Refsivextir í ESB lýsa botnlausri svartsýni

Viðskiptabankar sem geyma fé hjá Seðlabanka Evrópu borga refsivexti. Viðurkenndu efnahagslögmáli er þar með snúið á haus í stað þess að fjármagnseigandi fái vexti er honum refsað. Örvæntingin sem leiðir Seðlabanka Evrópu á braut refsivaxta er verðhjöðnun.

Verðhjöðnun er vítahringur þar sem fjárfestar og neytendur halda að sér höndum vegna væntinga um verðlækkun. Við verðfall á vörum og þjónustu verður samdráttur hjá atvinnurekendum sem segja upp fólki. Aukið atvinnuleysi veldur enn minni eftirspurn, sem aftur þrýstir verði á vöru og þjónustu lengra niður.

Samhliða refsivöxtum gagnvart viðskiptabönkum heldur Seðlabanki Evrópu stýrivöxtum nálægt núlli eða 0,15. Lágir stýrivextir og núna refsivextir á viðskiptabanka ríkir lýsa hyldjúpu svartsýni á efnahagskerfi evru-ríkjanna 18. Jaðarríki sambandsins í Suður-Evrópu eiga að baki sjö ára kreppu og eygja ekki enn landssýn.

Þýskir fjölmiðlar, t.d. Die Welt, eru vantrúa á Seðlabanka Evrópu og tala um Seðlabanki Evrópu haldi lífinu í peningabrennsluvél.

Hægt en öryggluga rennur upp fyrir Þjóðverjum að þeir verða látnir borga fyrir fjármálaóreiðuna í Suður-Evrópu.   

Björt framtíð ógnar Samfylkingu

Björt framtíð var stofnuð til að veiða upp vinstriatkvæði sem féllu Samfylkingu ekki í skaut í þingkosningum og það lukkaðist sæmilega í fyrr. Með framboði Bjartar framtíðar til sveitarstjórna í þorra stærri sveitarfélaga landsins var tekið ákveðið skref í þá átt að festa stjórnmálaflokkinn í sessi.

Þegar Björt framtíð skákar Samfylkingunni í gömlum kratavígum eins og Hafnarfirði og Kópavogi eru drög lögð að umskiptum á vinstri væng stjórnmálanna.

Björt framtíð rekur kósístjórnmál sem eru samstarfsvænni en kreddustefna Samfylkingar. Ef fram heldur sem horfir brestur á flótti í röðum samfylkingarfólks sem leitar sér betri bithaga á kjörlendum Bjartar framtíðar - enda Björt framtíð samstarfstæk en Samfylkingin tæplega.

Ármann áfram bæjarstjóri

Kynjaskýrsla sem viðheldur kynjakerfi

Með því að flokka krakka í stráka og stelpur við mat á vellíðan/vanlíðan gefa skýrsluhöfundar sér að kynjabreytan sé  afgerandi þáttur í tilveru krakka. En í skýrslunni segir að

kynja­kerfið sé heiti á þeim alda­gömlu hefðum sem setji bæði karla og kon­ur á af­markaða bása. Það sé gegn­sýrt menn­ingu okk­ar og viðhaldi stöðugt sjálfu sér.

Ef skýrsluhöfundar hefðu verið samkvæmir sjálfum sér, um að ,,kynjakerfið" sé úrelt, hefðu þeir átt að kanna vellíðan/vanlíðan út frá öðrum þáttum s.s. búsetu, efnahagsstöðu, fjölskyldumynstri, líkamsburðum eða áhugamálum.

Skýrslan er innblásin tískufyrirbrigðinu ,,kynjafræði" sem einatt glímir við mótsögnina um að krefjast frelsunar frá ,,kynjakerfi" í einn stað en gefa sér jafnframt að kynferði sé meginbreyta í samfélagin og stýrir félagslegri hegðun.

 

Stelpum líður verr en strákum

Samfylkingin verður jaðarflokkur

Björt framtíð stefnir í meirihlutasamstarf við Sjálfstæðisflokkinn í stórum sveitarfélögum. Samfylkingin, sem fékk 12,9% fygli í síðustu þingkosningum, galt víðast hvar afhroð í sveitarstjórnarkosningunum, nema í Reykjavík.

Pólitík Bjartar framtíðar er lausnamiðuð og kreddulaus. Samfylkingin er kredda með sértrúarívafi.

Með því að Björt framtíð verður húsum hæf hjá móðurflokki íslenskra stjórnmála er hætt við að Samfylking verði pólitískt jaðarsport.

Hugsanlega fyrirboði breyttra tíma

365-miðlar koma óorði á einkarekstur

Atburðir eins og heimsmeistarakeppni í fótbolta eiga að vera í opinni dagskrá. Samkrull RÚV og 365-miðla mun á hinn bóginn loka 18 leiki inni frægum ,,kústaskáp" Stöðvar 2.

