Leiðrétta fólkið og ómerkilega fólkið

Tugþúsundir Íslendinga fengu leiðrétt lán sín í síðustu viku, líkt og ríkisstjórnin lofaði í upphafi kjörtímabilsins. Margir af þeim sem sóttu um og fengu leiðréttingu töldu leiðréttinguna ótæka og vildu fremur að peningarnir færu í heilbrigðiskerfið.

Meðal þeirra sem fengu leiðréttingu en formæltu henni samtímis voru formenn Vg og Samfylkingar, Katrín Jakobsdóttir og Árni Páll Árnason, auk fjölda þingmanna vinstriflokkanna.

Marinó G. Njáls­son, sem lengi hef­ur bar­ist fyr­ir hags­mun­um heim­il­anna, og eig­in­kona hans Harpa Karls­dótt­ir leggja til að þeir sem fengu leiðréttingu, og þurfa ekki á henni að halda, láti peninginn renna í sjóð til styrktar heilbrigðiskerfinu.

Fyrir viku mótmælti jæja-hreyfingin slæmri stöðu heilbrigðiskerfisins. Ef jæja-fólkið meinti eitthvað með þeim mótmælum þá hefði það boðið Marinó að flytja tölu á fundinum á morgun til að útlista hvernig mætti bæta heilbrigðiskerfið með átaki almennings.

En jæja-fólkið hefur ekki áhuga á lausnum. Jæja-fólkið tilbiður ömurleikann. Frummælendurnir á morgun eru báðir fulltrúar þess sjónarmiðs að Ísland sé ónýtt. Annar þeirra birti þennan kveðskap nýverið

Þannig að Sigmundur Davíð, éttu skít.
Hanna Birna, éttu skít.
Sigurður G., éttu skít.
Vigdís Hauks, éttu skít.

Jæja-fólkið er álíka merkilegt og þingmennirnir sem formæla leiðréttingunni en stinga sínum hluta í vasann um leið og það segir öðrum að éta skít.

„Jæja, Hanna Birna“

Saksóknari í pólitík eftir sneypuför fyrir dómi

Ríkissaksóknari fer með ákæruvaldið í landinu. Hann ákveður upp á sitt einsdæmi hverjir skulu sæta rannsókn og hvort ákært skuli í framhaldi. Þeir sem fara með ákæruvaldið ættu að haga orðum sínum þannig að heiðarleiki embættisins verður ekki dregin í efa. Sú er ekki raunin.

Vararíkissaksóknari, Helgi Magnús Gunnarsson, kemur ítrekað fram í fjölmiðlum með þeim hætti að stórlega má efast um dómgreind hans. Helgi Magnús fór sneypuför fyrir héraðsdóm Reykjavíkur á miðvikudag sem handhafi ákæruvaldsins gegn Gísla Frey Valdórssyni.

Saksóknarinn Helgi Magnús reyndi að gera upplýsingagjöf Gísla Freys til fjölmiðla að stórpólitísku máli með því að væna Gísla Frey og ráðherra um að hafa lekið upplýsingum sér til ávinnings. Dómarinn í málinu, reyndur maður í sínu fagi, Arngrímur Ísberg, blés á málatilbúnað Helga Magnúsar og sagði þetta um pólíska hluta ákærunnar:

Hins vegar er ekki fallist á að sýnt hafi verið fram á að ákærði hafi komið minnisblaðinu á framfæri í því skyni að afla sér eða öðrum óréttmæts ávinnings, hvorki fjárhagslegs né annars.

Í stað þess að taka niðurstöðu dómsins eins og manni í embætti saksóknara sæmir þá hóf Helgi Magnús upp málflutning gegn innanríkisráðherra í fjölmiðlum strax eftir niðurstöðu dómara.

Pólitískur áhugi Helga Magnúsar á málinu hófst raunar áður en lekamálið var dómtekið en þá tjáði hann sig með ótvíræðum hætti á samfélagsmiðlum með ,,læki".

Helgi Magnús lét ekki við sitja að gefa pólitískar yfirlýsingar strax eftir dóminn heldur er kappinn mættur í helgarviðtal í RÚV og heldur áfram pólitískum árásum á innanríkisráðherra.

