Dagur B: Samfylkingin ónýtt vörumerki

Oddviti Samfylkingarinnar í Reykjavík, Dagur B. Eggertsson borgarstjóra, er efins að hann bjóði sig fram undir merkjum Samfylkingar.

Samfylkingin, sem ítrekað mælist með minna en tíu prósent fylgi, er ekki líkleg til að rétta úr kútnum þegar oddvitar flokksins veigra sér við að kenna sig við flokksnafnið.

Líkur aukast á því að Samfylkingin verður lögð niður fyrir næsta vetur.

Ísland best fyrir konur á vinnumarkaði

Tímaritið Economist segir hvergi betra í heiminum að vera kona á vinnumarkaði en einmitt á Íslandi.

Á eftir okkur koma önnur Norðurlönd.

Vel gert.

Ódýr matur, ódýrt vinnuafl - ódýrt ASÍ

Alþýðusam band Íslands í félagi við vini sína og samherja í fákeppnisversluninni Bónus/Hagkaup, sem alþjóð veit að stunda hækkun í hafi, berst fyrir innflutningi á ódýrum matvælum.

Forsætisráðherra bendir á að rökleg afleiðing af stefnu ASÍ sé að ódýrt vinnuafl verði flutt til landsins enda engin rök fyrir því að löggjafi og ríkisvald hamli eðlilegri samkeppni á því sviði. Það er til heimsmarkaðsverð á vinnuafli, rétt eins og á matvælum.

Ódýrt erlent vinnuafl myndi vitanlega lækka laun félagsmanna ASÍ. En það væri líka hægt að lækka verðið á matvælum. Eða öllu heldur: fákeppnisverslunin Bónus/Hagkaup gæti grætt svolítið meira.

„Snýst um að verja samvinnu stétta“

Ríki íslams í Bretaveldi - og góða fólkið

Kristin kona, Asia Bibi, situr dauðadæmd í fangelsi í Pakistan vegna ,,guðlasts": hún mun hafa hallmælt spámanninum Múhameð. Pakistanskur stjórnmálamaður, Salman Taseer, tekur upp málstað Asiu Bibi og er fyrir vikið drepinn af lífverði sínum, Mumtaz Qadri, sem réttlætir ódæðið með trúarrökum.

Allt gerist þetta í Pakistan, sem er múslímskt ríki, og ætti að vera innanríkismál Pakistana. Nei, því miður, segir Tom Harris í Telegraph, málið er ekki svo einfalt. Í Bretlandi eru múslímaklerkar sem opinberalega leggja blessun sína á morðingjann Mumtaz Qadri. Múslímaklerkarnir telja að hann hafi unnið guðsþakkarvert starf með morðinu á Taseer, sem hafi leyft sér að efast um réttmæti þess að dæma kristna konu til dauða fyrir guðlast.

Í nafni fjölmenningar eru múslímar búnir að koma sér vel fyrir í Bretlandi. Þeir tileinka sér vestræn lífsgæði en tilbiðja miðaldir í trúmálum. Góða fólkið á vesturlöndum veigrar sér við að kalla þessa tilbeiðslu hatursorðræðu. Þó er skýrt samhengi á milli múslímskra trúarsetninga og morða, samanber dæmið af Salman Taseer.

Að yrða og myrða má ekki nota í sömu orðræðunni um múslíma, segir góða fólkið og finnur til siðferðilegra yfirburða sem veruleikafirringin gefur.

Katrín gefst upp á vinstripólitík - Össur fær rothögg

Vinsælasti stjórnmálamaður vinstriflokkanna, Katrín Jakobsdóttir formaður Vinstri grænna, gefst upp á eymdinni á vinstri væng stjórnmálanna og íhugar forsetaframboð.

Nýlega gaf Katrín það út að hún nennti ekki að sitja uppi með gamlingjaliðið í þingflokki Vinstri grænna. Pólitísku ellismellirnir í þingflokknum ætla að sitja áfram og því er Katrín á förum.

