Prófessor í þvættingi

Prófessorar sem tala um málefni utan síns sérsviðs eru faglegir ómerkingar. Þórólfur Matthíasson prófessor í viðskipta- og hagfræðideild Háskólans er fjarri góðu faglegu gamni um leið og hann hættir sér út fyrir akademíuna, hvort heldur að hann sé álitsgjafi um Icesave eða EES.

Tilbúnar forsendur um afleiðingar af fyrirhuguðum breytingum á reglum Evrópusambandsins um ábyrgðarsjóði geta gefið hvaða niðurstöðu sem er - einmitt af því að forsendurnar eru tilbúnar.

Þórólfur þarf að svara grundvallarspurningum um heppilega stærð myntsvæða og hvaða forsendur myntsvæði þurfi að uppfylla til að teljast á vetur setjandi áður en hann gífuryrðist um að Íslandi geti ekki haldið uppi eigin mynt.

Þórólfur hafið í frammi ýmis skringileg viðhorf í Icesave-deilunni sem flest gengu út á að Ísland ætti að borga möglunarlaust ítrustu kröfur Breta og Hollendinga annars færi illa fyrir okkur. Við bognuðum hvorki né brotnuðum og erum hér enn að hlusta á prófessor í þvættingi.

Gerir ómögulegt að vera í EES

Athugasemdir

[Jóhannes Laxdal Baldvinsson, 30.7.2010 kl. 01:04]

Mér finnst margt skynsamlega sagt hjá Þórólfi. Þegar þjóðin hafnar ESB þá verðum við líka að endurskoða aðkomu að EES. Þá hlýtur að koma til greina að ganga úr því samstarfi og gera tvíhliða samninga í staðinn. En þetta eru allt seinni tíma viðfangsefni. Fyrst þarf að fella stjórnina og fá nýjar kosningar

[Guðmundur Ingi Kristinsson (IP-tala skráð) 30.7.2010 kl. 01:37]

Það virðist gleymast að án EES, ekkert Icesave,bara tvíhliða samnigur eins og hjá Sviss en er ekki það sem EES er tvíhliða samniningur.

[Guðmundur Ingi Kristinsson (IP-tala skráð) 30.7.2010 kl. 02:11]

Þessi ríkisstjórn er búin að fynna nýja aðferð til að auka hagvöxt og vonandi ekki öðrum þjóðum til eftirbreytni. Hagvöxtur er reikaður; hvað aukast þjóðartekjur á hvern íbúa milli ára. Þessir snillingar auka hagvöxt með því að fækka íbúum,T...U snild.

[Einar Solheim, 30.7.2010 kl. 09:16]

Páll, að mínu mati ættir þú að fara varlega í að uppnefna menn.  Þórólfur er í það minnsta prófessor.  Hann hefur fína menntun og áratuga reynslu sem fræðimaður.  Hver ert þú?  Hvað ert þú?  "Blaðamaður" (góður þessi!)?  Allir rosalegir vitleysingar sem eru ekki sammála þér því þú ert svo klár.  Þú ert nefnilega Ekki-baugsmiðill.

Það er í mönnum eins og þér sem endurspeglast allt sem er að þessari þjóð.

[Njörður (IP-tala skráð) 30.7.2010 kl. 09:44]

Einar Solheim, Þórólfur hefur ítrekað orðið sér til minnkunar og skammar með órökstuddum fullyrðingum sínum. Ekki er langt síðan hann flúði út úr stúdíói útvarps sögu þar sem hann gat ekki fært rök fyrir nokkrum sköpuðum hlut. Hann var brytjaður í spað af Arnþrúði og Pétri. Þórólfur gerir hvað sem er til að vinna að veg samfylkingarinnar og því leitar hann uppi, útfærir af geðþótta og sleppir öðru allt eftir því hvernig það gagnast stefnu flokksins. Hann er því algerlega ómarktækur og tímasóun fjölmiðla að birta nokkuð sem frá honum kemur... nema tilgangurinn sé kannski að fá fólk til að hlægja.

[Fannar frá Rifi, 30.7.2010 kl. 10:22]

háskólagráða og aðrir titlar sem bóknám gefur er ekki ávísun á snilligáfu eða að viðkomandi sé handahafi hins æðsta sannleiks. samkvæmt öllum þessum hagfræðingum, prófesórum og kenningum þeirra hefði aldrei átt að verða neitt hrun. kenningar þeirra eru einmitt bara kenningar. þær eru ekki sannleikur. þetta er tilraun til þess að lýsa því sem þeir sjá. vandamálið er síðan að þeir hafa nánast enga aðra reynslu eða þekkingu en þá sem þeir fá úr bókum. þeir sem skrifuðu bækurnar voru síðan alveg eins og fengu alla sína þekkingu úr bókum sem aðrir skrifuðu og koll af kolli.

