Sitjandi kjáni

Ögmundur líkir honum í Morgunblaðsgrein í dag við Sitjandi naut, sioux-indjánahöfðingja sem gat sér til frægðar á yngri árum að sigra Custer við Litla stórhorn. Víst er utanríkisráðherra víghreifur aðildarsinni og telur ekki eftir sér að beita ,,skapandi" blekkingum til að svæla Íslendinga inn í Brusselgrenið.

Líkingin við Sitjandi naut er vel til fundin. Á efri árum gerðist Sitjandi naut trúður í farandsýningu Vísunda-Villa um lífið á sléttunni fyrir daga siðmenningar hvíta mannsins.

Þýskir blaðamenn draga upp þá mynd af Össuri Skarphéðinssyni utanríkisráðherra að hann sé kjáni.

RÚV í ESB-leiðangri

Fréttastofa RÚV er í tvo daga búin að reyna koma því inn hjá hlustendum sínum að LÍÚ hafi skipt um afstöðu til aðildar Íslands að Evrópusambandinu. Fyrst afflutti fréttastofan orð formanns LÍÚ og í kvöld kemur þessi texti

Útgerðarmenn sem Fréttastofa hefur rætt við í dag eru margir hverjir sammála formanni Landssambands íslenskra útvegsmanna um að halda beri áfram aðildarviðræðum við Evrópusambandið og ná eins góðum samningum og kostur er. Með því sé alls ekki verið að viðurkenna að ganga skuli í ESB, enda sé það ekki skoðun LÍU. Hinsvegar verði að tryggja að þær viðræður sem hafnar eru af íslenskum stjórnvöldum leiði til bestu niðurstöðu fyrir Ísland. 

Nafnlausar heimildir fréttastofu eru líkast til upplognar. Fréttamaður með snefil af sjálfsvirðingu léti það ekki viðgangast að afstaða til Evrópusambandsins sé nafnlaus. Er fréttastofa RÚV komin á styrk frá Evrópusambandinu?

Forsætisráðherra hótað

Vanhæfur maður fær tilnefningu í opinbera nefnd og upp kemst áður en skipað er í nefndina. Forsætisráðherra neitar réttilega að skipa viðkomandi og málið ætti að vera úr sögunni. En nei, sá vanhæfi hótar að

verði hann ekki skipaður í nefndina muni hann væntanlega sjálfur skoða málið og birti það sem hann kemst að.

Sveinn Margeirsson er jafn vanhæfur í málinu hvort sem hann situr í nefndinni eða ekki. Vitanlega getur hann fyrir eigin reikning gert þær athuganir sem hugurinn stendur til. Belgingur um að hann eigi tilkall til að sitja í nefndinni þrátt fyrir vanhæfi sýnir dómgreindarleysi.

Vill ekki skipa Svein

Talsmaður lækna fer yfir strikið

Formaður Læknafélags Íslands, Birna Jónsdóttir, segir heilbrigðisráðherra valda veikindum fólks vegna þess að ráðherra fer ekki að kröfum lækna um þessa að hina ráðstöfunina. Samtök lækna geta ekki gefið út yfirlýsingar af þessu tagi.

Herskárri kjarabaráttu verða að vera takmörk sett.

Tveggja þrepa blekking aðildarsinna

Aðildarsinnar á Íslandi eru löngu hættir að rökstyðja málstaðinn og útskýra hvers vegna við ættum að verða aðilar að Evrópusambandinu. Aðalmálið hjá aðildarsinnum er að ,,klára ferlið". Með þessum málflutningi fullkomna aðildarsinnar tveggja þrepa blekkinguna sem hefur þvælt okkur út í aðlögunarferli að Evrópusambandinu.

Í fyrsta þrepinu var þjóðinni talin trú um að aðildarviðræður við Brussel væru óskuldbindandi þar sem sendinefndir ræddust við og úr yrði samningur sem þjóðin tæki afstöðu til.

Evrópusambandið býður ekki upp óskulbindandi viðræður. Í boði er aðlögunarferli, accession process, þar sem umsóknarríki tekur jafnt og þétt upp lög og reglur ESB yfir samningstímabilið. Þegar kemur að þjóðaratkvæði standa þjóðir frammi fyrir orðnum hlut. Ferlið var hannað fyrir ríki Austur-Evrópu sem bjuggu ekki við stofnanakerfi Vestur-Evrópuþjóða. Ísland fer í þetta aðlögunarferli í haust.

Í öðru þrepi blekkingarinnar felst að telja þjóðinni trú um að nauðsyn sé að ,,klára ferlið" til að sjá samningsniðurstöðuna. Allir sem kynna sér Evrópusambandið vita að samningsniðurstaða er aðeins um tímarammann sem umsóknarþjóð fær til að ljúka aðlögunarferlinu, þ.e. taka upp lög og regluverk sambandsins.

Fréttastofa RÚV hannað í gær frétt um að formaður LÍÚ hefði bitið á agn aðildarsinna og vildi ljúka ,,ferlinu." Viðbrögð aðildarsinna voru slík að þeir þóttust himinn hafa höndum tekið - og staðfestir það einarðan ásetning þeirra að blekkja þjóðina til fylgis við aðlögunarferlið.

Við eigum ekki að taka þátt í spunaverki Samfylkingarinnar þar sem þjóðarhagsmunir eru í veði. Í haust samþykkir alþingi fyrirliggjandi þingsályktun fullrúa allra flokka nema Samfylkingar um að draga aðildarumsókn Íslendinga tilbaka.

