farin. Katrín getur aðeins talað fyrir samfylkingarhluta stjórnarinnar í Evrópumálum. Þingmenn úr öllum öðrum flokkum en Samfylkingunni standa að þingsályktun um að draga umsóknina tilbaka.

Katrínu er nokkur vorkunn. Hún tilheyrir jú flokki sem fékk 29 prósent atkvæða í þingkosningum og hélt að það gæfi flokknum umboð til að innlima þjóðina í Evrópusambandið.

Athugasemdir

[Ómar Bjarki Kristjánsson, 6.9.2010 kl. 14:30]

Að sjálfsögðu er umsóknin ,,á könnu"  beggja samstarfsflokka í Ríkisstjórn drengur!  Hverslags bull er þetta.  Það er samþykkt í stjórnarsáttmála að sækja um aðild að Samstarfi fullvalda lýðræðisríkja Evrópu og leggja aðildarsamning í hendur þjóðar til úrskurðar.

En þið sjallar gerið allt til að skaða land og þjóð sem mest eftir rústalagnngu ykkar og að sjálfsögðu þegar þið þið sjáið færi á að tæla 2-3 krakkagrey til liðsinnis við þann skaðaleiðangur þá látið þið eigi það tækifæri ónotað.

Það er skömm að ykkur og sagan mun dæma ykkur hart.

[Hrafn Arnarson (IP-tala skráð) 6.9.2010 kl. 14:32]

Páll skilur ekki eigin skrif að því er virðist. 1) Alþingi er með stórum staf nema Páll sé að lýsa vanvirðingu sinni. 2) Það ætti öllum að vera ljóst að það að draga umsókn til baka eru skelfileg mistök. Það hefði skelfilegar afleiðingar fyrir þjóðarhag. 3) Páll mistúlkar ummæli Steingríms. Ég bendi fólki á að lesa frásagnir af fundinum ekki afbakanir Páls.  4) Aftur; meirihluti Alþingis samþykkir að hefja aðildarviðræður við ESB. Aðildarsinnar eru í öllum flokkum nema hugsanlega VG. Áætla má að 65% laga Íslands og ESB séu eins eða sambærileg. Líkur eru því meiri en minni að ásættanlegir samningar náist. Það er eðlileg lýðræðiskrafa að þjóðin ákveði í kosningum hver niðurstaðan verður. 5)Það er innihaldslaus og lágkúruleg þvæla að Katrín telji Samfylkinguna hafa umboð til að innlima þjóðina í ESB. Slík skrif eru til skammar.

[Páll Vilhjálmsson, 6.9.2010 kl. 14:34]

Steingrímur J. Sigfússon á blaðamannafundi 24. ágúst 2010:

„Það er ekki þannig að það sé stefna þessarar ríkisstjórnar að sækja um aðild að Evrópusambandinu og þaðan af síður að ganga í Evrópusambandið.“

Hvað misskil ég í orðum Steingríms J.?

[Hrafn Arnarson (IP-tala skráð) 6.9.2010 kl. 15:08]

Ég hef ekki talað um misskilning heldur mistúlkun. Lestu, t.d. alla fréttina á Pressunni. Steingrímur er augljóslega að tala um það að flokkarnir í ríkisstjórn séu ekki efnislega sammála um málið. Það teljast nú varla vera fréttir. Samkvæmt mínum heimildum er meirihluti þingflokks VG þeirrar skoðunar að halda eigi aðildarviðræðum áfram. Árni Þór Sigurðsson hefur talað mjög skýrt í þessu máli. Hann vill halda viðræðum áfram. Hann telur málið eitt hið mikilvægasta sem stjórnmálamenn hafa fengist við. Hann vill að þjóðin eigi lýðræðislega umræðu um málið og taki að lokum ákvörðun í kosningum.

