Viðreisn - popúlískur hægriflokkur

Sjálfstæðisflokkurinn er breiður flokkur málamiðlana í íslenskum stjórnmálum. Kvótakerfið og það sem því fylgir s.s. veiðigjöld og styrking byggða er hluti þeirra málamiðlana sem Sjálfstæðisflokkurinn stendur fyrir.

Viðreisn, flokkur samfylkingarsinna í Sjálfstæðisflokknum, segir skilið við málamiðlunarhefð móðurflokksins og boðar popúlisma sem einkenndi Samfylkinguna á velmektardögum flokksins.

Nýr liðsmaður Viðreisnar, bæjarstjórinn á Ísafirði, kallar flokkinn ,,frjálslyndan krataflokk" sem er annað orðalag yfir popúlískan hægriflokk sem sækir á mið óánægjunnar.

Bæjarstjóri Ísafjarðar styður Viðreisn

Óvinur vinstrimanna nr. 1: Sigmundur Davíð

Vinstrimenn hatast út í Sigmund Davíð Gunnlaugsson sökum þess að hann er öflugur stjórnmálamaður sem gerði Framsóknarflokkinn að geranda í pólitík. Sigmundur Davíð boðaði fyrir síðustu kosningar skuldaleiðréttingu fyrir heimili landsins og stóð við það kosningaloforð.

Vinstrimenn æptu og öskruðu að skuldaleiðrétting væri ómöguleg. Þegar kom á daginn að Róbert Marshall, Katrín Jakobsdóttir, Svandís Svarsdóttir og fleiri vinstriþingmenn sóttu um og fengu skuldaleiðréttingu fyrir sín einkafjármál komu þau fjarska illa út í umræðunni. Þau fyrirgefa Sigmundi Davíð ekki þá hneisu.

Vinstrimenn vita sem er að með Sigmund Davíð sem formann er Framsóknarflokkurinn líklegur til að skipta máli í íslenskri pólitík. Sterkur Framsóknarflokkur kemur í veg fyrir valdatöku vinstriflokkanna eftir næstu kosningar.

Þess vegna hatast vinstrimenn út í Sigmund Davíð. 

Breyttist þegar Sigmundur Davíð fór

Vinstriflokkarnir gera ESB-aðild að baráttumáli

Vinstriflokkarnir ætla að endurtaka leikinn frá kjörtímabilinu 2009-2913 þegar lá við að Íslandi yrði þröngað ínn í Evrópusambandið. Aðeins með allsherjarútboði á mið- og hægrivæng stjórnmálanna tókst að koma í veg fyrir að Ísland yrði hjálenda ESB.

Viðreisn, gamla samfylkingardeild Sjálfstæðisflokksins, er gengin í lið með vinstriflokkunum. Það stóreykur líkurnar á því að meirihluti verði á alþing eftir næstu kosningar, hvenær sem þær annars verða, fyrir ESB-aðild.

Vinstriflokkarnir lærðu ekkert af misheppnaðri ESB-umsókn Jóhönnustjórnarinnar og þeir lærðu ekkert af útgöngu Breta úr ESB, Brexit. Verkefni fullveldissinna fyrir næstu kosningar er skýrt: að koma í veg fyrir ESB-meirihluta á alþingi.

Kjósa um ESB við upphaf samstarfs

Alþjóðavæðing færir okkur fátækt, Trump og Brexit

Alþjóðavæðing í viðskiptum og fólksflutningum átti að auka velmegun, bæði í þróuðum iðnríkjum sem og vanþróuðum ríkjum þriðja heimsins. Hugmyndafræði alþjóðavæðingar má rekja til sígildra kenninga frá 18. og 19. öld um ábata frjálsrar verslunar.

Á síðustu árum og misserum er vaxandi efi um ágæti alþjóðavæðingar. Andóf gegn alþjóðavæðingu birtist í ýmsum myndum, t.d. úrsögn Breta úr Evrópusambandinu, Brexit, og stuðningi bandarískra launþega við Donald Trump.

Nóbelshagfræðingurinn Joseph E. Stiglitz dregur saman í grein tölfræði sem sýnir að almennir launþegar í Bandaríkjunum og Evrópu hafa tapað á alþjóðavæðingu síðustu áratuga. Aðeins þeir ríkustu, t.d. ríkustu tíu prósent Bandaríkjamann, bættu hag sinn - hinir ýmist stóðu í stað eða drógust aftur úr í tekjum. Launþegar á vesturlöndum, sem tapa á alþjóðavæðingunni, leita að farvegi til að tjá óánægju sína. Trump og Brexit eru slíkir farvegir.

