Bankar stjórnuðu landinu, glæpamenn bönkunum

Ríkisstjórn Sjálfstæðisflokks og Samfylkingar var ákveðin fyrir kosningarnar 2007, enda ríkisstjórnin uppnefnd Baugsstjórnin. Niðurstaða lýðræðislegra kosninga var aukaatriði.

Útrásarauðmenn stjórnuðu fjölmiðlum og áttu greiða leið inn í stjórnmálaflokkana. Rökstuddur grunur var um þessa tilhögun mála

Skýrsla rannsóknarnefndar alþingis staðfestir að glæpamenn stjórnuðu bönkunum. En það vissu allir.

Breytist Ísland kl. 10:20 í dag?

Skýrsla rannsóknanefndar alþingis verður mörgum tækifæri til að endurnýja kynnin við stemmningu hrunsins hálfu öðru ári eftir. Öðrum verður skýrslan staðfesting á rökstuddum grun. Enn öðrum almælt tíðindi.

Kannski að við lærum eitthvað af þessu.

Fundur hafinn með nefndinni

Blaðamenn vanhæfir að fjalla um hrunskýrslu

Fjölmiðlar eru duglegir að kynda undir eftirvæntingunni eftir skýrslu rannsóknarnefndar alþingis um hrunið. Af hálfu fjölmiðla er viðbúnaður og má gera ráð fyrir að flestir fréttatímar næstu daga verði sneisafullir af fréttum byggðum á hrunskýrslunni.

Ekki verður þess vart að hluti af viðbúnaði fjölmiðla sé að sigta út þá blaðamenn sem vanhæfir eru til að fjalla um efni hrunskýrslunnar. Engar fréttir eru sagðar af ritstjórnum sem hafa farið í gegnum sjálfsmat á eigin frammistöðu á útrásarárunum.

Baugsmiðlar í heild sinni eru vanhæfir að fjalla um efni hrunskýrslunnar. Allt frá innreið Jóns Ásgeirs í fjölmiðla 2001/2002 lágu ritstjórnir á hans framfæri marflatar fyrir útrásaráróðri almennt og baugsblekkingum sérstaklega.

Aðrar starfandi ritstjórnir eru samsekar Baugsmiðlum með því að þær flytja ekki fréttir af frammistöðu Baugsmiðla og með þögninni hafa þessar ritstjórnin brugðist skyldum sínum. Hér koma til sögunnar kunningja- og vinatengsl blaðamanna.

Starfandi ritstjórnir eru löngu fallnar áður en kemur að lokaprófinu í áfanganum; hvernig stóð ég mig í aðdraganda hrunsins.

 

 

Mikil eftirvænting eftir skýrslunni

Ísland yrði í mínus gagnvart ESB

Þýsk þingnefnd sem heimsótti Ísland í síðasta mánuði fagnaði umsókn Íslendinga um aðild að Evrópusambandinu með þeim rökum að sjaldgæft sé að ríki sem mun borga með sér inn í Evrópusambandið.

Ísland mun fá aðgang að styrkjakerfi Evrópusambandsins en við myndum ávallt borga meira en við fengjum þegar reikningsdæmið er gert upp. Aðildarsinnar munu reyna telja fólki trú um að peningar sem koma frá Brussel séu merkilegri en fjármunir sem við sendum út.

Þá gæti það gerst að  lífskjör myndu hrapa svo á Íslandi við inngöngu að við myndum falla niður fyrir evrópskt meðaltal. Þar með yrðum við bónbjargarþjóð, sem er eðlileg afleiðing af pólitík Samfylkingarinnar.

Fundað um stuðning ESB við byggðaþróun

Flatskjárkenningin um hrunið

Hrunskýrslan verður kynnt á morgun og eftir búið verður að tyggja á feitustu bitunum er komið að heildarmyndinni. Ein kenning verður án efa sett á flot fyrr heldur en seinna. Björgólfur eldri kynnti hana til sögunnar í Sjónvarpsviðtali þegar hann reyndi að dreifa ábyrgðinni af hruninu. Björgólfur sagði marga hafa keypt flatskjái þegar krónan var hátt skráð. Af því leiddi samsekt.

Almenningur ber ekki ábyrgð á hruninu. Þrír hópar eru ábyrgir fyrir hruninu. Í fyrsta lagi útrásarauðmennirnir sjálfir og eru þeir aðalhöfundar hrunsins. Í öðru lagi meðhlauparar úr röðum viðskiptafræðinga, lögfræðinga, endurskoðenda, blaðamanna og almannatengla sem lögðu til sérfræðiþekkingu sína til að siðleysi og lögbrot útrásarauðmanna næðu fram að ganga. Í þriðja lagi opinberir aðilar, embættismenn og stjórnmálamenn, sem eru meðsekir sökum beinnar þátttöku í útrásinni og/eða gáleysis í aðdraganda hrunsins þegar vörnum gegn fjármálaöfgum var sópað til hliðar.

 Hrunskýrslan hlýtur að bregða ljósi á hlut þessara hópa. Í framhaldi verða að koma viðurlög, bæði í dómskerfinu, atvinnulífinu og stjórnmálum. 

Umfram allt verður koma í veg fyrir að flatskjárkenningin um hrunið villi sýn á meginatriðin.

 

Stjórnmál og dómsmál

Hrunið varð ekki í dómsal, hvorki hér né erlendis. Hrunið varð vegna þess að íslenskir fjárglæframenn settu banka, lífeyrissjóði og almannahag að veði fyrir útrásinni. Veðmálið tapaðist ekki á heimavelli heldur á vettvangi alþjóðaviðskipta þar sem íslensku bankarnir fengu ekki lán. Svo að notað sé orðalag útrásarmanna; ,,lánalínur lokuðust."

