Ríkið gefur útrásarþjófum meðgjöf

Ríkisstjórnin er ruslahrúga. Á skarnhaugnum róta útrásarþjófar og hirða opinberar eigur sem ríkisvaldinu er treyst fyrir. Aumingjaháttur ríkisstjórnar Jóhönnu Sig. er slíkur að þjófarnir fá meðgjöf úr opinberum sjóðum.

Ríkisstjórnin er einangruð í Magma-málinu. Samfylkingin í Reykjanesbæ ályktar gegn braskinu, þingflokkur Vinstri grænna er í uppnámi og Framsóknarflokkurinn stendur vaktina fyrir almannahagsmuni.

Samtök afneitara, SA, fagna braski sem og bæjarstjórinn í Reykjanesbæ sem er hrifinn af kúlulánum og veitir ekki af aukinni veltu í von um að geta greitt upp skuldir. Að öðru leyti þegir Sjálfstæðisflokkurinn. Líklega bíða menn eftir því að öflugur talsmaður í orkumálum stigi fram, til dæmis Guðlaugur Þór Þórðarson.

Magma hyggst bera fé á sveitarstjórnir á Suðurlandi til að kaupa orkuréttindi. Tilboðið staðfestir enn og aftur braskaraeðli skúffufyrirtækisins.

Íslendingar eiga betra skilið en ruslfólkið sem á að heita trúnaðarmenn almennings.

Magma fær 14,7 milljarða

Klofin tunga Samfylkingarinnar

Samfylkingin var stofnuð til að fara með völd. Til að koma sér upp valdastöðu gerði Samfylkingin út á auðmenn s.s. Jón Ásgeir í Baugi, Knoll og Tott í Kaupþingi, Jón Ólafsson í Skífunni. Samfylkingin hirti líka upp málefni sem enginn vildi í íslenskum stjórnmálum - aðild að Evrópusambandinu.

Tækifærismennska annað eðli Samfylkingarinnar. Dagur B. og Árni Páll eru sitt hvor helftin af klofinni tungu Samfylkingarinnar.

Dagur gagnrýnir Árna Pál

Ríkisstjórn fyrir útrásarbófa

Eftir 45 ár, þegar Jóhanna Sig. verður 113 ára gömul, heimsækir hún væntanlega Reykjanesbæ til að óska íbúum til hamingju að vera lausa úr klóm Magma sem fékk sérstakt leyfi ríkisstjórnarinnar árið 2010 að smyrja ofaná orkureikningana til 45 ára í stað 60 ára. Eflaust er Jóhanna Sig. að rifna úr stolti að hafa náð þeim feikna árangri að takmarka tjónið.

Ríkisstjórnin gengur erinda útrásarbófa. Geysir Green er gjaldþrota fyrirtæki í eigu Íslandsbanka, þar sem fyrir á fleti er Árni Magnússon fyrrum ráðherra. Geysir Green selur hlut sinn í HS Orku til Magma en þar er fyrrum forstjóri Geysis Green, Ásgeir Margeirsson sem var hægri hönd forstjóra OR þegar útrásarvæðing orkunnar hófst.

Á bakvið Magma eru íslenskir útrásarbófar, það á bara eftir að svæla þá út. Kanadíski eigandi Magma er í sama hlutverki og Al Thaini sem ,,keypti" hlut í Kaupþingi - en reyndist útsendari eigendanna til að halda uppi hlutabréfaverðinu. Árni Magnússon orkufursti Íslandsbanka kann svona fléttur.

Til að tryggja opinbera aðkomu og stuðning Sjálfstæðisflokksins er Árni Sigfússon bæjarstjóri Reykjanesbæjar hafður með í för en Árna sárvantar skotsilfur eftir kúlulánaævintýri sem endaði illa.   

Röklegar skýringar á framferði ríkisstjórnar Jóhönnu Sig. eru engar. 

Vilja viðræður við Magma

Innherjasvik bæjarstjóra Reykjanesbæjar

Árni Sigfússon bæjarstjóri Reykjanesbæjar siglir undir fölsku flaggi trúnaðarmanns almennings. Trúnaður Árna Þórs er við kúlulánafólk sem ætlar sér í gegnum sænskt skúffufyrirtæki að komast yfir almannafyrirtækið HS Orku. Magma kom til sögunnar þegar REI/Geysir Green fléttan mistókst en þar komu við sögu auðmenn eins og Hannes Smárason, Jón Ásgeir Jóhannesson og spilltir stjórnmálamenn.

Árni Þór er á fullboðlegum launum hjá íbúum Reykjanesbæjar að gæta almannahagsmuna. Þegar hann tekur þátt í braski með eigur almennings er hann sekur um innherjasvik. Árni Þór veit upp á sig sökina enda reyndi hann að fela slóðina með lygafrétt í gær þar sem því var hafnað að bæjaryfirvöld ættu hlut að máli.

Á bakvið skúffufyrirtækið eru lygamerðir sem ekki hefur enn tekist að svæla út. Sömu meðhlauparar eru á vettvangi og áður, nægir þar að nefna Ásgeir Margeirsson áður hjá Orkuveitu Reykjavíkur og síðan Geysir Green.

