Illugi og félagar andskotast út í traust

Alkunnir vinstrimenn hjóla í ráðherra og biskup fyrir að tala um traust í samfélaginu. Hanna Birna Kristjánsdóttir innanríkisráðherra talaði um traust á kirkjuþingi og Agnes M. Sigurðardóttir sömuleiðis.

Þeir Illugi Jökulsson, Karl Th. Birgisson og Úlfar Þormóðsson  eiga erfitt með að umbera ákall um traust.

Hvers vegna hatast vinstrimenn út í áköll um að traust aukist í samfélaginu? Jú, vegna þess að í samfélagi þar sem ríkir traust eiga vinstrimenn harla lita von á stuðningi til landsstjórnar.

Þegar vantraust ríkir, upplausn og óöld, þá eiga vinstrimenn leik samanber búsáhaldabyltinguna og kosningasigur vinstriflokkanna vorið 2009.

 

Kirkjuþing sett í Grensáskirkju

Vinstriflokkarnir, valdatakan og útlegðin

Vinstriflokkarnir, Samfylkingin og Vg, notfærðu sér upplausnina í kjölfar hrunsins til valdatöku. Með því að kynda undir stjórnleysi og auka á upplausn í samfélaginu, sem þó var nóg fyrir, sáu vinstrimenn sér leik á borði að skrifa hrunið allt á reikning Sjálfstæðisflokks og Framsóknarflokks.

Í kosningunum vorið 2009 tókst vinstriflokkunum að ná meirihluta í fyrsta sinn í lýðveldissögunni. Valdatakan heppnaðist. Vinstriflokkarnir náðu völdum á forsendum upplausnar. En til að halda völdum þarf stöðugleika. Vinstriflokkarnir reyndust ófærir að búa til stöðugleika og þeim var refsað grimmilega af kjósendum vorið 2013; Samfylkingin fékk 12,9% og Vg 10,9%.

Vinstriflokkarnir lærðu ekkert af kosningunum. Þeir trúa enn að skæruliðapólitík, sbr. t.d. leka-málið og stóra vélbyssumálið, skili sér í varanlegum völdum. Svo er ekki. Flokkar sem sem byggja pólitík sína á upphlaupsmálum geta í besta falli skorað stórt í skoðanakönnunum og við afbrigðilegar aðstæður eins og voru eftir hrun.

Á meðan upphlaupspólitíkin ræður ríkjum á hjá vinstriflokknum verða þeir í útlegð frá stjórnarráðinu. 

„Við höfðum tapað“

Hlutafélög og svik við samfélagið

Fyrsta íslenska hlutafélagið var stofnað um miðja 18. öld af Skúla Magnússyni og félögum og markaði upphaf nývæðingar atvinnulífs hér á landi, - sem raunar tók langan tíma enda settu móðuharðindin og Napoleónsstyrjaldir strik í reikninginn.

Hlutafélög voru drifkraftur breyttra atvinnuhátta og eru bráðnauðsynleg fyrir þróun í atvinnurekstri með því að takmarka ábyrgð einstaklinga við framlagt hlutfé. Á hinn bóginn er morgunljóst að sumir nota hlutafélagaformið til að svíkjast undan ábyrgð gagnvart birgjum og lánadrottnum.

Til að bregðast við þessum svikum mætti reyna leið upplýsingatækninnar og gagnsæis með því að koma upp opnum gagnabanka sem heldur utan um öll skráð hlutafélög og einkahlutafélög og stjórnir þeirra. Upplýsingar um gjaldþrot einstaklinga ættu heima í þessum banka. Með því að fletta upp kennitölu einstaklinga mætti sjá viðskiptaferil hans, í hvaða stjórnum hlutafélaga hann hefur setið, hvort einhver þeirra hafi orðið gjaldþrota og svo framvegis.

Gusan af gjaldþrotum eftir hrun mun að einhverju marki hjaðna sjálfkrafa. Á hinn bóginn er alveg eins líklegt að lukkuriddarar líti á gjaldþrot sem hluta af viðskiptaáætlun. Opinn gagnabanki um hlutafélög ætti að takmarka svigrúm lukkuriddarana.   

290 milljarðar í kröfur

Ríkissaksóknari eltir skottið á sjálfum sér

Ríkissaksóknari elti DV í tilbúna lekamálinu og verður núna að elta eigið fordæmi og rannsaka leka vegna samkeppnismála skipafélaganna til Kastljóss.

Næst þarf ríkissaksóknari að rannsaka lekann í stóra vélbyssumálinu og svo framvegis.