Fíflin sem enn eru undir áhrifum útrásarinnar, til dæmis Steingrímur J., tala um að niðurstaða fáist í dómssal. Eðjót af þessu tagi eru ekki hluti af íslenskum veruleika. Hrunið verður ekki afgreitt með réttarúrræðum

Búsáhaldabyltingin fleytti Steingrími J. og gráhærðu vinkonu hans í stjórabráðið. Vinkonan er komin á aldur og fer bráðum á 95-ára regluna. Steingrímur J. ætlar sér ábyggilega framtíð í íslenskum stjórnmálum.

Jarðfræðingurinn með BA-próf úr Háskóla Íslands ætti að hafa í huga að stjórnmál eru mest stunduð utan dómsstóla.

Terrortaktík Jóns Ásgeirs virkar

Jón Ásgeir Baugsstjóri skrifaði Steingrími J. fjármálaráðherra opinbert bréf þar sem hann biðst undan ávirðingum frá stjórnmálamönnum. Steingrímur J. kiknar í hnjánum og heykist á því að hafa skoðun á málefnum samtímans. Stjórnmálamenn sem ekki hafa skoðun eru einskins nýtir.

Hann hafi verið tiltölulega hófstilltur í viðbrögðum sínum og telji sig ekki þurfa að taka neitt til baka í þeim efnum. „Ég sagði að mig undraði að sjá það sem glitti í, í þessum póstum, en það getur bara hver lesið fyrir sig og best að hver og einn geri það og myndi sér skoðun á því," segir Steingrímur.

Aumingjaháttur Steingríms J. verður aðeins skýrður með því að hann telji að yfirráð Jóns Ásgeirs yfir Baugsmiðlum veiti  siðferðilega sakaruppgjöf á þeim hlut sem Baugsstjórinn átti í hruninu.

Skammastu þín, Steingrímur J.

Bakkar ekki með nein ummæli

Jón Ásgeir telur sig eiga vin í Steingrími J.

Steingrímur J. er fjármálaráðherra og hefur séð um að endurreisa bankakerfið. Tveir endurreistu bankanna, Arion banki og Landsbankinn, moka peningum í tvö fyrirtæki sem Jón Ásgeir Jóhannesson Baugsstjóri á enn, Haga og 365 miðla.

Bréf Jóns Ásgeirs ber það með sér að hann hafi verið meðvitaður um velvild Steingríms J. í sinn garð og að endurreistu bankarnir veiti fyrirtækjum Jóns Ásgeirs áframhaldandi fyrirgreiðslu m.a. fyrir sakir velviljaðs hlutleysis fjármálaráðherra.

Steingrímur J. þarf að útskýra fyrir alþjóð í fyrsta lagi hvaða tengingar eru á milli hans og Jóns Ásgeirs og í öðru lagi hvers vegna Jón Ásgeir nýtur enn fyrirgreiðslu endurreistu bankanna.

Biður Steingrím að gæta orða sinna

Össur án umboðs í ESB-málinu

Aðildarviðræður og aðlögunarferli er sitthvað. Alþingi veitti með samþykkt þingsályktunar 16. júlí 2009 heimild til umsóknar og aðildarviðræðna við Evrópusambandið. Af hálfu ESB eru engar viðræður í boði, aðeins aðlögunarferli að reglum Evrópusambandsins. Framkvæmdastjórnin fylgist ítarlega með hvort umsóknarríki vinni heimavinnuna sína og aðlagist reglum sambandsins.

Hér er útskýrt af hálfu framkvæmdastjórnarinnar hvernig vinnan fer fram

Each autumn the Commission adopts its "enlargement package" - a set of documents explaining its policy on EU-Enlargement. The package includes an annual strategy document offering an updated overview of the Enlargement policy, its objectives and prospects, and an assessment of the progress made over the last twelve months by each of the candidates and potential candidates. In addition, detailed progress reports are published, where the Commission services monitor and assess in detail what each candidate and potential candidate has achieved over the last year and areas where more effort is needed.

Augljóst er að ríkisstjórnin hefur ekki umboð alþingis til að gera breytingar á stjórnsýslu íslenska ríkisins sem Evrópusambandið gerir kröfu um.

Össur Skarphéðinsson utanríkisráðherra er án umboðs í ESB-ferlinu. Þessi staðreynd hefur síast inn í vitund fyrrverandi utanríkisráðherra, Ingibjargar Sólrúnar Gísladóttur, og hún fer fram á að viðræðum við Evrópusambandið verði slegið á frest.

Jóhanna fattar ekki ESB

Jóhanna Sig. heldur að þjóðir semji sig inn í Evrópusambandið. Svo er ekki. Ríki ganga inn í Evrópusambandið og aðlaga sig regluverk þess í aðdraganda inngöngu. Hjá ESB heitir þetta ,,accession process" eða aðlögunarferli.

Hvort sem valkvætt þekkingarleysi eða upprunalegt þjakar Jóhönnu er hún úti að aka þegar hún segir að niðurstöður samningaviðræðna séu forsenda fyrir upplýstri ákvörðun þjóðarinnar gagnvart aðild.

Samfylkingin stendur ein í Evrópuleiðangrinum. Skaðinn sem Ísland verður fyrir vegna aðildarþráhyggju Samfylkingarinnar vex með hverjum deginum.

„Ingibjörg Sólrún of svartsýn“