það má alveg hlusta á þessa menn en það er alveg óþarfi að dýrka þá eins og hálfguði. sérstaklega þegar þeir hafa komið fram með nánast endalausa vitlausa sem hefur verið hrakinn aftur. 

[Einar Solheim, 30.7.2010 kl. 10:50]

Ég vil bara vekja athygli á því að ég sagði ekkert um ágæti Þórólfs - enda þekki ég ekki til mannsins.  Mér finnst einfaldlega Páll Vilhjálmsson ekkert hafa gert til að ávinna sér þann rétt að rægja  manninn á opinberum vettvangi.  Þessi umræðulist sem menn eru búnir að tileinka sér á íslandi er hreint út sagt ömurleg.  Þórólfur er í einhverju samfylkingarliði og þess vegna má fara í manninn og allt sem hann segir afskrifað sem kjaftæði og þvættingur.  Þetta er með eindæmum óþroskað og ein helsta ástæðan fyrir því að Ísland mun vera mun lengur í skítnum en nauðsynlegt hefði verið.

Þessi athugasemd Njarðar er enn eitt dæmið - áróður út í gegn.  Eins og það sé einhver mælikvarði á gæði Þórólfs sem fræðimanns og þjóðfélagsrýnis hversu lengi hann heldur út með Arnfríði!  Heyrði ekki umrætt viðtal, en af því sem ég hef heyrt á útvarpi sögu þá er nú rökhyggja ekki það sem almennt einkennir þær umræður sem þar eru.

Sammála flestu sem þú segir Rifjarmaður, en eitt af vandamálunum við ísland er einnig hrokinn gegn menntafólki.  Menn jafnvel afskrifaðir af því að þeir hafa "bara bókvit".  Hafa aldrei migið í saltan sjó.  Flestar aðrar þjóðir treysta sínu menntakerfi til að sjá þeim sem hafa sæmilega greindarvísitölu fyrir þekkingu og kunnáttu til að stýra og leiða þjóðirnar í rétta átt.  Á íslandi eiga þingmenn helst að vera bændur eða sjómenn.  "Losum okkur við þetta menntapakk sem ekkert veit".  Það versta er að sjálfsmynd íslensks menntafólks er svo léleg að það sættir sig við þetta og er sennilega bara sammála.  Þetta vandamál mun þó væntanlega leysast af sjálfu sér þar sem ég sé ekki fyrir mér að það verði svo mikið eftir af menntuðu fólki á Íslandi ef landinn fer ekki að taka sig á og skynsamar lausnir eins og innganga í ESB og upptaka Evru verði þáttur í framtíðarsýn þjóðarinnar.

[Óskar Arnórsson, 30.7.2010 kl. 12:27]

Skoðana og álitsgjöf til sölu. "Góð skoðun prófessors um Icesave, fjármál og annað til sölu á góðu verði". "Einnig sérsniðnar skoðanir um menn og málefni, neikvæðan eða jákvæðar fást keyptar með litlum fyrirvara". "Sendið fyrirspurn og ég sendi tilboð um málið". "Skoðannasala Þórólfs HF"....

[Guðmundur 2. Gunnarsson (IP-tala skráð) 30.7.2010 kl. 12:53]

Þórólfur Matthíasson þarf engan til að rægja sig, þar sem hann er fullfær um allt slíkt sjálfur og duglegur við það. 

"Páll, að mínu mati ættir þú að fara varlega í að uppnefna menn.  Þórólfur er í það minnsta prófessor.  Hann hefur fína menntun og áratuga reynslu sem fræðimaður.  Hver ert þú?  Hvað ert þú?  "Blaðamaður" (góður þessi!)?"

Segir Einar Solheim, en kannast síðan ekkert við að vera að mæra prófessorinn og skoðanatrúðinn sem hefur ekkert til unnið nema að gera sig heimskulegri og heimskulegri hvert sinn sem hann reynir að láta lítið ljós skína.  Einar heldur að menntun hljóti að vera samasemmerki um að hafa eitthvað merkilegt að segja, og er afar hneykslaður að menn vilji hafa skoðanir á ágæti prófessorsins. 

