Dagur gerir Ísland að kjánalandi

Með Jóni Gnarr hvarf afsökunin fyrir lélegri stjórnsýslu og fáránlegum tiktúrum í æðstu stjórn höfuðborgarinnar.

Viðskiptabann á Ísrael til að þóknast Hamas-vináttu fráfarandi borgarfulltrúa er stjórnsýsla sem ekki á að sjást.

Dagur hlýtur að axla ábyrgð á þessum mistökum.

Vill alla flóttamenn til Íslands

Árni Páll: Samfylkingin verkfæri blogghersins

Bloggherinn sem myndar stemningu í samfélaginu í kringum meint dráp á hundinum Lúkas og önnur þjóðþrifamál er bandamaður Samfylkingar, segir Árni Páll Árnason formaður. Hann nefndi ekki bloggherinn á nafn en öllum má vera ljóst hvað hann á við með þessum orðum:

Ný stjórnmál þurfa nýja umgjörð og við eigum að gera tilraun til að skapa hana á grunni Samfylkingarinnar. Hér, eins og alls staðar annars staðar, spretta upp hreyfingar fólks til að berjast fyrir samfélagsumbótum. Flóttamenn. Makríllinn. Druslugangan. Reynslan frá hruni. Það skortir ekkert á vilja fólks til að leggja gott af mörkum. En hér, eins og um alla Evrópu, er fólk líka að átta sig á þeirri hættu að sjálfsprottnar hreyfingar verði til af miklu afli, en skorti úthaldið til að koma breytingum í höfn. Þær geti orðið eins og glæsileg flugeldasýning: Heillandi en endist alltof stutt til að knýja fram raunverulegar breytingar. Aftur og aftur höfum við séð sköpunarkraftinn, vonina og orkuna sem myndast þegar fólk hópast saman, en svo vantar tækið til að koma málum áfram. Afleiðingin verður vonbrigði og sundrung, vonleysi, biturleiki og uppgjöf.

Samfylkingin stendur ekki fyrir neitt annað en andóf og flugeldasýningar. Makríllinn, sem formaðurinn nefndi, er tákn um vel heppnaða aðgerð Samfylkingar, að lama störf alþingis sem ekki gat sett lög um makrílveiðar vegna málþófs Árna Páls og félaga.

Bloggherinn er annað orð yfir stjórnmál móðursýkinnar. Og það er ekkert nýtt að liðsmenn Samfylkingar gefi sig móðursýkinni á vald. Varaformaður flokksins notar orðbragð á alþingi sem fæstum dettur í hug að eigi þar heima. Borgarstjóri Samfylkingar gaf sig dómgreindarleysinu á vald þegar hann samþykkti viðskiptabann á Ísrael.

Nálgun Árna Páls er þessi: snúum veikleika okkar upp í stefnumál, förum alla leið með bloggherinn að bandamanni. Veðjum á að þjóðin kaupi flugeldastjórnmálin okkar.

Verði Samfylkingunni að góðu.

Tími til að borga reikninginn

Dagur utanríkisráðherra, eins og Össur...

Vinstrimenn í stól utanríkisráðherra eru jafn hættulegir okkur og krakki með eldspýtur er sinu. Stórslys hlýst af þegar vinstrimenn reyna fyrir sér í utanríkismálum. Dagur í dag, Össur í gær.

Utanríkismál eru fyrir fullorðna.

Vinstrimenn þjakar eilíf bernska, eins og rithöfundur úr þeirra röðum afhjúpar um helgina með því að biðja um byltingu og kommúnisma.

Hefur haft víðtækar afleiðingar

Bretar sakna Steingríms J. og Jóhönnu - og Icesave-peninganna

Bretar og Hollendingar fá aðeins 2 prósent af Icesave-kröfum sínum með samkomulagi við Ísland. Íslenskur ráðherra hafði þó ,,persónulega lofað" að Ísland myndi greiða Icesave-reikninginn.

Ofanritað er úr frétt Daily Telegraph um Icesave-uppgjörið.

Vinstri grænir og Samfylking unnu að því sleitulaust að hagsmunir Breta og Hollendinga yrðu teknir fram yfir íslenska hagsmuni. Ríkisstjórn Sjálfstæðisflokks og Framsóknarflokks sneri blaðinu við. Bretar sakna undirlægjunnar sem vinstrimenn tileinka sér í samskiptum útlönd.

Íslenska þjóðin þakkaði vinstrimönnum fyrir sig með því að setja þá í pólitískan skammarkrók. Þar eru Vg og Samfó enn.

„Fullnaðarsigur í Icesave-málinu“

Dagur viðurkennir gyðingahatur

Gyðingahatur er að taka gyðinga eða Ísrael fyrir sérstaklega vegna raunverulegra eða ímyndaðra misgjörða. Tillaga og bókun Dags B. Eggertssonar og vinstrimeirihlutans í borgarstjórn um að versla ekki við Ísrael gerir einmitti þetta:

Tillagan:
Borgarstjórn samþykkir að fela skrifstofu borgarstjóra í samvinnu við innkaupadeild Reykjavíkurborgar að undirbúa og útfæra sniðgöngu Reykjavíkurborgar á ísraelskum vörum meðan hernám Ísraelsríkis á landsvæði Palestínumanna varir.