„Verðum að reyna að ná góðum samningi“

Ríkisrök Íslands standa gegn ESB-aðild

Þjóðríki skapa sér sögu og á þeirri vegferð eru kjarnahagsmunir skilgreindir. Nágrannaþjóðir eiga oft sameignleg ríkisrök; Eystrasaltsþjóðirnar þrjár töldu brýnt að ganga í Evrópusambandið vegna aldarlangrar yfirgangsstefnu Rússa.

Ríkisrök Íslands eru að þjóðinni hefur best farnast þegar fullveldið hefur verið í hennar höndum. Föðurlegt forræði danskra yfirvalda frá miðöldum og fram til síðustu aldar var lærdómur sem þjóðin festi í minni. 

Nágrannaþjóðir okkar í austri og vestri hafa dregið sambærilegar ályktanir af sögu sinni. Grænlendingar, Færeyingar og Norðmenn hafna aðild að Evrópusambandinu.

Ísland á ekki heima í Evrópusambandinu.

 

Samfylkingarliðið fellur fyrir eigin spuna

Samfylkingarliðið sem stendur að umsókn Íslands að Evrópusambandinu er svo magnþrota og ráðlaust að þegar formaður LÍÚ segir ekki ,,raunhæft" að draga umsóknina tilbaka telja aðildarsinnar að straumhvörf séu orðin í umræðunni. Lýsnar detta af höfði Egils Helga og hjárænurnar kætast.

Samfylkingarfólk telur að andstaðan við aðild Íslands að Evrópusambandinu spretti af hagsmunum útgerðarmanna. Spunalið flokksins hefur haldið þessu fram í áranna rás og dropinn holar steininn. 

Andstaðan við aðild Íslands byggir á sannfæringu um að fullveldinu sé best borgið í höndum okkar sjálfra. Hagsmunir einstakra atvinnugreina eru ekki afgerandi fyrir andstöðuna við aðild Íslands.

Umsóknin um aðild Íslands er alfarið á ábyrgð Samfylkingar sem fékk rúm 29 prósent við síðustu þingkosningar. Eftir samþykkt umsóknarinnar í Brussel hefst aðlögunarferli að Evrópusambandinu sem er í hæsta máta ólýðræðislegt þar sem stjórnmálaflokkur með minna en þriðjungsfylgi ræður för.

Fyrir alþingi liggur tillaga til þingsályktunar um að draga umsóknina tilbaka. Fulltrúar allra flokka nema Samfylkingar eru flytjendur tillögunnar. Sjálfstæðisflokkurinn ályktaði til stuðnings tillögunni á landsfundi sínum í sumar og í haust um Vg gera það sama.

Afstaða LÍÚ er aukaatriði í þessu samhengi.

Samfylkingarumsóknina um aðild Íslands að Evrópusambandinu á að draga tilbaka.

 

 

 

Útrás háskólanna og gelding gagnrýninnar

Hugmyndin um háskóla er að stunda gagnrýna hugsun. Hverskyns kröfur um hagnýtingu háskóla svo sem um að  mennta embættismenn og sérfræðinga eiga ekki að fá framgang nema það sé tryggt að aukagetan sé í góðu samræmi við kjarna háskólans.

Háskólar eru misjafnlega langt frá upprunalegum tilgangi sínum. Íslenskir háskólar fóru fram úr sér í fáráðlingahætti á tímum útrásar. Ekki aðeins mátti heyra úr munni rektora fíflapælingar um samanburð við Yale, Oxford og MIT heldur seldu þeir samtímis auðmönnum þjónustu sína gagnrýnislaust.

Menntamálaráðherra gerir rétt að veita fjármunum í þarft verkefni og Páll Skúlason er réttur maður til að vinna það.

Þáttur háskólanna í hruninu rannsakaður

Árni Páll gæti bjargað sér með fórn

Ríkisstjórnin er handónýt, það veit Árni Páll. Orðspor hans sem stjórnmálamanns er tætlum, bæði út í samfélaginu vegna kvenfyrirlitningarinnar sem hann sýndi í ráðningu Runólfs, og innan flokks vegna þess hvernig hann stakk téðan Runólf í bakið.

Árni Páll gæti búið sér til nýja vígstöðu með því að fórna ráðherraembættinu og gerast óbreyttur þingmaður.

Þegar Jóhanna hættir fyrir kosningarnar í haust/vetur gæti Árni Páll sótt fram sem maður er tekur afleiðingum gjörða sinna.

 

Samfylkingin á þingflokksfundi

Landhelgin verður evrópsk við inngöngu

Nái Samfylkingin sínu fram og Ísland verði aðildarríki Evrópusambandsins verður fiskveiðilandhelgi okkar að evrópsku hafsvæði og fiskimiðin sameiginleg auðlind ESB-ríkja. Fiskveiðistefna Evrópusambandsins var ekki sett á laggirnar til að stjórna fiskveiðum heldur skapa meginlandsþjóðum Evrópu samningsstöðu gangvart fiskveiðiþjóðunum Bretlandi, Írlandi, Danmörku og Noregi sem sóttu um inngöngu í sambandið 1970.

Noregur hafnaði í tvígang inngöngu og fiskveiðistefnan var veigamikil ástæða í bæði skiptin.

Breskir sjómenn hafa mátt horfa upp á Spánverja ryksuga miðin sín eftir inngöngu Spánar á miðjum níunda áratugnum.

Hér er stutt ágrip af hörmungarsögunni.