ASÍ gerir valdatilkall sem skuggaríkisstjórn

ASÍ hótar ríkisstjórninni verkfalli með þessum orðum

Aðgerðir rík­is­stjórn­ar­inn­ar kalli á að aðild­ar­fé­lög ASÍ und­ir­búi sig fyr­ir harðari deil­ur við gerð kjara­samn­inga en verið hafa í ára­tugi.

Á hinn bóginn er það svo að lífeyrissjóðirnir, sem ASÍ stjórnar ásamt Samtökum atvinnulífsins, eiga mörg stærstu fyrirtæki landsins. Aðildarfélög ASÍ eru þarf af leiðandi að fara í verkföll við sig sjálf.

ASÍ er ekki með umboð til að stjórna landinu heldur er það ríkisstjórnin með meirihluta alþingis á bakvið sig.

Ríkisstjórnin á ekki að hlusta á tilburði ASí til að krefjast valda sem skuggastjórnendur; ASÍ er ekki með neina burði til þess, ekki frekar en systursamtök þeirra, Samtök atvinnulífsins.

Á komandi vetri væri gott að fá verkföll upp á nokkrar vikur, vonandi sem víðast, til að draga úr óhóflegum hagvexti. Á meðan ASÍ rífur fyrirtæki í eigu lífeyrissjóðanna á hol með innistæðulausum kaupkröfum á ríkisstjórnin ekki svo mikið sem depla auga í þágu ASÍ.

Gylfi: Verður að tryggja tekjur

Vinstrimaður á ráðuneytisvef kl. 05:39 og samsærið

Lekamálið er pólitískt mál þar sem ríkissaksóknari, skipaður af vinstristjórninni eftir framlag sitt í þágu landsdómsmálsins gegn Geir H. Haarde, saksækir aðstoðarmann innanríkisráðherra á grundvelli meints leka úr ráðuneytinu til tveggja fjölmiðla, Morgunblaðsins og Fréttablaðsins.

Vinstrimenn í fjölmiðlum og Samfylkingu og Vg eru iðnir við kolann að halda þeirri samsæriskenningu á lofti að hægrimenn í innanríkisráðuneytinu hafi með lekanum viljað koma höggi á hælisleitendur, - sem allir sjá að er býsna langsótt rugl. Einn hælisleitandi er núll og nix í umræðunni.

DV, sem starfar með vinstrimönnum í þessu máli, fékk einnig lekaupplýsingar úr innanríkisráðuneytinu og notaði þær til að vinnna í þágu málsaðila, lögmanns hælisleitanda. 

Nú er upplýst að einhver fór inn á drif ráðuneytisins kl. 05:39 aðfaranótt 20. nóvember. Óhugsandi er að það hafi verið ákærði, Gísli Freyr, enda var hann hvorki í ráðuneytinu né hafði hann aðgang að tölvukerfi ráðuneytisins heiman frá sér.

Jón Bjarki Magnússon blaðamaður DV hefur viðurkennt í yfirheyrslum að eiga sér heimildamann innan innanríkisráðuneytisins.

Líklegast er að heimildamaður Jóns Bjarka sé vinstrimaður, ráðinn til innanríkisráðuneytisins í tíð vinstristjórnarinnar, og að viðkomandi vinstrimaður starfi sem moldvarpa í þágu vinstrimeirihlutans sem almenningur flæmdi frá völdum vorið 2013. 

Vinstrimenn fást oft við skapandi skrif og eitt sérkenni á þeim upplýsingum sem láku úr ráðneytinu er að einhver föndraði við þær, breytti textanum. 

Moldvörpur, eins og alþjóð veit, vinna verk sín helst á nóttinni. 

Skjalið opnað undir morgun

Einokun aldrei í þágu almennings

Einokun þrífst á matvörumarkaði, þar sem ein verslun, Hagar (Hagkaup/Bónus), ræður ferðinni en önnur keðja, sem rekur Krónuna, fylgi í humátt á eftir, bæði í verðlagi og vöruúrvali. Þessar keðjur stjórna matvörumarkaðnum á Íslandi.

Einokun er aldrei í þágu almennings. Þeir sem maka krókinn eru handhafar einokunarinnar, enda skila Hagar góðum arði og forstjóranum háum launum þótt eitthvað lítið sé til skiptanna fyrir almennt starfsfólk.

Einokunarfyrirtæki eins og Hagar lætur ekki það sitja að ráða matvörumarkaðnum. Fyrirtækið vill taka yfir áfengisverslunina og hefur pantað frumvarp á alþingi Íslendinga í því skyni og núna er landbúnaðurinn á dagskrá.