Með því að koma í veg fyrir að áskrifendur norrænu sjónvarpsstöðvanna fái aðgang að HM-leikjum er gripið til harkalegra aðgerða til að þrengja kost neytenda.

Samkrull hins opinbera og einkaaðila gefur iðulega verstu niðurstöðuna.

 

Skjárinn sýndi ekki áhuga

Samfylkingarskáldið og Breivik

Hallgrímur Helgason sló í gegn sem samfélagsrýnir þegar hann bar blak af Jóni Ásgeiri og útrásarauðmönnum vegna gagnrýni þáverandi forsætisráðherra Davíðs Oddssonar

Við sem heima sitjum og skiljum ekki andúð forsætisráðherra gagnvart bestu viðskiptasonum Íslands

Hallgrímur tilheyrir Samfylkingunni í pólitík og lífssýn. Hann auglýsir innræti sitt og félaga sinna með samsetningi um að framsóknarmenn séu samstofna fjöldamorðingjanum Breivik.

Orðræða samfylkingarfólks vegna moskumálsins verður æ meira öskur með stöðugt minna innihaldi. Breivik-samsetning Hallgríms mun um ókomin ár standa sem minnisvarði um lágkúrulegasta pólitískan kúltúr seinni tíma sögu - samfylkingarómenninguna.

Fordæma fyrst, rökin koma síðar eða alls ekki

Illugi Jökulsson, Björn Valur Gíslason og Jóhanna Sigurðardóttir er meðal þeirra vinstrimanna sem helltu sér yfir Sigmund Davíð og Bjarna Ben. fyrir að þekkja boð bænda um að opna Norðurá.

Upphlaup vinstrimanna fylgir einatt sömu uppskrift. Fyrst er fordæmt og reynt að koma af stað reiðibylgju í þjóðfélaginu.

Rökin fyrir fordæmingunni koma síðar eða alls ekki.

Umræðan kom Sigmundi á óvart

Múslímar, kúgun kvenna og umburðalyndi

Múslímaríki eru mörg hver ekki aðilar að mannréttindasáttmála Sameinuðu þjóðanna sem kveður á jafnrétti kynjanna, sbr. grein 16. Múslímaríki gerðu með sér sérstakan sáttmála um mannréttindi, Kaíró-yfirlýsinguna. Þar segir í sjöttu grein b-lið

Eiginmaðurinn er ábyrgur fyrir velferð og afkomu fjölskyldunnar.

Mannréttinda yfirlýsing Sameinuðu þjóðanna er trúarlega hlutlaus. Kaíró-yfirlýsingin, á hinn bóginn, vísar reglulega í sharía-lögin um nánari útfærslu mannréttinda. Sharía-lögin er byggð á trúarriti múslíma, Kóraninum, og mæla fyrir margvíslega siði og venjur.

Konur eru settar skör lægra en karlar í samfélögum múslíma. Konur ráða ekki hverjum þær giftast og eru undir ofurvaldi karla, hvort heldur í hjónabandi eða utan.

Í moskumálinu undanfarið er vinstrimönnum tíðrætt um umburðalyndi. Af umræðunni að dæma er íslenskum vinstrimönnum múslímatrú kærari en jafnrétti kynjanna.

Umburðalyndi vinstrimanna leyfir kúgun kvenna, - ef kúgunin er í nafni trúar.

 

Fjölmiðlar í höndum glæpamanna

Glæpamenn eru samkvæmt skilgreiningu búnir að segja sig úr lögum við samfélagið - annars sætu þeir ekki i fangelsi.

Þegar fjölmiðlar taka orð glæpamanna góð og gild er almannahagur fyrir borð borinn. Fjölmiðlar sem efla áhrif glæpamanna í samfélagsumræðunni gera það annað tveggja af fávisku eða einbeittum vilja að vinna samfélaginu tjón .

Blaðamenn með rænu hljóta að vita að glæpaiðja er ekki iðn þar sem sannsögli og heiðarleiki er í hávegum.

 

Alræmdir fangar í Afstöðu

Öskur er kjarninn í samfylkingarpólitík

Móðursýkisleg öskur einkenna samfylkingarfólk. Í gær var mosku-öskur, í dag laxveiði-öskur. Samfylkingarfólk fer í manngreinarálit þegar þeir öskrar og lætur málefni lönd og leið.

Þannig fær borgarfulltrúi Samfylkingar ekki bágt fyrir að sneiða að trúfélögum en frambjóðandi Framsóknarflokksins er sakaður um rasisma vegna tillögu um að afturkalla byggingarleyfi fyrir mosku í þjóðbraut. 

Ingibjörg Sólrún Gísladóttir fékk ekki öskur á sig þegar hún sem borgarstjóri opnaði Elliðaárnar. Þegar Bjarni Benediktsson og Sigmundur Davíð Gunnlaugsson opna Norðurá fá þeir á hinn bóginn samfylkingar-öskur.

Jóhanna fordæmir laxveiðina