Varanleg kreppa í Evrópu

Björgunarsjóður Evrópusambandsins fyrir jaðarríki í neyð var settur upp sem skyndihjálp fyrir Grikki og Íra. Í vikunni var ákveðið að sjóðurinn yrði varanlegur sem þýðir að Brussel metur stöðuna þannig að evrusvæðið verði í varanlegu kreppuástandi næstu árin.

Tom Stevenson frjárfestingarstjóri hjá Fidelity býst við að lítill hagvöxtur og háar skuldir munu einkenna efnahag jaðarríkja evrusvæðisins. Óhjákvæmilegar afskriftir eru ekki framkvæmdar strax þar sem kerfisáhætta sé of mikil. Jaðarríkin Grikkland, Írland, Portúgal, Spánn og jafnvel Ítalía sitja í efnahagslegu svartholi vegna þess að lögeyrir þeirra, evran, er alltof hátt skráð.

Þjóðverjar njóta evrunnar enda lækkuðu þeir framleiðslukostnað sinn jafnt og þétt allan áratuginn. Ef að líkum lætur mun það taka jaðarríkin áratug eða meira að jafna metin við Þjóðverja. Og nærri má geta hvort þeir þýsku sitji með hendur í skauti ef samkeppnishæfni þeirra sé ógnað.

Efnahagskreppan í Evrópu mun fyrr heldur en seinna leiða til pólitískrar kreppu þar sem jaðarríkin gera uppreisn gegn því að vera dæmd í efnahagslegt svarthol.

Ég er ekki frekja/lygari en aðrir bulla, segir Jóhanna

Jóhanna Sigurðardóttir forsætisráðherra hefur á þrem dögum þurft að verjast ásökunum þriggja þingmanna Vinstri grænna um að vera frekja og orðum Guðlaugs Þórs Þórðarsonar þingmanns að skort hafi upp á sannleikann í svörum ráðherra.

Jóhanna segir þingmenn Vinstri grænna bulla um foringjaræði og grípur til þess ráðs að bera starfsmenn stjórnarráðsins fyrir sig sem mannlegan skjöld vegna gagnrýni Guðlaugs Þórs - er vísar kratískrar spillingaráráttu.

Örvæntingin í svörum forsætisráðherra endurspegla stöðu ríkisstjórnarinnar. Jóhanna er næm á veðrabrigði í pólitík og veit að stormur er í aðsigi. 

Vísar ásökunum þingmanns á bug

Samfylking staðfestur spillingarflokkur

Aðeins einn af hverjum tíu treystir Samfylkingunni til að rannsaka aðdraganda hrunsins. Tvöfalt fleiri treysta Sjálfstæðisflokknum til þess arna. Fyrir utan fylgishrun stjórnarflokkanna í könnun sem birtist í Fréttablaðinu í dag er spillingarstimpillinn festur á Samfylkinguna og úrræðaleysið á Vinstri græna sem sést á því að það er í fáum málaflokknum sem flokkurinn nýtur tiltrúar.

Ótrúlegt fylgi Sjálfstæðisflokksins, um 40 prósent, sýnir annars vegar að fremur einföld skilaboð um skattalækkun virðast vera að gera sig og hins vegar nýtur flokkurinn óvinsælda vinstriflokkanna. Líkur eru á að meiri þungi verði í kröfu Sjálfstæðisflokksins um nýjar kosningar.

Vinstriflokkarnir tapa á öllum vígstöðvum. Sundurtætt ríkisstjórn Jóhönnu Sig. mætir æ meiri mótstöðu í þjófélaginu og það mun hvetja uppreisnarfólk í Vinstri grænum til dáða.

 

Merkel yfirtaki Brussel; þýsk Evrópa

Spiegel er helsta fréttarit Þýskalands. Blaðamaðurinn Dirk Kurbjuweit birtir þar opnuritgerð sem hefst á þeim orðum að Angela Merkel kanslari Þýskalands eigi a segja af þér, þó ekki strax, heldur eftir hálft annað ár til að taka við að van Rompuy sem forseti leiðtogaráðs Evrópusambandsins.

Meginstef ritgerðarinnar er að Þýskaland eigi ekki annan kost en að binda trúss sitt við Evrópusambandið til að þýsk rödd megi heyrast um heimsbyggðina. Þýskaland geti ekki upp á eigin spýtur gert sig gildandi á alþjóðavísu. Evrunni verður að bjarga með sameiginlegum fjárlögum og hernaðarmáttur að eflast enda efnahagslegur máttur einn og sér ekki nægur fyrir stórveldi.

Spurning hvað nágrönnum Þjóðverja finnst framtíðarsýnina.

Berserkur vill byssuleyfi

Mannasiðir standa höllum fæti í samfélaginu en hverskyns vaðall um mannréttindi er á hraðbergi hjá þeim sem síst skyldi. Maður sem gekk berserksgang á opinberum vettvangi og braut og bramlaði almannaeigur fær ekki endurnýjað byssuleyfi og telur hann freklega á sér brotið, samkvæmt Fréttablaðinu.

