Magma mjólkar almenning í boði Samfylkingar

Samfylkingin ætlar að hleypa kanadísk-sænska skúffufyrirtækinu Magma inn í íslenska orkugeirann. Í stað þess að nota tækifærið og gera orkufyrirtækin aftur af almenningsveitum er markmið vinstri stjórnarinnar að auðvæða almannaeign.

Íslenskir stjórnmálamenn ætla ekki að læra af reynslunni sem fékkst af samkrulli auðmannafélagsins FL-group  og Orkuveitu Reykjavíkur.

Samfylkingin er vitanlega flokkurinn sem dregur fram rauða dregilinn fyrir aðgang auðmanna að almannaeigum. Nema hvað.

NV-Atlantshafsbandalagið

Engin nágrannaþjóð okkar er á leiðinni í Evrópusambandið. Grænlendingar og Færeyingar leita að leiðum til að losna undan stjórn Dana en eru ekki tilbúnir að stíga skrefið til fulls. Íslendingar og Norðmenn eru harðákveðnir að standa utan þótt sósíaldemókratíska elítan í báðum löndum haldi annað.

Í fríverslunarbandalagi gætu Grænland og Færeyjar styrkt stöðu sína gagnvart Dönum og Íslendingar og Norðmenn eiga auðveldara með að eiga samskipti við Evrópusambandið.

NV-Atlantshafsbandalagið er verkefni sem bíður eftir framsýnum stjórnmálamönnum.

Andstaða við ESB vex í Noregi

Samfylkingin einangrar alþingi frá þjóðinni

Samfylkingunni líðst að einangra þingvilja frá þjóðarvilja. Afgerandi meirihluti þjóðarinnar, eða 70 prósent, er andvígur inngöngu Íslands í Evrópusambandið. Þrátt fyrir það tekst Samfylkingunni, sem fékk vel innan við þriðjung atkvæða í síðustu kosningum, að halda til streitu umsókn Íslands um aðild að ESB.

Í öllum þjóðfélagshópum er meirihluti andvígur aðild. Aðeins sá þjófélagshópur sem kýs Samfylkinguna er í meira mæli hlynntur aðild en mótfallinn. Og fylgi Samfylkingar hríðfellur, samkvæmt skoðanakönnunum.

Á meðan staðfest er gjá milli þjóðarvilja og alþingis í jafn veigamiklu máli og hér um ræðir verður engin leið fyrir stjórnvöld að fá almenning til að vinna með sér. Stjórnvöld eiga að hafa frumvæði að því að leggja fram þingsályktun um að ríkisstjórnin dragi tilbaka umsókn Íslands um aðild að Evrópusambandinu.