 

Með pólitískum yfirlýsingum sínum vanvirðir Helgi Magnús niðurstöðu héraðsdóms og opinberar jafnframt að pólitísk heift fremur en málefnaleg yfirvegun ræður ferðinni hjá embætti ríkissaksóknara. Og það veldur hrolli.

Auðmaðurinn skammar Árna Pál og Helga Hjörvar

Formaður Samfylkingar, Árni Páll Árnason, og Helgi Hjörvar þingmaður sama flokks eru meðal þeirra vinstrimanna sem sóttu um leiðréttingu lána sinna og fengu.

Best auglýsti auðmaður Samfylkingar, Vilhjálmur Þorsteinsson, skrifar pistil þar sem hann segir leiðréttinguna galna. Auðmaðurinn er meira í takt kjósendur Samfylkingar en formaðurinn og Helgi. Könnun Fréttablaðsins segir að meirihluti kjósenda flokksins séu á móti leiðréttingunni.

Sannfæringakrafturinn mun geisla af Árna Páli og Helga þegar þeir á alþingi harma leiðréttinguna sem þeir þó stinga í eigin vasa.

Valdefling DV og RÚV - æra blaðamanns

Stóra lekamálið er rekið af mestu offorsi af DV og RÚV. Leiðari DV í dag tekur af öll tvímæli að blaðið telur sig þess umkomið að ákveða hverjir skulu ráðherrar á Íslandi og hverjir ekki. Ritstjóri DV er nýkominn til starfa frá RÚV sem fylgir eftir DV í málinu, oft með hálfkveðnum vísum og slúðri. 

Ritstjóri DV teflir fram tveim blaðamönnum sem riddurum sannleikans í stóra lekamálinu, sem snýst jú um leka á ,,viðkvæmum persónuupplýsingum" úr innanríkisráðuneyti, eins og segir í dómi héraðsdóms.

Annar blaðamannanna sem ritstjóri DV flaggar, Jón Bjarki Magnússon, er nýverið í tvígang dæmdur í Hæstarétti Íslands fyrir ærumeiðingar, sjá hér og hér.

Setjum málin í rétt samhengi:

Gísli Freyr Valdórsson er dæmdur í héraðsdómi fyrir að bera út viðkvæmar persónuupplýsingar. Hann fær fangelsisdóm, missir vinnuna og er úthrópaður í samfélaginu. Jón Bjarki Magnússon blaðamaður DV er dæmdur ærumorðingi í Hæstarétti, ekki einu sinni heldur tvisvar. Hann er hvorki rekinn úr starfi né krafinn um opinbera afsökunarbeiðni. Nei, þvert á móti, ærumorðingi DV er gerður að alþýðuhetju.

Afsakið meðan ég æli.

 

Leki hjá umboðsmanni alþingis

Einhver lak upplýsingum frá umboðsmanni alþingis um yfirstandandi rannsókn á samskiptum innanríkisráðherra og lögreglustjóra. Stöð 2 greindi frá lekanum í fréttum.

Umboðsmaður alþingis, Tryggvi Gunnarsson, þrætir fyrri lekann, bæði í viðtali við mbl.is og með sérstakri yfirlýsingu. Þótt Tryggvi sjálfur sé ekki lekamaðurinn þá er augljóst að einhver innan embættisins lak upplýsingum um rannsóknina.

Stóralvarlegt mál er þegar opinber embætti leka upplýsingum um starfsemi sína til fjölmiðla. Nýleg dómafordæmi sýna að opinberir starfsmenn eru dæmdir til fangelsis leki þeir upplýsingum.

Innanhússrannsókn hlýtur að standa yfir hjá umboðsmanni alþingis um hver lak trúnaðarupplýsingum til fjölmiðla. Ef sá seki er ekki fundinn hlýtur að koma til opinber rannsókn á lekanum og er nærtækast að ríkissaksóknari hlutist til um það mál.

Ekki verður við það unað að starfsmenn útvalinna stofnana samfélagsins komist upp með að leka upplýsingum til fjölmiðla á meðan aðrir starfsmenn annarra stofnana eru hundeltir og stefnt fyrir dóm ef upp kemst.

Lekann hjá umboðsmanni alþingis þarf að upplýsa og láta þann seka sæta viðeigandi viðurlögum.