Væntanlega er Einar Solheim að vitna til "ágætis" Þórólfs sem fræðimanns í alþjóða lögfræði og þegar þegar hann gekk óhikað erinda Breta og Hollendinga gegn hagsmunum þjóðarinnar og reyndi að skaða hana sem mest og gerði á sig langt upp yfir bak í grein sem hann birti í Noregi og fullyrti að þjóðin bæri alla ábirgð á ólögvörðum Icesave falsreikningnum.  Allir vita að það er tómt rugl og lygar.  Þar skrifaði "sérfræðingur" í alþjóða lögfræðum, því ekkert kom greinin hagfræði við.  Hann birti greinina í Noregi til að reyna að eyðileggja það starf sem hafði farið fram í að semja um stuðning og lán þarlendis.  Og hvað með þegar hann í hlutverki hagfræðisnillings  hefur fullyrt að allt átti að fara til andskotans, ragnarök fyrir land og þjóð í öllum þeim viðtölum sem hann hefur gefið til dagsins í dag ef við borguðum ekki möglunarlaust?  Ekkert hefur gerst, nema að mál hafa þróast í þveröfuga og betri átt.  Ekkert sem hann hefur fullyrt hefur staðist.  Ekki neitt.  Bullið um skilyrðislausa borgun og uppgjöf sem einn hæstráðandi ESB rak ofaní hann fyrir nokkrum dögum vegna þess að engin lög segja að svo skuli gera, og þjóðin gerði svo eftirminnilega með að 98.2% hennar sagði klárt NEI við ruglið í honum og hans líkum. 

Ef hann hefur komið að menntun bara hluta sérfræðinga bankahrunsins, er ekki nema von að fór sem fór.  Það er nákvæmlega ekki neitt sem bendir til að þessi vanstillti maður viti neitt hvað hann er að gera eða segja, og óskiljanlegt að hann skuli vera í þeirri stöðu sem hann er á launum þjóðarinnar.  Árangur eða árangursleysi hans í starfi er auðmælanlegur.  Hann er til skammar landi og þjóð sem hann hefur ekki hikað við að ganga hagsmuni annarra gegn, hvort sem hann kemur fram sem fávís "fræðimaður" sem veit ekkert hvað hann er að tala um, eða að hann stundi pólitískt vændi í hlutverki fræðimanns.

Held að Einar Solheim ætti að finna sér eitthvað annað að gera en reyna að sóða út þá sem svo sannanlega hafa staðið sig í að sína fram á bresti og sóðaskap í kerfinu.  Ma. "fræðimanninn" lánlausa Þórólf Matthíasson sem veit ekkert um lög, hvað þá alþjóðalög og fátt bendir til að annað er uppá teningnum þegar að "sérfræðingssviðinu" hans er komið.

[Elle_, 30.7.2010 kl. 16:32]

Verð að segja að Einar kemur með góða punkta að mínum dómi: "Menn jafnvel afskrifaðir af því að þeir hafa "bara bókvit".  Hafa aldrei migið í saltan sjó. . . . .  "Losum okkur við þetta menntapakk sem ekkert veit".  Það versta er að sjálfsmynd íslensks menntafólks er svo léleg að það sættir sig við þetta og er sennilega bara sammála."  Já, það er óréttlátt og sorglegt og þarf að stoppa. 

Hinsvegar, Einar, Þórólfur Matthíasson hefur farið gjörsamlega offari í að koma ólögvörðu Icesave-kúgun bresku og hollensku ríkisstjórnanna og EU og ekki síst íslensku Icesave-stjórnar Jóhönnu og co. yfir alþýðu þessa lands að ósekju.  Og það er óverjanlegt.  Fjölmargir lærðir útlendingar og Íslendingar hafa reynt að verja okkur gegn þessari nauðung.  En endalaust kemur Þórólfur Matthíasson og styður Icesave-stjórnina í þessu máli, innanlands sem utan.  Þú segist ekki þekkja til mannsins, en við sem höfum fylgst með honum í Icesave og öðru erum þó komin með óþol gegn honum og Páll er ekki einn, þó þú hundskammir hann.   Þórólfur Matthíasson hefur ítrekað logið og komið jafnsvívirðilega fram gegn alþýðu þessa lands og hin hatursfulla núverandi Icesave-stjórn.

[Einar Solheim, 31.7.2010 kl. 12:17]

Ég bara kaupi ekki svona málflutning. Að kalla ríkisstjórnina hatursfulla og að fræðimenn séu landi og þjóð til skammar. Allt er þetta bara fólk sem er að gera sitt besta. Það vill nú svo til að ég efast t.d. stórlega um að Þórólfur hafi orðið landi og þjóð mikið til skammar erlendis - þar sem Icesave málið er mjög umdeilt og þar kann vel vera að hann þyki rödd skynseminar.

Það að menn geti ekki samþykkt að til sé fólk sem er á annari skoðun, er merki um vanþroska. Sérstaklega þegar menn fara að kalla menn illum nöfnum fyrir það eitt að vera ekki sammála.

Málið er að þið VITIÐ ekki hvort við hefðum mögulega verið betur stödd hefði strax verið gengið frá Icesave. Þið VITIÐ ekki hvort okkur beri skylda til að greiða eða ekki.

[Hreinn Sigurðsson, 31.7.2010 kl. 23:23]

Það sést vel á skrifum Þórólfs eins og er svo áberandi hjá samfylkingarmönnum að  langskólanám og góð menntun fara ekki alltaf saman