 

Fyrsta setning bókunarinnar: 

Brýnt er að taka afstöðu gegn þeim mannréttindabrotum sem ríkisstjórn Ísraels stendur fyrir á landsvæði Palestínumanna og þrýsta á um að látið verði af hernáminu.

 

Þegar leið á daginn í gær áttaði borgarstjóri sig á því að gyðingahatrið var óverjandi. Hann færði þá í stílinn og sagði að tillagan snerist um að versla ekki við fyrirtæki á svokölluðum hernumdum svæðum. RÚV sem að jafnaði leggur sig fram um að verja málstað vinstrimanna hrekur orð borgarstjóra og segir ótvírætt að tillagan snúist um viðskiptasniðgöngu á Ísrael.

 

Borgarstjóri elur á gyðingahatri og bregst við með undirferli þegar honum er bent á það.

Reynt að lágmarka tjónið

Fæstir Íslendingar vilja múslíma - enginn rasismi

Íslendingar vilja síst veita viðtöku innflytjendum frá mið-austurlöndum þar sem múslímar eru afgerandi meirihluta íbúa. Innflytjendur frá Afríku eru taldir betri kostur en múslímar. Eftir því sem innflytendur standa nær okkar menningu, því velkomnari eru þeir.

Einmitt sú staðreynd að Íslendingar eru viljugri að taka við fólki frá Afríku, fremur en mið-austurlöndum, segir að viðhorf landans eru ekki mörkuð af rasisma.

Íslendingar vita sem er að múslímar aðlagast illa vestrænum samfélögum. Það er einfaldlega margsönnuð staðreynd sem þarf ekkert að fara í felur með. Könnun Maskínu sýnir að landinn fylgist með og gerir greinarmun á innflytjendum sem aðlagast siðum okkar og háttum og hinum sem gera það síður.

Það eru flóttamenn víða um heim sem nærtækara er að bjóða til landsins en múslímum, sem þrífast best í samfélögum trúbræðra sinna og systra.

 

Upprunasvæðið skiptir máli

Vinstrimenn í Reykjavík eru skömm Íslands

Vinstrimenn í borgarstjórn Reykjavíkur gera sig gildandi í utanríkismálum þjóðarinnar með gyðingahatri. Helstefna sértrúarfólksins við Tjörnina fær útbreiðslu um víðan heim.

Úti í heimi er lítill skilningur á því að við stjórnvölinn í höfuðborg Íslands er sértrúarfólk sem litla samleið á með þjóðinni.

Íslenska þjóðin situr uppi með skömmina af gyðingahatri vinstrimanna.

„Aldrei aftur íslenskar vörur“

Berlín er einnar messu virði - kristnir ofsóttir

Þýskur prestur lútherskirkjunnar í Berlín er búinn að skíra 150 múslíma frá Íran og Afganistan það sem af er ári. Í þessum Berlínarsöfnuði eru um 600 fyrrum múslímar. Múslímskir flóttamenn sem snúast til kristni eiga meiri von um hæli í Þýskalandi en hinir sem halda í trú feðranna.

Presturinn, Gottfried Martens, segir trúskiptingu þriggja mánaða ferli. Til að fá skírn þarf fólk að kunna boðorðin tíu, faðirvorið, trúarjátninguna og sakramentin. Martens segir af og frá að einhverjir taki kristni til að fá hæli í Þýskalandi - hann myndi sjá í gegnum þykjustutrúmenn.

Martens segir þá sem taka kristni iðulega verða fyrir aðkasti annarra múslíma og jafnvel líkamsmeiðingum. Trúfrelsi er ekki viðurkennt í menningarheimi múslíma. Presturinn í Berlín óttast að kristnir verði að fara í felur með trú sína fari svo sem horfi að öfgahreyfingu múslíma vaxi fiskur um hrygg. 

Líflátshótun eina von flóttafólks

Dauðinn, Jesú og Múhameð sem kommúnisti

Stóru táknin eru dregin fram í umræðunni um múslímska flóttamenn frá mið-austurlöndum til Evrópu. Barnslík í flæðarmálinu er tákn um vonsku heimsins sem lætur trú og pólitík tortíma saklausu lífi.

Jesú er tákn vestrænnar menningar sem á undir högg að sækja vegna þjóðflutninga múslíma. Í Evrópu vex sú tilfinning að fylgismenn spámannsins séu í sama hlutverki gagnvart vestrænni menningu og germanskir þjóðflokkar gagnvart Rómarveldi í lok fornaldar.

Hálfmáni Múhameðs er kominn í hlutverk hamars og sigðar kommúnismans sem ógnvaldur hnignandi Evrópu.

 

Hugleikur: Vestræn menning mikilvægari en líf

Reykjavík gerir gyðingahatur að útflutingsvöru

Ást borgarfulltrúa á Palestínumönnum gerir Reykjavík að miðstöð fyrir gyðingahatur.

Kjánaprikin við Tjörnina vita ekki að sérlega ljótar hvatir ferðast á ljóshraða um heiminn allan.

Hver er greindarvísitala borgarfulltrúa vinstrimanna?

„Ósvífni sjálfumglaðra slettireka“