Traust er innlent, vantraust útlent

Alþjóðasinnar átta sig hægt en bítandi á löngu gleymdri visku. Traust verður til í samfélagi sömu siða og hátta. Vantraust vex í hrærigraut fjölmenningar.

Háborg alþjóðasinna er Guardian, bresk vinstriútgáfa og elsk að ESB. Þar birtist grein um sænsku tilraunina í farsóttarvörn. 

Kjarni greinarinnar er að þegar á bjátar virkar þjóðhyggja en alþjóðahyggja er að sama skapi ónýt.

Amen.

Vísindi heilsu, hagfræði og valdstjórnar

Sá sem ákallar vísindin til hjálpar í baráttunni við kórónuveiruna fer í geitarhús að leita ullar. Vísindi eru ekki ein heldur skiptast þau í skiptast þau í ótal undirgreinar, sem aftur greinast í undirflokka.

Þær þrjár vísindagreinar sem helst koma við sögu um þessar mundir eru farsóttarfræði (læknisfræði plús tölfræði), hagfræði og stjórnspeki/valdstjórn. Almennt tala þessar vísindagreinar ekki sín á milli í fræðunum. Farsóttarfræði er undirdeild í lýðheilsulækningum, hagfræði er viðskiptagrein og stjórnspeki er ýmist kennd sem húmanísk, enda Platón og Aristóteles frumhöfundar, eða félagsvísindagrein. 

Hver vísindagrein kemur sér upp kennisetningum sem teljast viðurkennd fræði hverju sinni og þróast í takt við siði og menningu.

Sérlega fróðlegt dæmi um hve vísindin eru vanmáttug sem heild gagnvart farsóttinni er breskt viðtal við einn virtasta faraldsfræðing Svía, Johan Giesecke, þann sem réð til starfa núverandi Þórólf sótta þeirra Svía, Anders Tegnell. Nær allt viðtalið er um stjórnspeki, hvernig á að taka samfélag í gegnum farsótt, en sá sænski neglir spyrilinn með lýðheilsufræðum og sóttvörnum. Svör Svíans, sem bersýnilega líður illa, eru pottþétt og höggvarin lýðheilsufræði en spyrilinn er stöðugt að spyrja um valdstjórn, - sem eru ekki lýðheilsufræði.

Meðfylgjandi frétt er um lögfræðilegt álitamál um afleiddar afleiðingar af farsóttinni; um möguleg dómsmál vegna tapaðra lána. Enn ein fræðigreinin kemur til sögunnar.

Hvað ber að gera? 

Jú, byrja á því að viðurkenna að vísindi eru ekki ein heldur mörg, gera gagn en eru takmörkuð. Í öðru lagi að upphaf allra vísinda er skynsemin. Og skynsemin er besti leiðsögumaðurinn um ókannaðar slóðir.

 

 

„Lögfræðilega rangt og hreint og beint óskiljanlegt“

Helgi Hrafn mótmælir sjálfum sér

Vísindin bjarga okkur, ekki trúin, segir Helgi Hrafn Pírati, og bætir við ,,smávegis af ást."

Hmm.

Tilraunin með vísindatrú á tímum farsóttar gengur ekki vel. Vísindin, eins og önnur mannanna verk, tala í austur og vestur, ef ekki norður og niður. 

Og ást, jafnvel smávægisútgáfan af henni, er ekkert annað en trú.

Píratar gera sjálfa sig að fíflum í hvert sinn sem þeir opna munninn eða leggjast á lyklaborðið.

Helgi Hrafn vandar um við Joe Biden

Glóbalistar féllu á eigin bragði

Kórónuveiran, farsóttin sjálf og efnahagskreppan, er máluð sem skrattinn á vegginn af alþjóðasinnum til að hræða almenning til liðs við hugmyndina um alþjóðlegt yfirvald.

Reynslan kennir aftur að staðbundið vald ræður best við farsóttina. Traust er forsenda lögmæts yfirvalds sem fólk virðir og hlýðir.

Alræmdur íslenskur glóbalisti og fyrrum varaþingmaður Samfylkingar ákallar Bandaríkin að taka alþjóðlega forystu. Það er af sem áður var að Evrópusambandið og Sameinuðu þjóðirnar voru framtíðarríkið. Nú eru það Bandaríki Donalds Trump sem eiga að bjarga heiminum.

En, óvart, heimurinn hefur það ágætt þegar hver hyggur að sínu og gerir sér þjóðarheimili í takt við aðstæður og menningu. 

Svíar tryggja Trump sigur í áróðursstríðinu

Hjarðónæmi gegn kórónuveirunni myndast í Svíþjóð næstu vikur. Svíar fóru aðra leið en vesturlönd og Asíu-ríki í baráttunni við farsóttina. Þeir leyfðu veirunni að éta sig í gegnum opið samfélag. Þórólfur sótti þeirra Svía, Anders Tegnell, var rakkaður niður og sagður skapa ítalskt ástand í mesta velferðarríki veraldar. Gagnrýnendur eru á flótta, biðjast afsökunar.

