Sakamenn í Sjónvarpinu

Jóhanna Sig. og Steingrímur J. komu fram sem sakamenn í aukafréttum RÚV. Ruslútgáfa íslenskra stjórnmála mætti þjóð sinni og grét í beinni.

Vælið í kvislingastjórninni er sektarsnökt fólks sem vinnur vitandi vits gegn þjóðarhagsmunum.

Þegar stjórnarandstaðan hysjar upp um sig brækurnar eru dagar ríkisstjórnar Jóhönnu Sig. taldir. Eftir þjóðaratkvæðið liggur buxnastrengurinn um mið læri - á leiðinni upp.

Nær allir segja nei

Ráðherrar grafa undan lýðræði

Ráðherrar eiga að vera fyrirmynd þegar kemur að því að virða lýðræðislegan vilja þjóðarinnar. Ráðherrar eru í embættum sínum vegna þjóðarvilja og þeir eiga á öllum stundum að bera fyrir brjósti lýðræðið.

Jóhanna Sig. og Steingrímur J. hafa sýnt fyrirlitningu sína á þjóðarvilja með því að sitja heima og taka ekki þátt í fyrsta þjóðaratkvæði lýðveldisins.

Skötuhjúin hafa fyrirgert stöðu sinni sem ráðherrar í ríkisstjórn Íslands.

Tæplega 43% kjörsókn

Forsetinn og ný ríkisstjórn

Lokaatriði Icesave-harmleiksins opnaði sviðið fyrir Ólafi Ragnari Grímssyni forseta. Í fyrstu þjóðaratkvæðagreiðslu lýðveldisins beinist kastljósið að forsetanum en leiðtogar ríkisstjórnarinnar, Jóhanna Sig. og Steingrímur J., eru í felum.

Icesave-málið er löngu komið úr höndum ríkisstjórnarinnar. Það er stjórnarandstaðan sem ræður því hvort samningar verði gerðir við Breta og Hollendinga og í höndum forsetans hvort þeir samningar hljóta lagagildi.

Ólafur Ragnar gæti metið stjórnleysið svo algert að hann hlutaðist til um að skipt yrði um ríkisstjórn. Hann er, þrátt fyrir allt, guðfaðir starfandi stjórnar og gæti sem best talið það þjóðarhagsmuni að ný ríkisstjórn taki völdin að loknum Icesave-kosningum.

Ólafur Ragnar búinn að kjósa

Útrásarstrákarnir og Icesave

Innræti og sálarlíf útrásarmanna er sennilega með öðrum hætti en hjá velflestum. Hugmyndir þeirra um siði og góðar venjur eru hversdagsfólki framandi. Blekkingar og lygi eru þeim sjálfsögð verkfæri. Lygavefurinn var spunninn á þeirri sjálfsblekkingu að íslenskir strákar kynnu að fara betur með peninga en aðrir.

Sjálfsblekkingin er jafn aulaleg og hún er augljós en er ekki nema hluti skýringarinnar.  Það sem vantar i púslið er hvers vegna jafn margir og raun ber vitni lögðu trúnað á sjálfsblekkingu útrásarstrákanna. 

Veldi þeirra stóð í tæpan áratug en við verðum áratugi að jafna okkur eftir hrunadansinn. Í dag fer þjóðin á kjörstað og hafnar Icesave-skuldaklyfjunum sem ríkisstjórnin ætlaði fyrir hönd útrásarstrákanna að láta þjóðina axla.

 

Ný stefna felldi Glitni