 

 

 

Hefur ekki enn komist að niðurstöðu

Góða fólkið og leiðréttingin

Helstu talsmenn góða fólksins, t.d. borgarfulltrúinn Björk Vilhelmsdóttir, Árni Páll formaður Samfylkingar, Helgi Hjörvar þingmaður sama flokks og Róbert Marshall í Bjartri framtíð, sem öll sóttu um og fengu leiðréttingu, en hafa opinberalega lýst yfir að þeim fjármunum sem varið er til leiðréttingarinnar sé betur komið í heilbrigðisþjónustunni.

Núna fær góða fólkið tækifæri til að afþakka leiðréttinguna og láta fjármunina renna til samfélagsins. Góða fólkið og talsmenn þess á þingi og í borginni, hljóta að láta  nú í sér heyra og fara fram á að peningarnir renni til heilbrigðisþjónustunnar.

Ætlar góða fólkið ekki að blása til meðmælastöðu á Austurvelli til að lýsa samstöðu með áskorun Marinós og Hörpu?

Eða er það svo að góða fólkið er í raun síngjarnt og sannfæringasnautt - en alltaf til í að mótmæla?

Láti leiðréttinguna renna í sjóð

RÚV slúðrar um Hönnu Birnu

Í hádegisfréttum í dag skáldar RÚV upp ummæli þingmanna, sem ekki eru nafngreindir, um stöðu innanríkisráðherra.

Í ljósi stöðutöku RÚV í lekamálinu, þar sem ekki er sögð nema hálf sagan, þá er einboðið að RÚV stundar spuna en ekki fréttamennsku.

Skáldfréttir RÚV eru ósamboðnar þjóðarútvarpi.

Byggjum nýjan spítala með leiðréttingunni

Stjórnmálamenn, sem margir hverjir sóttum og fengu leiðréttingu, eiga þann leik að afþakka leiðréttinguna og taka áskorun hjónanna Hörpu Karlsdóttur og Marinós G. Njálssonar um að láta féð renna til nýs spítala.

Vilji er allt sem þarf; stjórnvöld eiga þess kost að búa svo um hnútana að fé sem fólk fær með leiðréttingunni, en sækir ekki, renni til uppbyggingar heilbrigðiskerfisins.

Stjórnmálamenn, einkum í stjórnarandstöðunni, sem tala hátt um ranga forgangsröðun fá þannig tækifæri til að sýna vilja sinn í verki.

 

Greiða þarf af lánunum

Ég sótti ekki um - tek undir með Marinó og Hörpu

Hjónin Harpa Karlsdóttir og Marinó G. Njálsson koma með aldeilis frábæra tillögu til þeirra sem sóttu um og fengu leiðréttingu lána sinna en telja sig ekki þurfa leiðréttingarinnar við.

Tillaga hjónanna er að þeir fjármunir sem fólk þarf ekki á að halda renni til heilbrigðiskerfisins. Þau skora á stjórnvöld að búa svo um hnútana að lánaleiðrétting sem fólk þiggur ekki renni til heilbrigðiskerfisins.

Sjálfur sótti ég ekki um leiðréttingu minna lána, svo það sé á hreinu.

RÚV lýgur með þögninni

Í hvorugum aðalfréttatímum í kvöld sagði RÚV frá þeirri dómsniðurstöðu héraðsdóms Reykjavíkur að Hanna Birna Kristjánsdóttir væri sýkn saka í lekamálinu. Eins og kom fram í frétt mbl.is í dag segir þetta í dómsorðum

Í minn­is­blaðinu, sem ákærði kom á fram­færi við fjöl­miðla, var að finna viðkvæm­ar per­sónu­upp­lýs­ing­ar eins og í ákær­unni grein­ir. Hins veg­ar er ekki fall­ist á að sýnt hafi verið fram á að ákærði hafi komið minn­is­blaðinu á fram­færi í því skyni að afla sér eða öðrum órétt­mæts ávinn­ings, hvorki fjár­hags­legs né ann­ars.

Orðalagið að Gísli Freyr hafi hvorki ,,aflað sér eða öðrum óréttmæts ávinnings" er yfirlýsing um að Hanna Birna hafi enga hagsmuni haft af broti Gísla Freys.

Og hvers vegna ætli RÚV segi ekkert frá þessu atriði í dómsorðum héraðsdóms? Jú, vegna þess að það kippir stoðunum undan þeim málflutningi RÚV að Hanna Birna eigi að segja af sér.

Hanna Birna á vissan hátt fórnarlamb