Hvaða máli skiptir það fyrir Trump að sænska tilraunin með hjarðónæmi heppnast? Jú, Svíþjóð er heimili Nóbelsverðlaunanna, æðstu viðurkenningar í vísindum.

Trump er sakaður um að hunsa vísindasamfélagið. En vísindin segja eitt í Svíþjóð og allt annað í Bretlandi og þriðja frásögnin er íslensk. Hvernig getur Trump hunsað vísindasamfélag, sem í fyrsta lagi er ekki til sem eitt samfélag, og að svo miklu leyti sem til er samfélag vísindamanna þá tala þeir tungum; Þórólfur sótti leggur línuna á íslensku, Tegnell á sænsku og svo framvegis.

Trump lokaði Bandaríkjunum hratt þegar kínverska veiran nam land vestra og vill opna þau skjótlega. Það eru jafn góð farsóttarvísindi og hver önnur. 

Trump verður hylltur sem hetja, eins og þríeykið á Íslandi og Tegnell í Svíaríki. Hver syngur með sínu nefi í farsóttarvörnum. Eins lengi og nefið er þefvíst á innlendar aðstæður verður allt í sóma.

Köttur setti upp á sér stýri, úti er alþjóðaævintýri.

Trump styður mótmælendur

Helgi Hrafn endurtekur fávitafimmuna

Jón Þór Pírati bjó til nýjan dagskrárlið á alþingi í vikunni, fávitafimmuna. Helgi Hrafn flokksbróðir Jóns Þórs endurtekur fimmuna.

Jón Þór sagði á þingi að vegna sóttvarna mætti ekki halda þingfund.

Helgi Hrafn segir ótækt að halda þingfund með Steingrím J. sem forseta.

Eitt einkenni fávita er að þeir tala í mótsögnum.

Case closed.

Sakar Steingrím um að ljúga og misnota aðstæður

Mótefni við Trump-hatri RÚV

RÚV birtir enn eina níðfréttina um Trump. Fyrirsögnin er Trump hundsaði vísindasamfélagið.

Vísindasamfélagið var margklofið í afstöðu sinni, eins og Simon Jenkins bendir á í Guardian, sem seint telst til aðdáenda Trump.

WHO, Alþjóða heilbrigðismálastofnunin, taldi framan af janúar að allt væri í himnalagi í Kína og veiran smitaðist ekki á milli manna. 

Trump-hatur RÚV er komið langt út fyrir öll eðlileg mörk. Og var það löngu fyrir kórónuveiruna.

Vigdís hlýðir ekki sirkusstjóra ráðhússins - kærð fyrir einelti

Helgu Björgu Ragn­ars­dótt­ur skrif­stofu­stjóra á skrif­stofu borg­ar­stjóra ofbýður að Vigdís Hauksdóttir hlýði sér ekki. Skrifstofustjórinn getur ekki á sér heilum tekið og kærir Vigdísi.

Helga Björg var dæmd fyrir slæma framkomu gagnvart undirmanni sínum. Borgin varð að greiða skaðabætur. Í dómsorði segir m.a.

Um þá skil­yrðis­lausu hlýðni sem skrif­stofu­stjór­inn virðist ætla af stefn­anda verður sagt það eitt að þrátt fyr­ir stjórn­un­ar­rétt ann­ars og hlýðniskyldu hins eru und­ir­menn ekki dýr í hring­leika­húsi yf­ir­manna sinna.

Vigdís hlýðir ekki sirkusstjóranum og fær á sig kæru fyrir einelti. Kafka hefði ekki samið lygilegri sögu og vissi hann þó sitthvað um myrkviði sálarinnar í kolsvarta kerfinu.

Vigdís fundar með bakið í skrifstofustjóra

Um 15 þús. útlendingar í íslenskri ferðaþjónustu

Í skýrslu KPMG segir að árið 2008 hafi launþegar í ferðaþjónustu verið um 15 þúsund. Árið 2020 voru launþegarnir 32 þúsund.

Útlendingar eru líklega um helmingur launþega í ferðaþjónustunni. Á Keflavíkurflugvelli er varla töluð íslenska seinni árin, sama gildir um fjölmörg fyrirtæki í atvinnugreininni. Erlent farandverkafólk var í góðærinu flutt inn í flugvélaförmum að sinna störfum sem Íslendingar vildu ekki.

Sjálfhætt er að flytja útlent vinnuafl til landsins eftir hrun ferðaþjónustunnar.

Djúp lægð næstu eitt til tvö árin

Lífskjör þjóðarinnar eru í uppnámi, Ragnar Þór, ekki samningar

Við verðum að vinna meira fyrir minni pening. Þau skilaboð koma ekki frá atvinnurekendum eða ríkisstjórn heldur farsóttinni.

Atvinnulífið er í kaldakoli. Ekki bara á Íslandi, heldur heimsbyggðinni allri.

Krakkarnir í fílabeinsturni verkó, Ragnar Þór, Drífa og Sólveig Anna, skilja ekki að góðærið er farið. Hallæri blasir við.

Hallærið mun vinsa út bjána frá fullorðnum. Verkó er illa mönnuð af fullorðnum.

Lífskjarasamningur í uppnámi