Í frétt frá Magma kemur fram að kaupin hafi ekki enn verið fjarmögnuð. Salvör Gissurardóttir gerir ágætlega grein fyrir útrásarverkfræðinni sem liggur þar á bakvið.

Bæjarstjórinn í Reykjanesbæ er eftirlegukind úr ræningjasamfélagi útrásarinnar.

 

Samfylkingin harmar sölu til Magma

Bæjarstjóri staðinn að lygum

Bæjarstjórinn í Reykjanesbæ er staðinn að lygum í Magma-málinu. Í gær gaf Árni Þór Sigfússon út fréttatilkynningu um að Reykjanesbær kæmi hvergi nærri kaupum á sænska skúffufyrirtækinu á HS Orku. Í frétt Morgunblaðsins í dag kemur fram að bærinn lánar skúffufyrirtækinu tæpan helming kaupverðsins.

Árni Þór er í slagtogi með kúlulánafólki að svæla til skúffufyrirtækis almannaeigur. Ósvífnir viðskiptahættir bæjarstjórans eru í takt við útrásarsiðleysið sem kom okkur á kaldan klaka.

Í heilbrigðu og eðlilegu samfélagi stjórna menn eins og Árni Þór ekki bæjarfélögum.

Opinber fjármögnun

Stærstu flokkarnir bera mestu ábyrgðina

Sjálfstæðisflokkur og Samfylkingin bera höfuðábyrgð á hvernig komið er fyrir stjórnmálakerfinu. Fólk hafnar stjórnmálakerfinu í heild sinni. Aumingjaleg viðbrögð S-flokkana þar sem spillingarliðið situr áfram við kjötkatlana vekja viðbjóð almennings.

Ormahreinsun flokkakerfisins er löngu tímabær.

Besti flokkurinn stærstur í Reykjavík

Siðleysi Sjálfstæðisflokksins

Sjálfstæðisflokkurinn leggur blessun sína yfir braskaravæðingu auðlinda almennings. Sænska skúffufyrirtækið og íslensku meðreiðarsveinar kanadísks eiganda komast með vafasömum hætti yfir orkuauðlindir almennings.

Sjálfstæðisflokkurinn er hlynntur þessum viðskiptum, rétt eins og flokkurinn styður löggjöf handa Björgólfi Thor og gagnaveri hans á Miðnesheiði.

Sjálfstæðisflokkurinn er í herkví kúlulánafólksins.  

 

Ríkið leysi til sín hlut Magma

Samtök afneitara fagna orkuútrás

Huldufyrirtækið Magma er kanadískt og í eigu manns sem þekktur er fyrir brask. Til að komast í HS Orku undir formerkjum EES-samningsins stofnaði Magma skúffufyrirtæki í Svíþjóð.

Það er deginum ljósara að á bakvið Magma eru auk útlenska braskarans nokkrir Íslendingar sem ætla að taka snúning á eigum almennings hér á landi í anda útrásarinnar.

Og auðvitað fagna Samtök afneitara endurtekinni ruglvæðingu.

 

Fagna kaupum Magma á hlut í HS Orku

Meira en 32 milljarða skattur á Suðurnesjamenn

Kaup sænska skúffufyrirtækisins Magma á HS Orku væri efni í útrásarsápu þar sem koma fyrir kúlulánabæjarsjóri með allt niðurum sig í einkafjármálum sem opinberum, forstjóri sem eina stundina vinnur fyrir Orkuveitu Reykjavíkur, þá næstu fyrir Geysir Green og loks fyrir sænska skúffufyrirtækið. Á bakvið tjöldin er glottandi fyrrum ráðherra sem er búinn að koma sér fyrir í endurreistum banka til endurtaka útrásarleikinn.

Útrásarsápan er því miður ekkert fyndin. Braskarar er eiga núna HS Orku og þeir munu leggja sérstakan orkuskatt á Suðurnesjamenn til að fá 32 milljarða króna tilbaka og hagnað að auki.

Bæjarstjórafíflið og forstjóraflakkarinn munu selja kjósendum bullið á þeim forsendum að þeir ætli að búa til ný verðmæti úr HS Orku. Það eru takmörk fyrir því hversu almenningur er auðtrúa.

Ræddu við lífeyrissjóði

Arion banki furðar sig

Arion banki hleypti Baugsfjölskyldunni að Högum eftir að fjölskyldan missti reksturinn vegna óráðssíu. Í stað þess að selja reksturinn lét Arion banki óreiðufólkið stýra rekstrinum áfram. Baugsfjölskyldan launaði traustið með því að nota fjármuni Haga til að halda uppi öðru félagi fjölskyldunnar, 365-miðlum. Yfir 90 prósent af auglýsingafé Haga rennur til 365-miðla.

Arion banki virðist beinlínis hvetja til þess að 2007-viðskipti haldi áfram eins og ekkert hafi í skorist. Bankinn setti Sigurjón Pálsson af öllum mönnum í stjórn Haga. Sigurjón er mágur forstjóra 365-miðla, Ara Edwald.

Netmiðillinn AMX hefur fjallað um undarlegar ráðstafanir Arion banka í málefnum Haga og Baugsfjölskyldunnar. Arion sendir frá sér fréttatilkynningu þar sem bankinn furðar sig á áhuga AMX á þessu viðfangsefni.

 Stjórnendur Arion banka eru ekki jarðsambandi.