Hraðlyginn Jón Ásgeir en Arion trúir

Dómari í Lundúnum úrskurðar Jón Ásgeir ósannindamann, eins og allir sem kunna íslensku vita. Yfirstjórn Arion banka keppist enn við að trúa þótt Finnur fávísi hafi nýlega gengið þar frá borði. Arion starfar í umboði ríkisstjórnar Jóhönnu Sig. sem hefur það sem kappsmál að Jón Ásgeir haldi velli í íslensku viðskiptalífi til að hann fjármagni áfram Samfylkinguna.

Jón Ásgeir og Samfylkingin haldast hönd í hönd niður í göturæsið.

 

 

Kyrrsetningu ekki hnekkt

Persónuleg ábyrgð stjórnenda

Ræningjasamfélagið í íslensku atvinnulífi verður ekki upprætt nema með því að stjórnendur sem uppvísir eru að lögbrotum verði sóttir til saka og dæmdir. Á meðan fyrirtæki geta keypt sig undan refsingu stjórnenda verður glæpur eins og samráð gegn neytendum aðeins hluti af daglegum rekstri.

Fyrirtæki stórgræða á samráði sín á milli og ef enginn hætta er á fangelsisvist stjórnenda munu þeir halda áfram þessum viðskiptaháttum.

Samkeppnisyfirvöld eru að taka við sér eftir tímabil hlédrægni á útrásarárum og er það vel. En meira þarf til. Siðferði í atvinnulífinu er á lágu stigi.

Viðurkenna ólöglegt samráð

Árni Páll undirbýr kosningar

Félagsmálaráðherra gerir ráð fyrir þingkosningum í haust eða vetur og undirbýr sig í samræmi við það. Árni Páll Árnason þvær hendur sínar af óvinsælum málum ríkisstjórnarinnar og gagnrýnir Seðlabankann og Fjármálaeftirlitið fyrir tilmælin um uppgjör á gengislánum.

Árni Páll gerir tilkall til formennsku í Samfylkingunni að Jóhönnu Sig. genginni en hún mun hætta í stjórnmálum daginn sem ríkisstjórnin leggur upp laupana.

Gagnrýni Árna Páls á samráðherra sína og undirstofnanir forsætis- og fjármálaráðuneytis sýnir vantrú hans á ríkisstjórninni.

Er ósammála ummælum félagsmálaráðherrans

Svikamylla Jóns Ásgeirs og Arion

Hagar eru í eigu Arion banka en Jón Ágeir og Baugsfjölskyldan fær að stýra fyrirtækinu sem stundar fákeppnisverslun á matvörumarkaði auk annarra umsvifa. Velta Haga er notuð til að tryggja fjölmiðlaveldi Jóns Ásgeirs framhaldslíf. Hagar kaupa nær eingöngu auglýsingar í Fréttablaðinu sem er í persónulegri eigu Jóns Ásgeirs.

Jón Ásgeir rak á sínum tíma framkvæmdastjóra Bonus Stores í Bandaríkjunum fyrir að stunda viðskipti við eigið fyrirtæki. Arion banki lætur sér vel líka að Jón Ásgeir stundi viðskiptahætti sem eru ekkert annað en svikamylla.

Arion banki heldur lífi í viðskiptasiðferði sem kom okkur á kaldan klaka.

Nær allar auglýsingar í Fréttablaðinu