Alþjóðavæðingu verður ekki einni kennt um dýpri gjá milli þeirra ríkustu og alls almennings á vesturlöndum, tækibreytingar koma einnig við sögu. En alþjóðavæðing, og hugmyndafræðin þar á bakvið um frjálst flæði fjármagns, viðskipta og fólks, er samnefnarinn.

Engin einföld lausn er á þessum vanda. Ef alþjóðavæðing yrði sett í bakkgír, tollamúrar reistir, hömlur settar á tilfærslu fjármagns og landamæri lokuð á fólksflutninga er hætt við að allir myndu tapa, bæði í þróunarríkjum og vanþróuðum. Alþjóðavæðingin hefur, þrátt fyrir allt, knúið áfram hagvöxt um allan heim.

Stiglitz leggur til aukin útgjöld til velferðar þeirra sem tapa á alþjóðavæðingunni og vísar til fordæmis Norðurlandanna. Kannski yrði það nóg en mögulega er það orðið of seint.

Allt eins líklegt er að efnahagsbúskapur á alþjóðavísu sé kominn að vatnaskilum. Að ekki sé lengur mögulegt að notast við alþjóðavæðingu sem aðferð til að auka hagsæld. Kannski er að við þurfum ný viðmið samhliða nýjum skilningi á velmegun sem ylli róttækum breytingum.

Ef það er tilfellið, að alþjóðavæðing hafi runnið sitt skeið, og nýtt fyrirkomulag sé handan sjóndeildarhringsins, er hætt við að óreiða setji svip sinn á vatnaskilin. Trump og Brexit væru þá fyrirboði þess sem koma skal.

 

Með Eygló yrði Framsókn vinstriflokkur

Eygló Harðardóttir mátar formannsstól Framsóknarflokksins. Eygló rekur samfylkingardeild innan Framsóknarflokksins; hún boðar ríkisvæðingu húsnæðismála og er höll undir ESB-aðild.

Með Eygló sem formann yrði Framsóknarflokkurinn vinstriflokkur. Við höfum þegar nóg af slíkum smáflokkum sem keppast við að finna leiðir að taka úr hægri vasa fólks til að færa yfir í þann vinstri og kalla réttlæti.

Sjálfstæðisflokkurinn myndi hagnast mest á formennsku Eyglóar.

 

Vilji til að halda flokksþing í haust

Uppboðsleiðin er áfangi inn í ESB

Uppboð á veiðiheimildum í landhelginni er áfangi til að gera Ísland að ESB-ríki. Í dag eru í gildi takmarkanir á fjárfestingum útlendinga í sjávarútvegi. En útlendingar eru áhugasamir að kaupa veiðiheimildir á fiski í Norður-Atlantshafi.

Færeyingar reyndu uppboð á veiðiheimildum og keyptu útlendingar um 70 prósent þeirra. Færeyingar eru ekki með girðingar gagnvart fjárfestingum útlendinga í sjávarútvegi. Vinstriflokkarnir eru áhugasamir um uppboðsleiðina hér á landi. Steingrímur J. Sigfússon kom fram í RÚV og boðaði tilraunir með uppboð á veiðiheimildum.

Tilraunir með uppboð á veiðiheimildum á Íslandsmiðum munu óhjákvæmilega leiða til lægra verðs en í Færeyjum þar sem útlendingar fá ekki að bjóða í heimildir í íslensku landhelginni. Í framhaldi munu vinstrimenn hefja upp áróður fyrir aðkomu útlendinga til að tryggja hærra verð.

Össur Skarphéðinsson, sem svínbeygði Steingrím J. sumarið 2009 og lét hann kyngja ESB-umsókninni, biðlar til Katrínar Jakobsdóttur formanns Vg að leggja í leiðangur með Samfylkingu og Viðreisn til að gera uppboðsleiðina að kosningamáli.

Össur er eitilharður ESB-sinni og telur uppboð á veiðiheimildum fyrsta skrefið að brjóta á bak aftur hömlur á fjárfestingar útlendinga í sjávarútvegi. En það voru einmitt þær hömlur sem komu í veg fyrir að Össur, sem utanríkisráðherra Jóhönnustjórnarinnar, kæmist áfram með ESB-umsóknin á síðasta kjörtímabili.

Uppboðsleiðin er Trójuhesturinn sem ESB-sinnar sjá fyrir sér að opni landhelgi Íslands fyrir skipaflota Evrópusambandsins. ESB-sinnar láta tilganginn helga meðalið. Þeir vilja komast að kjötkötlunum í Brussel þótt það kosti efnahagslegt fullveldi íslensku þjóðarinnar.

Múslímar fella Merkel, styrkja Trump

Merkel kanslari Þýskalands er á hraðri niðurleið í vinsældum eftir múslímsk hryðjuverk í Þýskalandi. Gagnrýnandi Merkel í hægra bandalaginu, Horst Seehofer, styrkist enda tekur hann harðari afstöðu til viðtöku múslímskra flóttamanna.

