Magma-málið gæti fellt Steingrím J.

Almennir félagsmenn Vinstri grænna eru æfir yfir svikum forystunnar í Magma-málinu. Í þessu tilfelli er forystan Steingrímur J. Sigfússon formaður og fjármálaráðherra. Lilja Mósesdóttir leggur málið í heild sinni við dyr formannsins í frétt RÚV.

Hvort Steingrímur J. svaf á verðinum eða hann sé laumu-landssölumaður skiptir ekki máli úr því sem komið er. Formaðurinn er búinn að éta upp trúverðugleika sinn með tækifærismennsku og stórafslætti handa Samfylkingunni á prinsippmálum Vinstri grænna.

Enginn þarf að kvíða skorti á forystumönnum úr röðum þingliðs Vinstri grænna. Þar eru þau Ögmundur og Liljurnar báðar.

Hvaða sendiherrastaða er laus?

Magma eignast orkuna með íslensku skattfé

Íslandsbanki, bæjarstjórinn í Reykjanesbæ og aðrar viðskiptafélagar Magma seldu Ross Beaty forstjóra sænsk-kanadíska skúffufyrirtækisins viðskiptahugmynd sem ekki var hægt að tapa á - nema maður væri íslenskur skattgreiðandi.

Þær fáu krónur sem Magma kemur með inn í landið eru aflandskrónur þar sem hver evra og dalur kaupir helmingi fleiri krónur en í gjaldeyrisviðskiptum hér heima. Skattfé almennings er notað til að halda genginu uppi og það er lögbrot að kaupa krónur á aflandsmarkaði. Afganginn fær Magma lánað, m.a. hjá bæjarstjóranum í Reykjanesbæ, Árni Sigfússyni, sem er sérstaklega flinkur fjármálamaður eins og sést á veðbókarvottorði húseignar hans.

Sjónhverfingarnar í kringum Magma verða æ furðulegri og skömm ríkisstjórnarinnar meiri að koma ekki í veg fyrir gjörning.

Magma eignast orkuna með íslensku skattfé

Íslandsbanki, Arni Magnússon, bæjarstjórinn í Reykjanesbæ og aðrar viðskiptafélagar Magma seldu Ross Beaty forstjóra sænsk-kanadíska skúffufyrirtækisins viðskiptahugmynd sem ekki var hægt að tapa á - nema maður væri íslenskur skattgreiðandi.

Þær fáu krónur sem Magma kemur með inn í landið eru aflandskrónur þar sem hver evra og dalur kaupir helmingi fleiri krónur en í gjaldeyrisviðskiptum hér heima. Skattfé almennings er notað til að halda genginu uppi og það er lögbrot að kaupa krónur á aflandsmarkaði. Afganginn fær Magma lánað, m.a. hjá bæjarstjóranum í Reykjanesbæ, Árni Sigfússyni, sem er sérstaklega flinkur fjármálamaður eins og sést á veðbókarvottorði húseignar hans.

Sjónhverfingarnar í kringum Magma verða æ furðulegri og skömm ríkisstjórnarinnar meiri að koma ekki í veg fyrir gjörning.

Magma á helming í Búlandsvirkjun

Ríkisstjórnin sker sjálfa sig niður

Ríkisstjórn Jóhönnu Sig. er umsetin og fær engan skilning í samfélaginu. Niðurskurðurinn sem ríkisstjórnin er búin að lofa Alþjóða gjaldeyrissjóðnum að framkvæma verður gerður í hatrömmum átökum. Almenni vinnumarkaðurinn logar, háskólamenn bíta í skjaldarrendurnar og opinberir starfsmenn eru þungbrýndir.

Ástæðan fyrir því að ríkisstjórnin færa enga með sér er að vegferðin er án fyrirheits. Hvorki Jóhanna né Steingrímur J. hafa útskýrt fyrir fólki að tímabundnar fórnir munu skila árangri.  Fyrst eftir hrun samþykkti almenningur skattahækkanir og knappari kjör út á neyðarsjónarmið. Þegar líður frá hruninu er spurt um hvaða framtíð ríkisstjórnin býður upp á. Össur utanríkisráðherra talar fyrir Brussel-ferð en margstaðfest er að þjóðin vilji ekki þann leiðangur. Að öðru leyti stendur ríkisstjórnin á gati.

Niðurskurðurinn sem blasir við er tilgangslaus í augum þjóðarinnar. Krafan um að ríkisstjórnin víki verður háværari á næstu vikum og mánuðum.

Hrunmaður Vinstri grænna

Vinstri grænir fá ekki meðbyr í sveitarstjórnarkosningunum enda þótt þeir ættu að vera í ágætri stöðu. Almennt eru Vg með hreina áru á hruntímanum. En innan raða Vg leynast græðgisvæddir hrunverjar með siðferði undir pari.

Árni Þór Sigurðsson fékk þjálfun í pólitískri tækifærismennsku í Moskvu sem ungur maður, gekk í Alþýðubandalagið og tók sér stöðu í Samfylkingunni, var m.a. borgarfulltrúi í nafni flokksins. Þegar hann sá að Steingrímur J. og Ögmundur komust á beinu brautina stökk Árni Þór yfir.

Árni Þór gætti þess að græða á sínu pólitíska vafstri og ruddi Sigurjóni Péturssyni heitnum úr stjórn Spron. Þar komst Árni Þór yfir stofnfjárbréf sem hann seldi á heppilegum tíma með milljóna hagnaði.