Í siðvæddum ríkjum eru lög sem koma í veg fyrir einokun. Hvers vegna eru íslensk heimili í hrammi Haga?

 

Verðmætasköpun lítil í landbúnaði

Kaupmáttur umfram kjarasamninga

Kjarasamningar á almennum markaði eru lágmarkssamningar sem nánast gera ráð fyrir því að litlir hópar og/eða einstaklingar semji um meira en felst í kjarasamningum.

Með lítið atvinnuleysi að bakhjarli eru launþegar á almennum markaði í þokkalegum færum að sækja sér hærra kaup en nemur kjarasamningum.

Opinberir starfsmenn eru ekki jafn vel settir. Þeirra kjarasamningar eru kannski ekki meitlaðir í stein en gefa minna svigrúm til viðbótarkauphækkana. 

Laun stjórnenda ekki hækkað meira

Jón Ásgeir verður Sævar Ciesielski

Fréttablaðið hannar fréttaflutning upp úr lögreglumanni sem var rekinn úr starfi og stóð til að ákæra. Markmið fréttahönnunarinnar er að bæta stöðu eiganda Fréttablaðsins, Jóns Ásgeirs Jóhannessonar, gagnvart ákæruvaldi og dómstólum.

Fréttahönnunin heitir í leiðara Fréttablaðsins ,,uppljóstrun" og er líkt við Guðmundar og Geirfinnsmál. Í leiðara segir

Þessi uppljóstrun er grafalvarleg. Einn af hornsteinum réttarvörslukerfisins hér á landi er að handhafar lögregluvalds skulu ávallt gæta fyllstu hlutlægni og réttsýni. Þeir skulu gæta þess að mönnum verði ekki gert tjón, óhagræði eða miski framar en óhjákvæmilegt er. Þessar kröfur til lögreglunnar fara illa saman við það andrúmsloft sem Jón Óttar lýsti í viðtalinu og samlíking hans við Guðmundar- og Geirfinnsmálið er beinlínis ógnvekjandi.

Sævar Ciesielski er sá sem harðast varð úti í téðum málum; var löngum hafður í einangrun og mátti varla um frjálst höfð strjúka ævina á enda. Að líkja Jóni Ásgeiri við Sævar ber vitni slíku dómgreindarleysi að engin orð ná yfir athæfið.

 

Blaðamenn eru versti óvinur upplýstrar umræðu

 Engin önnur stétt en blaðamenn myndi láta það óátalið að fagið sé jafn skefjalaust misnotað og Fréttablaðið gerir með því að hanna fréttaflutning sem miðar að því að bæta stöðu eiganda blaðsins gagnvart ákæruvaldi og dómstólum.

Ekki nóg með að blaðamenn sjá í gegnum fingur sér að blaðamennskan sé orðin gólftuska í höndum almannatengla auðmanna þá beinlínis básúna fréttastofur eins og RÚV áróðrinum. Í báðum aðalfréttatímum RÚV í kvöld er fréttahönnun Kristínar og Jóns Ásgeirs aðalfréttin.

Á meðan stórglæpir eru framdir á faginu, blaðamennskan beinlínis notuð til að hafa áhrif á ákæruvaldið og dómskerfið, eru blaðamenn uppteknir af því hvort Reynir Trausta hafi sem ritstjóri skrifað Sandkorn um Guðmund í Brimi eftir að hafa fengið frá útgerðamanninum 15 millur. Sandkorn Reynis er vasaþjófnaður en fréttahönnun Fréttablaðsins er á stórglæpaskala í faglegu samhengi.

Alvöru blaðamenn á alvöru fjölmiðlum myndu taka fyrir fréttahönnun Fréttablaðsins og rýna í vinnubrögðin og spyrja um trúverðugleikann, bæði lögreglumannsins og fjölmiðilsins. En hvert barn sér að hvorugu er til að dreifa.

En á Íslandi eru ekki starfandi alvöru blaðamenn heldur tröllríður meðvirknin og kæfir alla sjálfsgagnrýni. 

Við búum við þá mótsagnakenndu stöðu að eftir því sem blaðamönnum og fjölmiðlum fækkar þá batnar opinber umræða. Íslenskir blaðamenn eru versti óvinur upplýstrar umræðu; sumir þeirra stunda fréttahönnun en hinir þegja um glæpinn.

Svei ykkur, blaðamenn.