Í Bandaríkjunum reynir Donald Trump að endurræsa kosningabaráttu sína eftir ömurlega viku með því að ráðast af heift gegn múslímum og hryðjuverkamenningu þeirra. Obama forseti reynir að róa landa sína og segir að Ríki íslams sé ,,ekki ósigrandi." Obama tekur vara á og segir mögulegt að herskáir múslímar geri hryðjuverkaárásir í Bandaríkjunum. Hann veit sem er að múslímsk hryðjuverk eru vatn á myllu Trump.

Umræðan í Evrópu um múslímavandann er þroskaðri en í Bandaríkjunum. Bæði er að nálægðin við miðausturlönd er meiri og hlutfall múslíma stórum ríkjum Evrópu er á milli 5 og 8 prósent en um eitt prósent í Bandaríkjunum.

Þýska útgáfan Der Spiegel segir rót flóttamannavandans í Evrópu vera Sýrland. Borgarastyrjöldin þar er komin á fimmta ár. Um fjórar milljónir Sýrlendinga er á flótta. Í Sýrlandi stríða fjórar meginfylkingar: uppreisnarhópar sem njóta stuðnings Evrópuríkja og Bandaríkjanna, Assad forseti með Rússland sem bakhjarl, Ríki íslams og Kúrdar. 

Á meðan Evrópa/Bandaríkin annars vegar og hins vegar Rússland styðja hvorn sinn aðila stríðsins eru engar líkur á friði. Vegna herskárrar stefnu Evrópu/Bandaríkjanna í bakgarði Rússa, þ.e. Úkraínu, gefur Pútín Rússlandsforseti ekki tommu eftir í Sýrlandi.

Æ betur skýrist sú mynd að múslímavandinn, flóttamannastraumur og hryðjuverk, mun aðeins versna á meðan óvinsamleg samskipti eru ríkjandi á milli Evrópu/Bandaríkjanna og Rússlands. Vandinn er kominn á það stig að öflugasti stjórnmálamaður Evrópu riðar til falls og í Bandaríkjunum fær skotglaður frambjóðandi til forseta byr í seglin. Pútín hlýtur að vera skemmt.

„Þetta eru skepnur“

Vinstri grænir eru ESB-flokkur

Vinstri grænir stóðu að misheppnuðustu utanríkisstefnu Íslandssögunnar þegar þeir studdu ESB-umsókn Samfylkingar kjörtímabilið 2009 til 2013.

Vinstri grænir hafa ekki afturkallað stuðning sinn við ESB-umsóknina. Ekkert uppgjör hefur farið fram í flokknum vegna málsins.

Í stjórn með Pírötum og Samfylkingu og e.t.v. Viðreisn yrðu Vinstri grænir áfram stuðningsmenn ESB-aðildar.

Hugnast ekki stutt kjörtímabil

Birgitta í stað Jóhönnu: ESB-aðild, ný stjórnarskrá - og upplausn

Píratar vilja stutt kjörtímabil eftir næstu kosningar til að koma áhugamálum sínum í framkvæmd, sem er ESB-aðild og ný stjórnarskrá. Vinstri grænir eru til í allt sem tryggir þeim völd, samanber stuðningur þeirra við ESB-umsóknina á síðasta kjörtímabili, og Samfylkingin er enn ESB-flokkur.

Ný stjórnarskrá og ESB-aðild hanga saman. Stjórnarskráin leyfir ekki framsal valds til yfirþjóðlegrar stofnunar eins og Evrópusambandsins.

Komist kosningabandalag vinstriflokkanna til valda er leikurinn frá 2009 endurtekinn, með Pírata sem þriðja hjólið og Birgittu í stað Jóhönnu.

Engar viðræður enn um samstarf

Bretar staðfastir í Brexit

Ef kosið yrði á ný um úrsögn Bretlands úr Evrópusambandinu yrði niðurstaðan enn og aftur Brexit. Samkvæmt nýrri könnun myndu 44 prósent Breta styðja úrsögn, 43 prósent vilja áframhaldandi aðild og 13 prósent eru óákveðin.

Í þjóðaratkvæðagreiðslu fyrr í sumar samþykktu 52 prósent kjósenda úrsögn, en 48 vildu halda áfram í Evrópusambandinu.

Úrsögn Breta úr ESB mun taka nokkur ár, líklega þrjú til fimm. Á meðan mun ESB ekki svo mikið sem íhuga að taka inn ný aðildarríki. Eftir Brexit er framtíð ESB í uppnámi.

Búist við vaxtalækkun í Bretlandi