Fortíðardraugur ræðir framtíðina

Veröld Þorsteins Pálssonar hólfaskipt. Ungur maður sá Þorsteinn heiminn í svarthvítu ljósi vestræns kapítalisma og austræns kommúnisma. Í dag er Evrópusambandið eða einangrun á alþjóðavísu. Heimsmynd Þorsteins var röng í gamla daga og hún er enn röng þegar hann er að komast á eftirlaunaaldur.

Ísland er þannig í sveit sett að landið hefur alla möguleika að bjóða íbúum sínum góða afkomu í fullvalda ríki sem fer forræði eigin mála. Ekkert nágrannaríkja okkar lætur sér til hugar koma að framselja fullveldi sitt til Brussel í von um efnahagslegan eða pólitískan ábata. Grænland, Færeyjar og Noregur standa utan Evrópusambandsins á grunn sannfæringar sem byggir á sögulegum og landfræðilegum rökum.

Þorsteinn Pálsson fetar sömu slóð og sumir aðrir stjórnmálamenn sem fyrst missa trúna á sjálfan sig og síðan á þjóðinni. Halldór Ásgrímsson fyrrum formaður Framsóknarflokksins klifaði á því að við gætum ekki borið uppi fullvalda ríki og yrðum þess vegna inn í Evrópusambandið.

Menn eins og Þorsteinn og Halldór hafa rétt á sínum skoðunum. Við hin höfum rétt á að fyrirlíta aumingjarökin sem þeir tefla fram.

 

 

Ríkisstjórnin ekki líkleg til að finna lausn

Vigdís og hrokafuglarnir

Vigdís Hauksdóttir þingmaður Framsóknarflokksins greinir stöðu ríkisstjórnar Jóhönnu Sig. hárrétt þegar hún líkir þríeykinu Steingrími J., Jóhönnu og Össur við vankaða fugla sem reyna að stíga í vænginn við Framsóknarflokkinn. Hrokafuglarnir í ríkisstjórninni verða ekki fleygir á ný þótt Framsókn sjái aumur á þeim.

Framsóknarflokkurinn er verulega endurnýjaður frá útrásartímum og glímir ekki við sama vanda og Sjálfstæðisflokkur og Samfylking sem eru með mörg lík í lestinni. Á hinn bóginn gæti það orðið Framsókn skeinuhætt að ganga inn í ríkisstjórn si svona og fá fangið fullt af óleysanlegum vanda.

Framsóknarflokkurinn ætti að gera þríeykinu tilboð. Ríkisstjórn Jóhönnu Sig. fari frá og núverandi ríkisstjórnarflokkar veiti minnihlutastjórn Framsóknarflokksins stuðning til að glíma við bráðavanda. Kosningar verði í febrúar í vetur. Framsóknarflokkurinn á þetta inni hjá vinstriflokkunum. Í starfsstjórn Framsóknarflokksins yrði Vigdís Hauksdóttir utanríkisráðherra.

Þingmaður líkir ráðherrum við dauða fugla í grilli

Machiavelli býr í Brussel

Valdastjórnmál þar sem sá sterki hótar þeim sem stendur höllum fæti eru vinnubrögð sem tíðkast í Evrópusambandinu. Í Brussel er beinlínis gert ráð fyrir því að þjóðir séu meðhöndlaðar í samræmi við styrkleika, ímyndaðan er raunverulegan. Forseti Frakklands spurði með þjósti nýverið hvort framkvæmdastjórnin vissi ekki að hér ætti stórþjóð í hlut þegar tryggja átti sígaunum mannréttindi í landi þjóðar bræðralags og jafnréttis.

Bréf frá Brussel til sjávarútvegsráðherra um að Ísland ætti að hafa hægt um sig er í þekktum yfirgangsstíl þar sem smáþjóðinni er sagt að gera eins og yfirvaldið býður. Ítalski höfundurinn Niccoló Machiavelli skrifaði um valdið á árnýöld og hvernig járnhnefa á að klæða í silkihanska. Framkvæmdastjórnin kann sinn Machiavelli.

 Það eina sem er undarlegt í málinu öllu er að málstaður aðildarsinna á Íslandi skuli mælast um 30 prósent.

„Ég lýsi furðu yfir þessu hótunarbréfi“