Aðhefst ekki vegna símahlustana

Jón Ásgeir kallar dómara á teppið

Jón Ásgeir Jóhannesson, sem réttvísin á vantalað við vegna hrunmála, er eigandi 365 miðla og má þakka það Landsbankanum. Um helgina hófst fréttahönnunarferli með því að lögreglumaður með feril vitnaði um hve auðmenn væru yfirleitt saklausir en ákæruvaldið illkvittið.

Kristín Þorsteinsdóttir, æðsti yfirmaður fréttadeilda 365 miðla, stýrir þessari fréttahönnun. 

Í dag er formaður dómstólaráðs kallaður á teppið hjá miðli Jóns Ásgeirs og látinn svara ásökunum lögreglumannsins. 

Viljum við samfélag þar sem Jónar Ásgeirar landsins stjórna fjölmiðlum til að hafa áhrif á dómskerfið? 

Er 12,9% fylgi merki um öfga?

Hægriflokkurinn Svíþjóðardemókratarnir fengu 12,9 prósent fylgi í þingkosningum þar í landi. Flokkurinn er andsnúinn auknum fjölda innflytjenda og gagnrýninn á Evrópusambandið. Fyrir það fær hann þá umsögn að vera öfgaflokkur.

Á Íslandi fékk flokkur12,9 prósent fylgi í síðustu þingkosningum; hlynntur auknum fjölda innflytjenda og vill í Evrópusambandið einn flokka. Flokkurinn heitir Samfylking og er öh ...EKKI öfgaflokkur. 

Ekki í stjórn með SD

Einstaklingurinn og skólinn

Eitt hlutverk skólakerfisins fram að háskólanámi er að félagsvæða nemendur með því að keyra þá í gegnum áþekka námsskrá, hvort sem þeir búa á Grundarfirði, Akureyri eða Reykjavík.

Þegar líður á þessa félagsmótun, þ.e. í framhaldsskóla, verður erfiðara að halda nemendum við sömu fjölina enda kemur ólíkur námsáhugi æ betur fram eftir því sem þeir eldast. Þetta fyrirkomulag er dýrt og óþjált.

Til að mæta ólíkum námsáhuga mætti búa til fyrirkomulag þar sem hver einstaklingur ætti rétt á fjögra ára námi, - miðað við að stúdentspróf og iðnnám taki þrjú ár. Nemandinn mætti nota þessi fjögur ár fram að t.d. 23 ára aldri til að sækja sér þá skólagöngu sem hugur hans stæði til.  Ef nemandinn lýkur ekki nám á fjórum árum fyrir 23 ára aldur yrði hann að greiða viðbótarár á kostnaðarverði, sem er sirka milljón kr. á ári.

Samhliða einstaklingsfrelsi til að velja nám yrði svigrúm skóla aukið til að bjóða nám, sem myndi leiða til þess að skólar leituðu sér að sérstöðu.

Skólakerfið er á niðurleið

Kristín, góða löggan og glæpir án glæpamanna

Kristín Þorsteinsdóttir var blaðafulltrúi Baugs Jóns Ásgeirs Jóhannessonar og þar á eftir stjórnarmaður Jóns Ásgeirs í 365 miðlum áður en hún varð æðsti yfirmaður fréttaritstjórna 365 miðla, þ.e. Fréttablaðsins, visis.is, Stöðvar 2 og Bylgjunnar.

Kristín er handvalin af Jóni Ásgeir til að draga upp þá mynd af útrásarglæpum að ekki hafi verið um glæpi auðmanna að ræða heldur þjóðfélagsástand, sem ætti að greina með aðferðum mannfræði og sálfræði fremur en réttvísinnar. Kristín skrifaði grein fyrir tveim árum, þar sem hún boðaði þessa frumlegu sýn á auðmannaglæpi útrásar og kallaði Erum við verri en annað fólk.

Vitnisburður Jóns Óttars Ólafssonar fyrrum rannsóknarlögreglumanns fellur eins og flís við rass að þeirri skoðun Kristínar og Jóns Ásgeirs að glæpir voru ekki framdir í hruninu, meira svona að rangar ákvarðanir hafi verið teknar - en allar þó vel innan ramma laganna.

Jón Óttar missti starf sitt hjá embætti sérstaks saksóknara vegna þess að hann þjónaði tveim herrum. 

Öll þessi forsaga ætti að kenna blaðamönnum, þeim sem ekki vinna hjá Kristínu og Jóni Ásgeiri, að taka með fyrirvara það sem kemur frá ritstjórn 365 miðla um sakleysi auðmanna og illvilja ákæruvaldsins.

Góða löggan gegn vondu bankamönnunum