Góða fólkið fyrirlítur múslíma

Í Pakistan tíðkast að fjölskyldur ákveði hjónaband barnanna. Í trúarmenningu múslíma er þetta algeng skipan mála. Hér á landi eru hjón frá Pakistan sem ekki eiga rétt á landvist. 

Hjónin gefa það upp að þau hafi ekki fylgt siðum og venjum í heimalandinu og efnt til hjónabands í blóra við fjölskyldur sínar. Af því leiðir er þeim ekki óhætt í heimalandinu.

Pakistan ku vera sæmilega víðfeðmt land. Án ef geta hjónakornin fundið sér samastað í heimalandinu en fjarri fjölskyldum sínum.

Aftur er ótrúlegt að horfa upp á góða fólkið á Íslandi lýsa því yfir að börnum sé ekki óhætt í trúarmenningu múslíma. Hvaðan kemur þetta mannfjandsamlega viðhorf?

„Eigi ekki að senda börn út í óvissuna“

Dauðavírus, landamæri og alþjóðavæðing

Kína ber ábyrgð á kórónavírus sem berst á milli manna og drepur einn og annan. Kína stóð ekki undir ábyrgðinni, hefti ekki útbreiðsluna með einangrun og öðrum aðgerðum. 

Þjóðríki draga landamæri til að verja líf, limi og velferð þegna sinna. Alþjóðavæðing síðustu áratuga gaf þeirri hugsun undir fótinn að landamæri væru óþörf. Fólk mætti gera sig heimkomið hvar það vildi og heimta þjónustu og aðbúnað.

Kínverski dauðavírusinn vekur til meðvitundar gildi landamæra annars vegar og hins vegar ókosti óheftrar alþjóðavæðingar.

Ráðstöfun Bandaríkjanna „óvingjarnleg“

Palestínumenn eru ekki þjóð

Palestínumenn eru arabar en ekki þjóð í vestrænum skilningi orðsins. Þess vegna ákveða arabísk ríki sameiginlega hvort Palestínumenn gangi til samninga um stofnun ríkis, - en ekki Palestínumenn sjálfir.

Arabaríki vilja ekki, og munu ekki, semja frið við Ísraelsmenn fyrr en það þjónar hagsmunum þeirra.

Kannski eftir þúsund ár.

Slíta öll tengsl við Ísrael og Bandaríkin

Þjóðkirkjan sem félagsauður

Þjóðkirkjan er lík verkalýðsfélagi, segir Ögmundur Jónasson. Maður myndi sakna þjónustunnar færi starfið forgörðum.

Nema, auðvitað, ef félög Eflingarvæðast, verða skrípamynd af sjálfu sér.

Þegar lífsskoðunarfélög af þeirri sortinni tortímast hugsar maður: farið hefur fé betra.  

Ögmundur genginn aftur í þjóðkirkjuna

Heppnist Brexit er úti um ESB

Upphaf endaloka Evrópusambandsins verður hægt að rekja til úrsagnar Bretlands ef Brexit heppnast, segir þýskur stjórnmálamaður og formaður flokkahóps á Evrópuþinginu, Manfred Weber.

Weber segir að nái Bretar að halda sinni hagsæld, og jafnvel bæta stöðu sína, muni önnur þjóðríki ESB fylgja í kjölfarið og yfirgefa sambandið.

Brexit sýnir að ESB er misheppnuð tilraun til sambýlis þjóða. Þrátt fyrir fagrar hugsjónir um samvinnu fullvalda þjóðríkja varð sambandið að þungu, ólýðræðislegu skrifræðisbákni og sýnir af sér yfirgang og hroka.

Stærsta einstaka málið sem fékk Breta til að kjósa Brexit fyrir fjórum árum var innflytjendastefna ESB. Brussel tók sér vald að efna til þjóðflutninga frá Norður-Afríku og miðausturlöndum til Evrópu. Bretar sögðu nei, takk, við viljum sjálfir ákveða hvort og hverjum við veitum inngöngu í landið.

Evrópusambandið mun gera allt sem í valdi þess stendur til að Brexit misheppnist. En það mun koma fyrir lítið. ESB er dauðvona í þeirri mynd sem það nú starfar. Samband sem eyðileggur samheldni þjóða á sér ekki viðreisnar von.

Bretland hefur yfirgefið Evrópusambandið

Brexit er heimspeki, viðskipti - hvar stendur Ísland?