Lekarannsóknari ríkisins er óþarft embætti og hlýtur að fá fjárveitingar samkvæmt því.

Ríkissaksóknari rannsakar meintan leka

DV-RÚV og hannað almenningsálit

Eftir að RÚV tók til við að elta DV-spunann í hverri fréttafléttunni á fætur annarri er svo komið að DV telur sig handhafa almenningsálitsins.

Ritstjóri DV telur sig í ljósi bandalagsins við RÚV þess umkominn að ákveða hverjir skuli taka til máls í umræðunni og hvenær. DV-bloggari með RÚV fortíð talar um að við búum í lögregluríki.

 DV-RÚV eru fjölmiðlar sem segja ekki fréttir heldur reyna þeir að hanna almenningsálit. 

Umræðuheimskan

RÚV, DV og vinstriflokkarnir standa fyrir umræðu um vopnamál lögreglu sem ekki er ætlað að upplýsa heldur fávitavæða. Aðalfrétt RÚV í gærkveldi voru ummæli talsmanns norska hersins um að til væri samningur um að  Landhelgisgæslan keypti byssur af norska hernum fyrir tíu milljónir króna.

Umræðueðjótarnir tóku byssur Landhelgisgæslunnar og hristu þær saman við vélbyssur lögreglunnar og fundu út allsherjarsamsæri þar sem koma við sögu fantasíur þingmanna úr tölvuleikjum.

En hverjar eru staðreyndir málsins? Jú, lögregla og Landhelgisgæsla eiga vopn til að beita þegar nauðsyn krefur. Er lögregla og Landhelgisgæsla þekkt fyrir að misbeita vopnum sínum? Nei. Er eðlilegt að vopnin séu endurnýjuð? Já.

Forheimskun umræðunnar um vopnamál lögreglu sýnir rökréttar afleiðingar DV-væðingar RÚV.

 

Stóð aldrei til að kaupa vopnin

Stjórnvöld á krossgötum stöðugleika og verðbólgu

Ísland eftir hrun er stöðugasta land Vestur-Evrópu, að Olíu-Noregi frátöldum. Ísland býr við stöðugasta gjaldmiðilinn, besta atvinnustigið og hæsta hagvöxtinn í okkar heimshluta.

Ógnarorðræða ASÍ um að steypa ríkisstjórninni af stóli með verðbólgusamningum og sérgæskukröfur hálaunafólks á ríkisstjórnin að láta sem vind um eyru þjóta.

Við næstu kosningar verður ríkisstjórnin metin eftir því hvort henni tókst að standa í ístaðinu og varðveita stöðugleikann eða hvort hún lét eftir ógnarorðræðunni og sérhagsmununum. 

 

Aðhald skiptir sköpum á næstunni

Rothögg á áfengisfrumvarp

Nærri 70 prósent þjóðarinnar eru á móti sölu áfengis í matvöruverslunum, samkvæmt könnun.

Öll rök standa gegn afnámi núverandi fyrirkomulags áfengissölu nema frjálshyggjurökin í þágu fákeppnisverslunarinnar.

Þingmenn á alþingi Íslendinga geta ekki farið gegn heilbrigðri skynsemi og afgerandi meirihluta þjóðarinnar. 

Tók nýverið upp múslímatrú

Skotmaðurinn í Kanada tók nýverið upp múslímatrú, segir í fréttum. Ofbeldisseggir þjóna sínu eðli æ oftar undir trúarlegu yfirskini.

Og hvers vegna velja þeir mun oftar múslímatrú fremur en kristni, búddisma eða einhverja sértrúarkreddu?

Trúarleg mótív til morða er akútelt umræðuefni sem kjaftastéttirnar á vinstri vængnum keppast við að þegja um. Hvers vegna? 

Nafn byssumannsins birt

Vélbyssur og ótrúverðug stjórnarandstaða

Stóra-vélbyssumálið blés út vegna þess að stjórnarandstaðan fyllti það lofti. Vélbyssu-málið verður sprungin blaðra um helgina og entist þá í inna við viku. MS-málið mátti þó mjólka í rúma tíu daga eða svo.

Þegar stjórnarandstaðan blæs út léttvæg mál og lætur eins og himinn og jörð séu að farast þá grefur það undan trúverðugleikanum. 

Málefnafátæktin í herbúðum vinstriflokkanna er á hinn bóginn slík að sérhver DV-spuni er gripinn fegins hendi.

 

Ráðherrar upplýsi Alþingi um vopnin