Maðurinn telur fullkomlega eðlilegt að samfélagið veiti honum leyfi til að bera byssu, líklega til að þurfa ekki að erfiða jafn mikið næst þegar hann tekur kast. Það er auðveldara að taka í gikkinn en leggja það á sig að brjóta rúður með handafli.

Umburðalyndi síðustu áratuga hefur alið af sér sérkennilegan hugsunarhátt sem birtist í því að fólk gerir endalaust kröfur til alls og allra nema sjálfs sín. Rétt er að taka fram að byssumaðurinn heitir ekki Jón Ásgeir.

 

BBC: hvalveiðibann aðlögun að ESB

Hollenska þingið samþykkti í vikunni að forsenda fyrir inngöngu Íslands í Evrópusambandið væri hvalveiðibann. Þýsk þingmannanefndi tónaði sömu afstöðu þegar hún heimsótti Ísland í vor. Þá sagði BBC síðsumars að hluti af aðlögun Íslands að Evrópusambandinu væri að banna hvalveiðar.

Officials in Brussels have warned the northern nation that if it wants to join the European Union it must give up whaling.

Hér er frétt BBC.

Grænir í Vg, hvalir og erindrekstur ESB

Árni Finnsson og fleiri grænir í Vinstri grænum telja hvalavernd mikilvægari en fullveldið. Árni fór í bandaríska sendiráðið á sínum tíma og hvatti til diplómatísks samblásturs gegn íslenskum stjórnvöldum vegna hvalveiða. Hollendingar krefjast þess að Íslendingar hætti hvalveiðum áður en við göngum í Evrópusambandið.

Ástæðan fyrir því að Hollendingar telja sig geta sett Íslandi stólinn fyrir dyrnar er að lítill öfgahópur í Vg tók höndum saman við Samfylkinguna um að senda umsókn um aðild Íslands að Evrópusambandinu.

Sértrúarhópar eru sniðug sirkusatriði í almennri umræðu en eiga ekki heima nærri stjórnarráðinu.

Skilyrði að Íslendingar hætti hvalveiðum

Össur dýpkar holuna

Össuri Skarphéðinssyni má alltaf treysta til að gera illt verra, hann er þannig stjórnmálamaður. Með því að setja fram tvö skilyrði fyrir því að þingmenn teljist til stjórnarmeirihlutans, verja stjórnina vantrausti og samþykkja fjárlagafrumvarp, er Össur nánast að útiloka að þrír þingmenn Vg komi aftur til liðs við ríkisstjórnina.

Össur setur allan þingflokk Vinstri grænna í óþolandi stöðu með því að draga dár að þeim þingmönnum Vg sem greiddu atkvæði gegn yfirlýstir stefnu flokksins og eigin sannfæringu 16. júlí 2009 um að Ísland skyldi sækja um aðild að Evrópusambandinu. Jóhanna, Össur og Steingrímur J. hömuðust á þingmönnum Vg að svíkja kjósendur sína og sannfæringu því annars væri úti um stjórnarsamstarfið.

Hálfu öðru ári eftir svikin 16. júlí 2009 kemur Össur og segir að það hafi aðeins verið blaður að stjórnarslit vofðu yfir. Aðeins vantrausttillaga og fjárlög setji raunverulegan mælikvarða á stöðu stjórnarþingmanna.

 

Þurfa að uppfylla tvö skilyrði

Mölbrotin ríkisstjórn og Framsókn

Formaður þingflokks Samfylkingarinnar, Þórunn Sveinbjarnardóttir, segir ríkisstjórnina aðeins hafa 32 þingmenn á bakvið sig eftir hjásetu þriggja þingmanna Vinstri grænna við afgreiðslu fjárlagafrumvarpsins. Þórunn oftelur stuðning við ríkisstjórnina í þingliði Vg. Auk Atla, Lilju og Ásmundar Daða eru Guðfríður Lilja, Jón Bjarnason og Ögmundur ekki ánægð með framferði formannsins sem lítur á sig sem upphaf og endi Vg.

Hugmyndir um að Framsóknarflokkurinn gangi til liðs við ríkisstjórnina skjóta upp kollinum vegna þess að í reynd er stjórnin í minnihluta á þingi. Ólíklegt er að Framsóknarflokkurinn gangi til liðs við ríkisstjórnina þar sem hallærisbragurinn myndi síst minnka og óvinsældir ríkisstjórnarinnar klessast við Framsóknarflokkinn.

Líkur á kosningum í vor hafa snaraukist.

 

„Innan múra valdsins“

Háskóli Íslands auglýsingastofa ESB

Háskólar eru vígi gagnrýninnar hugsunar og fræða. Með þátttöku í fegrunaraðgerðum Evrópusambandsins hér á landi er Háskólinn orðinn að auglýsingastofu. Háskóli sem þiggur ríkisfé til framfærslu er þar með búinn að fyrirgera rétti sínum til framlaga frá almenningi.

Háskóli Íslands var stofnaður sem þjóðarháskóli. Þegar skólinn er orðinn að áróðursverkfæri Evrópusambandsins sem ásamt Samfylkingunni vill innlima Ísland í ríkjabandalagið er hann hættur að þjóna tilgangi sínum.

Hvers vegna ætti að nota almannafé til að niðurgreiða auglýsingastofu?

HÍ gerir tilboð í ESB-kynningu