[Gísli Baldvinsson (IP-tala skráð) 6.9.2010 kl. 15:09]

Ekki það að ég nenni alltaf að leiðrétta þig, Páll en þú mátt alvega lesa stjórnarsáttmálann:

http://www.stjornarrad.is/Stefnuyfirlysing/

Sérlega þetta:

Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í  þjóðaratkvæðagreiðslu að loknum aðildarviðræðum. Utanríkisráðherra mun leggja fram á  Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma.

gb

[Páll Vilhjálmsson, 6.9.2010 kl. 15:20]

Össur utanríkis hefur oftlega staðfest að hann vinni samkvæmt umboði alþingis, sbr. greinagerð meirihluta þar sem skilyrðin koma fram er tæpt er á í málefnasamningi stjórnarflokkanna hér að ofan.

Skemmst er frá að segja að greinargerð meirihluta veitir heimild til viðræðna við Evrópusambandið en nefnir ekki einu orði aðlögun að Evrópusambandinu.

Eina leiðin inn í ESB er leið aðlögunar. Ætli Samfylkingin að halda umsókninni til streitu þarf Össur nýtt umboð.

Orð Steingríms J. er hvorki hægt að misskilja né mistúlka. Ríkisstjórnin er ekki með það á stefnu sinni að sækja um aðild né ganga inn. Samfylkingin krafðist og fékk heimild samstarfsflokksins til að sækja um aðild, skv. samþykkt alþingis, en er komin út fyrir það umboð með aðlögunarferlinu.

Annað tveggja verður að gerast: Samfylkingin fái nýtt umboð alþingis eða að umsóknin verði dregin tilbaka.

[Jón Ingi Cæsarsson, 6.9.2010 kl. 15:32]

Ég farinn að lesa Pál reglulega... hann er svo skemmtilega ýkt dæmi um mann sem skilur fæst af því sem hann skrifar um.

[Ólafur Þórðarson (IP-tala skráð) 6.9.2010 kl. 16:45]

Ekki er hægt að lesa út úr þessu broti úr stefnuyfirlýsingu ríkisstjórnarinnar að það sé stefna hennar að sækja um aðild eða að gerast aðilar að ESB.  Aðeins kemur fram að utanríkisráðherra muni leita eftir umboði hjá Alþingi til að fá að sækja um aðild að ESB.  Síðan er það mjög skýrt að umsóknin sé háð ýmsum fyrirvörum, eins kemur fram að víðtækt samráð skuli haft á Alþingi og meðal hagsmunaaðila.  Sérstaklega er tekið fram að flokkarnir hafa ólíkar áherslur gagnvart aðild, eins og allir vita er annar flokkurinn ofurseldur ESB á meðan hinn er alfarið á móti inngöngu.  Andstæðari pólar eru líklega ekki til á íslandi í dag og vandséð hvernig á að klára þetta mál með hunda öðrumegin við borðið og ketti við hinn endann (jafnvel villiketti).

[Vilhjálmur Grímsson (IP-tala skráð) 6.9.2010 kl. 17:25]

Mikilmennskubrjálæði íslendinga ríður ekki við einteyming.  Dæmi:

• Ísland átti að verða miðstöð og Paradís í fjármálaheiminum - allir vita hvernig fór.
• Ísland átti að taka sæti í Öryggisráði SÞ. Hláturinn ómar ennþá ... og ekkert sæti!
• Ísland á að taka þátt í að móta fiskveiðistefnu ESB - rétti upp hönd þeir sem trúa því í alvöru !!!

[Guðmundur 2. Gunnarsson (IP-tala skráð) 6.9.2010 kl. 17:55]

Blogg og spunatrúðalúðrasveit samfylkingarinnar hér að ofan bið ég að leiðbeina mér og þá öðrum um nákvæma merkingu orða Steingríms J  Hvað er það sem hann segir nákvæmlega.:

„Það er ekki þannig að það sé stefna þessarar ríkisstjórnar að sækja um aðild að Evrópusambandinu og þaðan af síður að ganga í Evrópusambandið. - Það er ekki svo.“

Ég ætla að skjóta á að Steingrímur J. hafi eitthvað meira um málið að segja og viti mun betur hvað hanna sagði en einhverjir blogglúðrar og pólitísk vonabí. 

