Steingrímur J. að brotna

Höggið sem Steingrímur J. fékk frá Jóhönnu Sigurðardóttir í Kastljósi gærdagsins varð til þess að hann kveinkaði sér á þingi í dag. Jóhanna sagði að Svavar Gestsson, aðalsamningamaður í Icesave-deilunni, hefði betur haft með sér vanan mann er kynni að gera alþjóðasamninga.

Svavar Gestsson er pólitískur fóstri Steingríms J. og sérvalinn í það verkefni að semja við Breta og Hollendinga um Icesave. Móðgunarorð Jóhönnu eru í besta samfylkingarstíl. Þegar stjórnarskútan er komin upp á sker býr samfylkingarfólk svo um hnútana að öllum öðrum en þeim sjálfum verði kennt um.

Stjórnarandstaðan rann á blóðbragðið og tuskaði til fjármálaráðherra. Steingrímur J. sakaði þingmenn um mannorðsveiðar en gleymdi að taka fram að forsætisráðherra gaf út veiðileyfið.

Sakaði þingmenn um mannaveiðar

Siðblindan er tvöföld

Siðblindum líður ágætlega í eigin skinni, segir Nanna Briem geðlæknir og dregur þar fram athyglisvert einkenni siðblindu sem er að hún er tvöföld, beinist bæði út á við og að innri manni. Siðblindur maður getur ekki sett sig í spor annarra, er ófær um að meta eigin gerðir út frá öðrum sjónarhóli en sínum eigin. Og sjónarhorn siðblindingjans er að hann geti ekki gert neitt rangt.

Og hvar eru flestir siðblindingjar á Íslandi?  Maður byrjar á félagaskrá Viðskiptaráðs.

Siðblinda finnst allsstaðar

Jón Ásgeir gengur laus...

...og Jóhanna Sigurðardóttir forsætisráðherra og formaður Samfylkingarinnar skilur bara ekkert í því hvernig Jóni Ásgeiri og öðrum hrunmönnum líðst að halda eigum sínum en skilja skuldirnar eftir. Ein skýring er að Jón Ásgeir fjármagnaði Samfylkinguna í gegnum fjölmörg félög í hans eigu.

Samkvæmt reglum um stuðning við stjórnmálaflokka sem tóku gildi áramótin 2007/2008 mega aðeins koma 300 þús. kr. frá hverjum lögaðila til stjórnmálaflokka. Jón Ásgeir stjórnaði fjölmörgum lögaðilum sem styrktu Samfylkinguna, s.s. Glitni, Högum, Landic Property, FL-Group og Teymi. Ein ákvörðun en margir styrkir.

Áður en nýju reglurnar tóku gildi var Samfylkingin með verulegan stuðning frá fyrirtækjum Jóns Ásgeirs.

Fjárhagsleg afkoma Samfylkingarinnar er háð því að Jón Ásgeir eigi sem flest fyrirtæki. 

Gríðarlegar skuldir í huldufélagi