Skopskyn aðildarsinna

Ómar Valdimarsson almannatengill birtir meintan brandara á bloggi sínu sem á að sýna hvað andstæðingar aðildar Íslands að Evrópusambandinu séu sveitó. Í heild er skopið á þennan veg

 

Í hádeginu í dag sat ég til borðs með fólki frá fjórum Evrópusambandslöndum. Þetta var einstakt tækifæri svo ég spurði þau hvert fyrir sig hvaða auðlindir þeirra landa Evrópusambandið hefði hrifsað til sín eða lagt undir sig við inngönguna í ESB.

Ekkert þeirra skildi spurninguna.
Ég reyndi aftur: hirti ekki ESB skógana í Svíþjóð eða frönsku rivíeruna eða belgísk viðskiptatengsl í Kongó...?

Þá hlógu þau sig máttlaus og héldu að þetta væri brandari.

 

Evrópsku heimsborgararnir sem voru borðnautar Ómars eru grunlausir um að undanfari Evrópusambandsins var Kola- og stálbandalagið, þar sem stjórn á auðlindum aðildarþjóða var sett undir einn hatt til að efla evrópska samstöðu. Næst var landbúnaðarstuðningur felldur að sameiginlegu regluverki og rétt fyrir upphaf aðildarviðræðna við fiskveiðiþjóðirnar Bretland, Danmörku, Írland og Noreg í byrjun áttunda áratugsins var sjávarútvegurinn samnýttur undir merkjum Brusselvaldsins.

Í starfi sínu kynnist Ómar upplýstu fólki með ríka kímnigáfu. Við getum ekki beðið eftir að komast í óskaland Samfylkingarinnar til að eiga samfélag með sniðugu fólki sem lætur sögulegar staðreyndir ekki spilla góðum brandara, sé skopið á kostnað lúðanna sem færðu heiminum Icesave-reikningana.

 

 

ESB-stríðið; Samfylkingin gegn öllum

Samfylkingin mun keyra áfram sameiningu ráðuneyta, einmitt til að lama ráðuneyti sjávarútvegs og landbúnaðar þegar aðlögun Íslands að Evrópusambandinu stendur sem hæst. Andstaða við inngöngu er afgerandi í landbúnaði og sjávarútvegi. Með því að veikja ráðuneyti málaflokksins og þynna út er Samfylkingin að þjóna flokkshagsmunum á kostnað þjóðarhagsmuna.

Samfylkingin veit sem er að tapi flokkurinn ESB-stríðinu er hann búinn að vera. Samfylkingin stendur ekki fyrir neitt annað en inngöngu í ESB. Öll kosningabarátta flokksins í vor gekk út á inngöngu.

Flokkurinn mun beita öllum ráðum til að þvinga Ísland inn í Evrópusambandið. Uppstokkun í stjórnarráðinu og krafa um afsögn ráðherra Vinstri grænna sem ekki taka undir ESB-umsóknina verður teflt fram af hálfu Samfylkingar.

Það er til marks um eymdarvolæði íslenskra stjórnmála að Samfylkingin, sem fékk innan við 30 prósent atkvæða í síðustu þingskosningum, skuli ráða ferðinni í stærsta hagsmuna máli þjóðarinnar frá lýðveldisstofnun.

Mótmæla sameiningu ráðuneyta

Byr og imbavæðingin

Byr á annað tveggja að fara sömu leið og Spron eða að kröfuhafar taki sparisjóðinn yfir án milligöngu ríkisins. Byr er óskammfeilinn útrásarsamsetningur með enga tilvísun til annars en græðgissamfélagsins. Ótækt er að opinberir fjármunir renni til niðursetningsins og gera hann að lifandi minnismerki um imbavæðingu fjármálastofnana.

Byr fjórði ríkisbankinn?