Hvað er það nákvæmlega sem er rangt af því sem blogghöfundurinn skrifar?  Held satt að segja að einhver annar misskilji sjálfan sig og orð Steingríms en Páll.  Er líka misskilningur og á að lesa á annan hátt,  að samfylkingin er ekki nema 29% flokkur?  Páll skrifar td. ekki um að 40% kjósenda samfylkingarinnar vilja stöðva bjölluatið í Brussel.  Hann minnist ekkert á að aðeins 19% svarenda hér á landi trúa því, að ESB-aðild verði landi og þjóð til bóta (a good thing) samkvæmt fyrstu könnun á vegum Eurobarometer á afstöðu Íslendinga til ESB, sem var birt fimmtudaginn 26. ágúst. 45% telja að ESB-aðild yrði til tjóns (bad thing). Þá sýnir könnunin, að aðeins 29% svarenda hér telja, að Ísland hafi hag (would benefit) af ESB-aðild, 58% telja að Ísland hafi ekki hag af aðild, 12% vita ekki.

Ásmundur Einar Daðason, þingmaður Vinstri grænna segir.:

"Þegar ríkisstjórnarflokkarnir hafi ákveðið að leggja málið fyrir þingið hafi því verið haldið rækilega til haga að í þinginu skyldu þingmenn einungis vera bundnir eigin sannfæringu."

„Það verður lengi í minnum haft hvernig vinnubrögðum var beitt þegar málið var keyrt í gegnum þingið. Þrátt fyrir að samið hafi verið um að allir fengju óbundnir til atkvæða var haft í hótunum við einstaka þingmenn og ráðherra Vinstri grænna, þar voru því gerðir skórnir að líf fyrstu hreinu vinstri ríkisstjórnarinnar væri undir í atkvæðagreiðslunni og að staðan nú væri sú að það félli á atkvæði viðkomandi."

Og Ásmundur heldur áfram. „Samfelldar sms-sendingar á einstaka þingmenn meðan á atkvæðagreiðslu stóð er dæmi af sama toga en þau innihéldu hótanir um stjórnarslit ef viðkomandi styddi ekki aðildarumsóknina. Þessi ólýðræðislegu vinnubrögð voru í litlum takti við það auka þingræði sem báðir stjórnarflokkarnir hafa talað fyrir."

Það var og er stórkostleg mistök að sækja um ESB.  Að minnihlutinn á öllum stigum, og það samfylkingarmenn skuli telja sig umkomna að leiðbeina meirihlutanum segir mikið meira en nokkuð annað um firringuna sem fylgir þessu bulli og flokknum.  Nægir að benda á nokkra snillingana sem láta ljósið skýna á síðunni til að sannfærast um mistökin.

Frumvarp til laga um þjóðaratkvæðagreiðslur (heildarlög)

1. gr.

Alþingi getur ákveðið með þingsályktun að almenn og leynileg þjóðaratkvæðagreiðsla skuli fara fram samkvæmt lögum þessum um tiltekið málefni eða lagafrumvarp og er niðurstaða slíkrar atkvæðagreiðslu ráðgefandi.

Það var samfylkingin sem gekk svo frá hnútum með hörku að þjóðaratkvæðagreiðslan yrði ekki bindandi, heldur aðeins skoðanakönnun.  Og hver vegna gerði samfylkingin það að áliti blogglúðrasveitarinnar?  Ennþá hef ég ekki séð neitt frá stjórnvöldum eða samfylkingunni sem tryggir að þjóðin hafi seinasta orðið um inngöngu í ESB, og nákvæmlega hvernig verður staðið að málum.  Slíkt á að liggja fyrir, og þögnin segir ekkert annað en að eðlilega mun vera að staðið.  Litlar líkur verða á öðru en eitthvað enn eitt leikritið verði sett á svið, svo að ekkert verði að þjóðaratkvæðagreiðslunni, eða hvernig á að túlka niðurstöðuna.