Liðþjálfi Júdasar er viðurnefni sem Árni Þór fékk þegar hann sá um myrkraverkin sem leiddu til þess að Vinstri grænir féllust á að slást í helför Samfylkingarinnar til Brussel.

Árni Þór er ljóta andlit Vinstri grænna og veldur því að kjósendur hafa ímugust á flokknum.

 

Grínið trompar spillinguna

Varðstaða gömlu flokkana um óbreytt ástand gekk upp í þingskosningunum síðast liðið vor vegna þess að mótmælaframboðið Borgarahreyfingin hafði ekki tiltrú kjósenda. Gömlu flokkarnir ætluðu að endurtaka leikinn í sveitarstjórnarkosningunum og halda áfram eins og ekkert hefði í skorist.

Spilltu stjórnmálamennirnir sem þáðu stórfé frá auðmönnum og braskararnir sem eru með allt niðrum sig fjárhagslega héldu að hægt væri að sitja af sér umræðuna.

Svo kom grínið.

Vopnlausir stjórnmálaflokkar

Stærstu mistök ríkisstjórnarinnar

Starfsstjórn Jóhönnu Sigurðardóttir veturinn 2009 virkaði. Ríkisstjórn Jóhönnu Sig. sem tók við eftir kosningar þá um vorið virkar ekki. Í hverju liggur munurinn? Jú, starfsstjórnin var lágstemmd í samræmi við aðstæður og gaf sér það meginverkefni að gangverk þjóðfélagsins tikkaði áfram.

Maíkosningarnar 2009 voru afbrigðilegar sökum þess að þjóðin var í taugaáfalli. Engu að síður töldu Jóhanna, Össur og Steingrímur J. að þau hefðu fengið umboð til að bylta íslensku samfélagi með ESB-umsókn, fyrningarleið í sjávarútvegi og fleira í þeim dúr. Vinstraþríeykið mislas þjóðina herfilega og situr uppi með andúð og sílækkandi gengi.

Eftir maíkosningarnar í fyrra vildi þjóðin uppgjör við hrunið og varkára framtíðarsýn. Ríkisstjórn Jóhönnu Sig. stendur sig illa í uppgjörinu og býður upp á helför til Brussel. Það eru stærstu mistök ríkisstjórnarinnar.

Magma heldur Íslendinga hálfvita

Orka í þágu þjóðar er yfirskrift heilsíðuauglýsingar frá Magma sem birtist í báðum dagblöðunum í dag. Magma eignast ekki HS Orku í þágu þjóðarinnar heldur í þágu fjárfesta. Forstjóri og talsmaður Magma, Ross J. Beaty, er sagður rað-braskari í tímaritsviðtali sem þýðir að hann setur upp fyrirtæki á sínu sérsviði og selur þau hæstbjóðenda.

Beaty kann vel við sig á mörkum stjórnmála og viðskipta, þar sem spilltir stjórnmálamenn koma við sögu og græðgisvæddir meðhlauparar. Orkudeild  Íslandsbanka sótti Beaty til Íslands þegar aðrir fjárfestar brugðust. Árni Magnússon fyrrum ráðherra fer fyrir landssöludeild Íslandsbanka en fyrrum félagar Árna eru menn eins og Hannes Smárason í FL-group og Jón Ásgeir Baugsstjóri.

Veðsettur bæjarstjóri er einn hlekkur í Magma-keðjunni. Árni Sigfússon bæjarstjóri Reykjanesbæjar hefur sýnt sig hneigðan til gullgrafarahugsunar og fellur því eins og flís við rass Magma.

Þjálfaður meðhlaupari útrásarauðmanna, Ásgeir Margeirsson, stýrir Magma á Íslandi. Ásgeir var næstráðandi í OR en gekk þaðan í þjónustu útrásarauðmanna í Geysir Green.

Þegar haft er í huga hvað Íslendingar hafa komið við sögu Ross J. Beaty er honum nokkur vorkunn að halda að þjóðin sé hálfvitar.

Evrópa sem hugtak

Evrópa er annað heiti á Evrópusambandinu og miskunnarlaust notað sem samheiti af Brusselvaldinu. Evrópa var lengi landfræðilegt heiti og finnst sem slíkt í íslenskum miðaldahandritum. Á nýöld er umrætt landssvæði tíðum nefnt hinn kristni heimur andspænis veröld múslíma og heiðingja.

Aldir númer 19. og 20. voru tilefni til að skipta Evrópu upp í hluta s.s. Mið -, Vestur-, Austur- Evrópu. Þegar leið á 20. öldina var farið að tala um Norður- og Suður-Evrópu.

Í dag er skiptingin einfaldari. Greiðsluhæf Evrópa og gjaldþrota Evrópa.

 

Veðsettur bæjarstjóri Reykjanesbæjar

Á milli manna suður með sjó gengur veðbókarvottorð einbýlishúss Árna Sigfússonar bæjarstjóra. Á húseigninni hvílir lán með höfuðstól upp á 100 milljónir króna sem er meira en tvöfalt virði eignarinnar. Þeir sem eiga þetta lán eru með hreðjatak á bæjarstjóranum.

Árni Sigfússon braskaði og tapaði og stendur í þeirri trú að það komi engum við nema honum sjálfum.

Bæjarstjórinn virðist ekki átta sig á að það er samhengi á milli fjármálalegrar stöðu stjórnmálamanna og hæfi þeirra til að gegna opinberum trúnaðarstöðum.

Það er þekkt að menn sé blindir á eigin sök. En hvað eru sjálfstæðismenn suður með sjó að hugsa?