Fast gengi en hagkerfið rússíbani

Hér er hagkerfi sem evruaðdáendur á Íslandi hljóta að vegsama. Gengið er fast en allt annað í hagkerfinu tekur dýfu; íbúðaverð fellur um rúm 50 prósent á einu ári; atvinnuleysi fer úr fimm prósentum árið 2007 í 20 prósent í ár; verðbólga var 18 prósent fyrir tveim árum en nú er verðhjöðnun upp á fjögur prósent; hagvöxtur mældist 12 prósent á þriðja ársfjórðungi 2006 en hagkerfið dróst saman um 19 prósent á sama ársfjórðungi í fyrra.

Gengið er sem sagt fastbundið evru með þröngum vikmörkum upp eitt prósent. Morten Hansen tekur þessar tölur saman um hagkerfi Lettlands og veltir fyrir sér kostum fastgengis í samhengi við sveigjanleika.

Íslensku evruaðdáendurnir ættu kannski að reyna að útskýra nánar kosti þessi að festa sig í veruleika fastgengis evrunnar.

Athugasemdir

[Lúðvík Júlíusson, 23.7.2010 kl. 04:08]

Ætti umræðan ekki að snúast um muninn á Lettlandi og Danmörku?  Bæði löndin eru með sjálfstæða mynt sem eru tengdar evru.

Að bera saman Ísland og Lettland er eins og að bera saman epli og appelsínur því hagstjórnarmistökin í báðum þessum ríkjum eru hreint út sagt mögnuð, en það er líklega það eina sem þessi ríki eiga sameiginlegt.

Vönduð hagstjórn er lykilatriði.

Fljótandi gengi er þeim ókosti búið að í langan tíma getur það refsað árangursríkum fyrirtækjum og einstaklingum og verðlaunað óarðbær fyrirtæki.

Fastgengi er réttlátara að því leiti að árangur og umbun fara betur saman.