Stjórnmálaelítan reynir að þvo hendur sínar

Ingibjörg Sólrún og forysta Samfylkingarinnar gáfu verstu misindismönnum útrásarinnar lögmæti með því að taka til varna fyrir Baugsfeðga og gera málstað Jóns Ásgeirs að sínum árin 2003-2004. Ingibjörg Sólrún og forysta Samfylkingarinnar leiddi útrásarauðmenn til öndvegis.

Glæpur Geirs H. Haarde og forystu Sjálfstæðisflokksins var að mynda ríkisstjórn með Samfylkingunni vorið 2007. Þorgerður Katrín Gunnarsdóttir þáverandi varaformaður Sjálfstæðisflokksins bjó til þá ríkisstjórn með vinkonu sinni Ingibjörgu Sólrúnu. Ríkisstjórnin var uppnefnd Baugsstjórnin af formanni Framsóknarflokksins og ber það nafn með rentu. Af stjórnarmyndunarglæp Sjálfstæðisflokksins leiddi vanræksla í starfi.

Samanlög forysta Samfylkingar og Sjálfstæðiflokks ber ábyrgð á hruninu 2008. Þingheimur sem ekki getur beitt lágmarksviðurlögum við botnlausa spillingu og stórfellda vanrækslu ráðandi stjórnmálaafla verður að leggja störf sín fyrir dóm þjóðarinnar og boða til kosninga.

Átti ekki þátt í hruninu og gat ekki komið í veg fyrir það

Kosningar strax

Alþingi er upp fyrir haus í spillingu og þeir 63 sem þar sitja hafa enga tiltrú almennings. Spillingarliðið getur ekki þrifið upp eftir sig og verður að segja sig frá frekari uppgjöri við hrunið. Þeir sem sitja á þingi í dag geta ekki af viti fjallað um hvar ábyrgð liggur á hruni vegna þess að samtryggingarkúltúr kemur í veg fyrir að samstaða náist um hvernig skuli fara með ábyrgðina.

Eina rökrétta niðurstaðan er að boðað verði til kosninga eftir tvo mánuði.

Áfall að ekki náðist samstaða

Pass frá alþingi þýðir kosningar

Ef alþingi er ekki fært um að ljúka þeim uppgjörsþætti sem lýtur að ráðherraábyrgð ásamt því að álykta um auðrónahyggju þingmanna verður þung krafa um að efna til kosninga þegar í stað. Núverandi þingmenn eiga þjóðinni skuld að gjalda ekki félögunum sínum í fjórflokknum.

Alþingismenn fá ekki starfsfrið út kjörtímabilið ef þeir klúðra málinu. Margklofin nefnd og flokkspólitísk réttlætishugsun veit ekki á gott.

Klukkan glymur þingheimi.

Athafnaleysi þriggja ráðherra jafngilti vanrækslu

Keyptur stuðningur við gagnaver

Fólk með stóra peningasekki, þeirra á meðal Björgólfur yngri, kaupir stuðning við gagnaver og verður vel ágengt. Andstuttur iðnaðarráðherra kom í Sjónvarpsfréttir að tilkynna að stjórnvöld væru í yfirgír að finna leiðir til að þjónusta gagnaver. Sérlög handa gagnaveri Björgólfs og ný lög um virðisaukaskatt eru líka í bígerð.

Íslenskir stjórnmálamenn vilja láta ljúga að sér til að geta fært fjölmiðlum fréttir um fleiri atvinnutækifæri. Þótt bankalygin hafi leitt hrunið yfir okkur eru stjórnmálamenn staðráðnari en fyrr að trúa blekkingum.

Gagnaversumræðan er græðgisvædd loftkastalasmíði.

Gagnrýnir stjórnvöld