Fullveldi framar viðskiptum, segir Boris Johnson. Ritstjórnarhöfundur Telegraph ssgir valið standa á milli ólíkrar heimspeki. Miðstýrða meginlandsheimspeki í einn stað en breskt frjálsræði í annan.

Ísland er á klafa Evrópusambandsins með EES-samningnum, sem hægt en örugglega kæfir fullveldið.

Tímabært er að huga að flóttaleiðum.

Fullveldið mikilvægara en tollalaus viðskipti

Efling segir opinbera starfsmenn oflaunaða

Opinberir starfsmenn fá of há laun, segir í fréttatilkynningu Eflingar. Í gær stóðu opinberir starfsmenn fyrir baráttufundi, enda þorri þeirra ekki fengið endurnýjaða kjarasamninga.

Afstaða Eflingar gerir samningsstöðu opinberra starfsmanna erfiðari. Hvers vegna ættu ríki og sveitarfélög að semja um kauphækkun við launamenn sem þegar eru á of háum launum,- samkvæmt yfirveguðu áliti Eflingar?

Raunar er ,,yfirvegaða álitið" svolítið tortryggilegt með setningar eins og ,,Svo virðist sem þeir flokk­ar muni einnig taka pró­sentu­hækk­un­um um­fram Lífs­kjara­samn­ing­inn."

,,Svo virðist..." er ekki ýkja sannfærandi orðalag.

Blaut tuska á kjarabaráttu opinberra starfsmanna er sósíalismi í framkvæmd. Undir forystu Eflingar.

Hækkanir langt umfram lífskjarasamning

ESB-sinnar kaupa könnun hjá Maskínu

ESB-sinnar kaupa skoðanakönnun hjá Maskínu sem nú stendur yfir. Óvíst er hvaða samtök ESB-sinna eru að verki (Samfylking, Viðreisn, Samtök iðnaðarins e.t.v.) en fyrri spurningin af tveim er svo ósvífin og ófagleg að engum blöðum er um það að fletta að hér er áróðursspurning á ferðinni. Spurningin hljómar svona:

Sp. 1. Telur þú að Ísland gæti náð hagstæðum samningi við ESB eða telur þú að Ísland gæti ekki náð hagstæðum samningi?

Gæti náð hagstæðum samningi

Gæti EKKI náð hagstæðum samningi

Ósvífnin og ófaglegheitin liggja í orðalaginu ,,hagstæðum samningi við ESB". Samning um hvað, má spyrja. Samning um undanþágur frá EES-ákvæðum? Samning um uppsögn EES og fríverslunarsamning við ESB? Eða samning um aðild að ESB?

Sá sem svarar spurningunni veit ekki við hvers konar samning er verið að spyrja um. Spurningin er ómarktæk og svörin að engu hafandi.

Seinni spurningin uppfyllir eðlilegar kröfur um fagleg vinnubrögð. Hún er svohljóðandi:

Sp. 2. Ertu hlynn(tur) eða andvíg(ur) inngöngu Íslands í Evrópusambandið (ESB)?
Mjög hlynnt(ur)
Fremur hlynnt(ur)
Í meðallagi
Fremur andvíg(ur)
Mjög andvíg(ur)

 

 

Loftslagsvá drap Neantertalsmanninn

Neandertalsmaðurinn dó út syðst í Evrópu eftir að loftslagsbreytingar hröktu hann frá nyrðri hluta álfunnar, segir tilgáta vísindamanna er BBC greinir frá.

Ólíkt tegundinni sem erfði jörðina, Homo Sapiens, reyndist Neantertalinn ekki aðlögunarhæfur, illa í stakk búinn að veiða sér smádýr til matar, eins og kanínur, þegar stærri bráð flúði loftslagsbreytingar.

Í hellum við Gíbraltar, syðst í Evrópu, eru menjar síðustu Neandertalsmanna. Engin heimild er þó fyrir því að þessi frumstæði ættingi okkar taldi loftslagsvá stafa af mannavöldum. Það þarf háskólagengna vitsmuni til að telja sér trú um slíka blekkingu. 

Ragnar Þór: ég er ekki Gunnar Smári

Ragnar Þór í VR og Gunnar Smári í Eflingu/Sósíalistaflokknum keppa um að verða byltingarforingjar þjáðra öreiga sem vart eiga til hnífs og skeiðar.

Á meðan Gunnar Smári bjó í 120 milljón króna villu í Skerjafirði gerði Ragnar Þór upp hús í Árbæ.

Nauðsynlegt að vita fyrir verkalýðinn hvernig forkólfarnir búa.

Svona býr Ragnar Þór formaður VR