Skaðræðisfrétt RÚV

Heimilisfastur samfylkingarmaður, Eiríkur Bergmann, var leiddur fram í hádeginu af hagsmunahópnum á Efstaleiti til að segja þetta:

Áslaug Arna Sigurbjörnsdóttir dómsmálaráðherra hafi nánast tekið sér stöðu í stjórnarandstöðu í málinu. Með ummælum sínum í fjölmiðlum þá lýsi hún í raun andstöðu við ákvörðun eigin ríkisstjórnar.

Fréttin er búin til, hönnuð, til að valda pólitískum usla.

Það er engin frétt að samfylkingarmaður telji ríkisstjórnina loga í ófriði og að  stjórnarkreppa sé á næsta leiti. 

Lausaganga hagsmunahópsins á Efstaleiti er til óþurftar fyrir land og lýð.

Ópólitískar sóttvarnir

Íslendingum var það til heilla í fyrri bylgjum Kínaveirunnar að sóttvarnir voru hér minna pólitískar en víða á vesturlöndum. Líkt og eðlilegt er var hér umræða um hversu langt ætti að ganga í sóttvörnum og sýndist fólki ýmist of eða van.

Þrátt fyrir umræðu gerðu pólitísk öfl það ekki að stórmáli hvernig haga skyldi veiruvörnum. Skotfæri eru þó næg. Það er enn óvissa um veiruna og afleiðingar hennar. Almennt er það línan á vesturlöndum að lýðheilsa sé í forgangi en efnahagslegir hagsmunir víkja.

Meðfram beinum áhrifum veiru og sóttvarna á lýðheilsu og efnahag eru umræðukimar, að ekki sé sagt samsæriskenningar, um óbeinar afleiðingar. Talað er um sérfræðiveldi er taki völdin af stjórnvöldum, að bóluefni séu ýmist lífshættuleg eða hluti af heimssamsæri um hugarstjórnun myrkra afla. Fleira í sama dúr, sumt innan skynsemismarka og annað handan þeirra, er til umræðu þar sem meira og minna allir geta tekið til máls - og það er misjafn sauður í mörgu fé.

Úr öllu þessu má gera pólitík á kosningaári, séu menn nógu ósvífnir. En það má líka temja sér hófstillingu og yfirvegun. Meiri líkur en minni eru á því að kjósendur verðlauni í september skynsemi fremur en yfir- og undirboð í sóttvörnum.   

44 smit greindust – 38 innanlands

Beint lýðræði og samfélagsmiðlar

Beint lýðræði varð tískuhugmynd fyrir 15 árum eða svo þegar möguleikar alnetsins opnuðu á að fólk gæti kosið um menn og málefni í ró og næði heima hjá sér.

Heldur hefur dofnað áhuginn seinni árin á beinu lýðræði. Líkleg skýring er hvernig samfélagsmiðlar hafa þróast. 

Á samfélagsmiðlum eru greidd atkvæði í þeim skilningi að fólk segir álit sitt á dægurmálum. Í meðfylgjandi frétt segir skotveiðimaður frá reynslu sinni og ekki er það falleg saga.

,,Virkir í athugasemdum" er kannski ekki sá kjósendahópur sem gerir lýðræðið áferðafallegast.

„Hraunað yfir mig alveg hægri vinstri“