Samfylking þarf nýja þjóð

Samfylkingin var útrásarúlfur í sósíaldemókratískri gæru og stóð hrunvaktina með alkunnum ósóma. Þegar fjármálaútrásinni lauk með hruni stökk flokkurinn til og efndi pólitískrar útrásar með umsókn um aðild að Evrópusambandinu. Samfylkingin er flokkur hugsjónalausra valdatækna.

Sigmundur Ernir var dyggur þjónn auðmannafjölmiðla og tók sem slíkur þátt í flatneskju og andlegri eymd útrásarinnar. Auðvitað fór hann í framboð fyrir Samfylkinguna þegar tækifæri gafst til enda hitti hann þar fyrir sína tegund fólks.

Samfylkingin er að liðast í sundur vegna þess að hún á sér völdin ein sem samnefnara. Foringi Samfylkingarinnar í Reykjavík fékk háðsglósur félaga sinna daginn eftir kosningarnar og kröfur um afsögn enda stórtapaði flokkurinn. En þegar Dagur B. lét sér til hugar koma að gera fíflaframboðið að valdahækju sinni snarbreyttist viðhorf félaganna. Þegar völd eru annars vegar helgar tilgangurinn meðalið hjá samfylkingarmönnum.

Valdatæknifólkið í Samfylkingunni þarf að finna sér nýja þjóð til að ljúga sig inná. Íslendingar átta sig æ betur á hverslags lið þetta er - Gallupkönnun í kvöld gaf flokknum 20 prósent.

 

 

Samfylking finni nýja forystu

80 prósent vilja utanþingsstjórn

Ályktunin sem má draga af spurningu Gallup er að átta af hverjum tíu vilja utanþingsstjórn. Það stemmir ágætlega við ófarir stjórnmálastéttarinnar í kosningunum um helgina. Út með stjórnmálamennina og inn með aðra - bara einhverja s.s. grínista.

Stjórnmál á Íslandi eru í virkilega djúpum skít.

Meirihluti vill utanþingsráðherra

Heimalingsrökin fyrir ESB og niðjar kaupmanna

Davið Scheving Thorsteinsson fyrrum stórgrosser með gjaldþrot eða tvö undir beltinu orðar heimalingsrökin fyrir aðild að Evrópusambandinu á fundi Félags viðskipta- og hagfræðinga í dag. Yfirskriftin var „Hvað þurfum við að gera til að við og niðjar okkar viljum búa hér?“

Samkvæmt frásögn pressunnar

Ég er fylgjandi að aðild Íslands að ESB verði reynd í fullri alvöru, vegna þess klúðurs sem verið hefur í efnahagsstjórn á Íslandi þau 80 ár sem ég hef lifað og ég trúi ekki að manninum verði að vana sínum að míga upp í vindinn.

 

Næst þegar Davíð Scheving stígur á stokk og veitir af visku sinni ætti hann kannski að gera samanburð á þróun lífskjara hér á landi síðustu 80 árin og Evrópuríkja.

Heimalingsrökin fyrir aðild Íslands að Evrópusambandinu eru iðulega höfð í frammi af fólki sem sér útlönd í hillingum en finnur Fróni allt til foráttu. Dálítið nærsýnt. 

 

 

 

Evrópufjárlög og drög að byltingu

Engan skatt án samþykkis fulltrúa þjóðarinnar hljómar slagorð úr amerísku byltingunni á 18. öld. Evrópusambandið ætlar á 21. öld að setja saman Evrópufjárlög til að bjarga myntsvæðinu sem er á barmi hengiflugs vegna skulda og skertrar samkeppnishæfi Suður-Evrópu.

Borgaralegir þingmenn í Svíþjóð, t.d. Karl Sigfrid, vara við yfirvofandi evruskatti sem leggst á öll ESB-lönd þótt aðeins sextán af 27 ESB-ríkjum hafi tekið upp evru. 

Hér er Brósi á Símfréttum með greiningu á stöðu Spánar og framtíðarhorfum.

Skuggalegt.

Bjarni Ben. er stopp

Uppgjör móðurflokks íslenskra stjórnmála er um það bil að stöðvast og var þó ekki komið langt á veg. Uppgjörið er í höndum formannsins, Bjarna Ben., og um helgina sýndi hann ekki næmni á stöðu sína og flokksins. Pínlegt augnablik í Silfri Egils var afhjúpandi.

Formaðurinn kom með þá greiningu að fólk vildi hafa hlutina í lagi en væri ekkert að spá ýkja mikið í pólitíkina. Já, sagði Egill, þú meinar græða á daginn og grilla á kvöldin og vísaði þar á uppskrift af heimska græðgisvædda sjálfstæðismanninum sem naut sín á útrásarárunum.

Bjarni Ben. hefur reynt að selja fólki þessa hugmynd um að flokkurinn hafi gert nóg í uppgjörsmálum og nú eigi að horfa fram á veginn. Við kaupum ekki hugmyndina.

Til að Sjálfstæðisflokkurinn nái vopnum sínum verða útrásarþingmenn að víkja varanlega ekki aðeins tímabundið. Þar á meðal eru Þorgerður Katrín, Guðlaugur Þór Þórðarson og Illugi Gunnarsson. 

Liðleskjuafstaða formannsins til meginmála, eins og til umsóknarinnar um aðild að Evrópusambandinu, verður að breytast. Formaður sem ekki treystir sér til að framfylgja afgerandi og afdráttarlausum vilja flokksmanna er vitanlega rangur maður á röngum stað.

Sjálfstæðisflokkurinn þarf að verða millistéttarflokkur á ný, ekki málssvari auðmanna. Í því felst að flokkurinn sker upp herör gegn viðskiptasamsteypum og eignarhaldsfélögum.

Pólitískt umhverfi er þannig í dag að þeir sem ekki eru afdráttarlausir og tilbúnir í slaginn sitja eftir í rykmekki.

 

Valdataka verður stefnumót

Forsíður Morgunblaðsins síðstu tvo daga sýna hversu erfitt er að fjalla um Besta flokkinn og hvað hann sendur fyrir. Í gær hét það Valdataka undirbúin en í dag Stefnumót í borginni. Fyrirsögnin í gær gaf til kynna að bestafólkið kæmi inn í íslensk stjórnmál sem flagð undir fögru skinni. Í dag er það mýkt og rómantík.

Hvorugt er rétt. Besti flokkurinn er grín sem þrífst á því að vera tekið alvarlega. Ekkert bendir til annars en að flokkurinn búi til sínar áætlanir frá degi til dags með það í huga að framlengja sýninguna. Dagur B. gerði þeim stóran greiða og gærdagurinn fór í að tala um opnu og auglýstu leynifundina. Núna er það ,,lágmarksniðurstöður". 

Grínið heldur áfram á meðan almenningur og fjölmiðlar hafa nennu til. 

„Lágmarksniðurstöður“ í dag