Jón Ásgeir, auðrónar og ESB

Auðrónar og aðildarsinnar eiga sameiginlegan áhuga á stórum hugmyndum. Útrásin var stór hugmynd og aðild að Evrópusambandinu er stór hugmynd. Auðjöfrarnir íslensku fengu áhuga á aðild að Evrópusambandinu þegar útrásin strandaði. Sigurður Einarsson Kaupþingsstjóri kom glaðbeittur í viðtal við Viðskiptablaðið 2007 og sagði krónuna of litla mynt fyrir útrásina og krafðist ESB-aðildar. Sigurð vantaði nýtt fix þegar útrás þraut.

Jón Ágeir Baugsstjóri er við það að missa afganginn af veldi sínu. Hann sendir hlýðinn undirmann sinn til að útmála kosti aðildar. Á morgun verður Baugsútgáfan með umfjöllun um málið enda sjálfsagt að endurnýta afurðir auðrónanna.

Ástæða er til að óska aðildarsinnum til hamingju með liðsaukann.

Samanburðarréttlætið - og óréttlætið í bílalánum

Líklega skipta viðskiptavinir Avant þúsundum og margir þeirra eiga inni hjá fyrirtækinu eftir nýfallinn dóm Hæstaréttar um ólögmæti gengistryggðra bílalána. Við gjaldþrot verða endurkröfurnar að almennum kröfum í þrotabúið og miðað við rekstur íslenskra fjármálastofnana fæst lítið upp í almennar kröfur.

Áður en dagurinn er úti verður spurt með þunga hvers viðskiptavinir Avant eigi að gjalda, ef ríkisvaldið fer þá leið að endurfjármagna Lýsingu og SP-fjármögnun til að þau geti endurgreitt oftekin bílalán. Sett verður fram krafa um að ríkisvaldið bæti skaðann.

Eðlilegt afleiðing af dómi Hæstaréttar á að vera gjaldþrot þeirra lánafyrirtækja sem standa ekki undir niðurstöðu dómsins.

Askar óska eftir slitameðferð - bráðabirgðastjórn skipuð í Avant

Enginn trúir Jóhönnu Sig.

Atli Gíslason þingmaður Vg sagðist í hádegisfréttum RÚV undrandi á því hvernig iðnaðarráðuneytið handstýrði nefnd um erlendar fjárfestingar. Áður hefur komið fram hjá forstjóra Magma á Íslandi að hugmyndin um skúffufyrirtæki í Svíþjóð hafi verið rædd á fundi í iðnaðarráðuneytinu.

Samfylkingin hefur stjórnað iðnaðarráðuneytinu frá árinu 2007, fyrst Össur Skarphéðinsson og síðan Katrín Júlíusdóttir. Á þessum tíma hefur hver snúningurinn á fætur öðrum verið tekinn á orkuauðlindum þjóðarinnar. Magma-málið er með langa og ljóta fortíð.

Þegar Jóhanna Sig. segir ekki hafa verið farið á svig við lög í Magma-málinu lýgur hún blákalt.

Ekki farið á svig við lögin

Ríkisvald í þágu auðmanna gegn þjóðinni

Iðnaðarráðuneyti á ábyrgð Samfylkingar leiðbeinir Magma að svindla sér framhjá lögum til að komast yfir auðlindir í almannaeigu. Ríkisstjórn sem vinnur meðvitað og yfirlýst gegn almannahagsmunum fær ekki staðist. Magma-málið er samfelld hryllingssaga þar sem koma við sögu siðlausir útrásarauðmenn, kanadískur braskari sem lofar 1000% hagnaði, íslenskir meðhlauparar og spilltir stjórnmálamenn.

Furðufréttir um að Magma ætli í hlutafjárútboð til að fjármagna kaupin hér á landi, að kanadískur eigandi hafi lánað fyrirtækinu milljarða og að fyrirtækið leiti á íslenska lífeyrissjóði um fjármagn staðfesta braskaraeðli málsins.

Íslenskur almenningur mun blæða fyrir braskvæðingu stjórnarráðsins.

Ekki boðlegir stjórnsýsluhættir