Forsetaframboð Katrínar yrði rothögg á drauma Össurar Skarphéðinssonar að komast á Bessastaði.

Veltir fyrir sér forsetaframboði

Launin hækka utan ESB

Ef Bretar ganga úr Evrópusambandinu munu laun láglaunafólks hækka, sagði talsmaður ESB-sinna í Bretlandi, Stuart Rose.

Andstæðingar ESB aðildar Bretlands gripu orð fyrrum forstjóra stórverslunarinnar Marks og Spenceers á lofti enda fágætt að fá jafn beitt vopn og launhækkun almennings afhent á silfurfati í baráttunni um Bretland.

Orð Rose féllu í umræðu um áhrif þess að Bretar utan ESB ættu hægara með að takmarka straum flóttamanna til landsins. Flóttamenn keppa við láglaunafólk um störf. Aukið framboð vinnuafls lækkar launin.  

Píratar í græða-á-daginn flokkinn

Helgidagafrí launþega skal afnumið í þágu atvinnulífsins sem þarf að græða alla daga. Af öllum flokkum eru það Píratar sem gera launþegum þennan grikk, líklega vegna þess að í píratamenningunni eru flestir á ríkisstyrkjum og geta sofið út alla daga.

Stóra spurningin er hvort píratar grilli á kvöldin, eftir að hafa grætt á daginn.

Vilja bingólögin í burtu

Trump og litli hvíti maðurinn

Litli maðurinn í Bandaríkjunum er hvítur láglaunamaður með stutta skólagöngu. Fram eftir síðustu öld var þorri Bandaríkjamanna á sömu slóðum - utan hvað að lágu launin fóru stighækkandi fram undir 1980.

Hvíti láglaunamaðurinn í Bandaríkjunum var hryggstykkið í iðnaðarvélinni sem gerði Bandaríkin að stórveldi á síðustu öld. Hvíti láglaunamaðurinn fær enga samúð enda ekki minnihlutahópur.

Trump spilar á hvatalíf hvíta láglaunamannsins og lofar Ameríku gærdagsins. Liðnir dagar koma ekki aftur þótt Trump verði forseti. Valdefling litla hvíta mannsins mun láta bíða eftir sér.

„Valdalitlir“ vilja Trump

Evrópa gæti hrunið, heimurinn ekki

Evrópa gæt hrunið undan múslímskum flóttamönnum eða ónýtum gjaldmiðli. Úrsögn Breta úr Evrópusambandinu gæti hrundið atburðarás af stað sem leiddi til upplausnar ESB - sem er svokallað hrun álfunnar.

Evrópa hrund síðast rétt fyrir miðbik síðustu aldar, í seinni heimsstyrjöldinni, og aftur 30 árum áður, þegar fyrri heimsstyrjöldin stóð yfir. Evrópska hrunið á síðustu öld ógnaði heimsfriðnum.

Hrun Evrópu 2016 til 2018 mun ekki ógna alþjóðasamfélaginu, þótt eflaust gæti efnahagskerfið hökt víða um lönd.

Evrópa er ekki lengur miðja heimsins líkt og hún var frá nýöld og fram á þá 20stu. 

Beita farandfólki gegn Evrópu

Bónus gegn bændum

Á fésbók gengur samanburður á verðlagi í Bónus árið 2007 og 2012. Munurinn á innfluttum vörum og hérlendri framleiðslu er sláandi.

Bónus hækkar epli um 284%, kex um 222%, rúsínur um 185%, vínber um 233% og hveiti um 204%. Á sama tíma breytist gengi krónu gagnvart evru um 88% og um 105% gagnvart dollar.

Dæmi um hækkun á innlendri framleiðslu á sama tíma: íslenskir tómatar hækkuðu um 57%, egg um 84%, mjólk um 60%, rjómi um 72% og súrmjólk um 61%.

Þetta kallast ,,hækkun í hafi" og eru ekki góðir viðskiptahættir. Svo vægt sé til orða tekið.