Þjóðverjar vilja Pútín með gegn múslímum

Þjóðverjar vilja friðmælast við Rússa og ná bandalagi við þá gegn upplausninni í ríkjum múslíma, sem bæði veldur flóttamannastraumi til Evrópu og hryðjuverkum í evrópskum borgum.

Leiðtogi kristilegra demókrata í Bæjaralandi, Horst Seehofer, mun á nýju ári fara í tvær heimsóknir til Pútíns forseta Rússlands. Af því tilefni segist Seehofer efins um refsiaðgerðir Evrópusambandsins gegn Rússlandi.

ESB setti viðskiptabann á Rússland vegna deilna um forræðið yfir Úkraínu, sem er land í upplausn á mörkum áhrifasvæða ESB og Rússa í Austur-Evrópu. Þótt milljónir flóttamanna streymi frá Úkraínu vegna átakanna þar, flestir fara til Rússlands, er ekki sama uppnámið vegna þeirra og múslímsku flóttamannanna er sækja til Evrópu. Ríki Evrópu eru vön fólksflæði sín á milli - múslímar eru ekki hluti þeirrar sögu.

Seehofer segir nauðsynlegt að eiga Rússa sem bandamenn í glímunni við ófrið hér og hvar í heiminum. Pútín gerði Rússa að áhrifavaldi í mið-austurlöndum með sterkri viðveru í Sýrlandi.

Heimsóknir Seehofer til Rússlands og efasemdir um viðskiptabann ESB á Rússa sýna að Úkraínudeilan er orðin að aukaatriði. Baráttan við öfgar múslíma er aðalmálið í alþjóðastjórnmálum um þessar mundir.

Pútín sparar ekki stóru orðin

Árni Páll stekkur á RÚV-vælubílinn

RÚV er of stór stofnun með fréttastofu sem heldur ekki faglegu máli. RÚV svarar gagnrýni með málssókn.

RÚV lítur svo á að stofnunin sé með áskrift að ríkisframlagi. Ef stofnunin fær ekki sínu framgengt er skrattinn málaður á vegginn og talað um pólitískar ofsóknir.

Auðvitað stekkur formaður Samfylkingar upp í RÚV-vælubílinn.

„Allt árásir og pólitískar aðfarir“

Allsherjabrot kalla á víðtækar rannsóknir

Í aðdraganda hrunsins voru framin margvísleg efnahagsbrot, fyrst og fremst af fjármálafyrirtækjum en líka stórfyrirtækjum með margslunginn rekstur.

Við þær aðstæður verður ríkisvaldið að fá víðtækar heimildir til rannsókna og taka fremur meira fyrir en minna.

Í öllum meginatriðum eru rannsóknir mála og dómsúrlausnir í samræmi við efnahagsbrotin sem framin voru.  

 

Gagnrýndi „veiðiferðir“ ríkisins

Hagfræðitilraun lýkur - ESB í kreppugír

Hækkun stýrivaxta í Bandaríkjunum markar endalok hagfræðitilraunar - að koma hjólum efnahagslífsins í gang með núllvöxtum og peningaprentun. Tilraunin ól af sér stóraukna misskiptingu tekna enda þeir ríku í betri aðstöðu til að nýta sér ókeypis peninga en launafólk.

Tilraunin með núllvexti og peningaprentun var hleypt af stokkunum í kjölfar fjármálakreppunnar 2008. Markmiðið var að koma í veg fyrir að bankakreppan leiddi til kreppu í raunhagkerfinu með því að fyrirtæki fengju ekki lán.

Enginn veit hvaða afleiðingar vaxtahækkun felur í sér. Sjö ár með núllvexti er langur tími. Þýska útgáfan Die Welt segir að þriðjungur þeirra sem starfi í Wall Street, fjármálahverfi Bandaríkjanna, þekki vaxtahækkanir aðeins úr kennslubókum.

Hitt er vitað að vextir í hagkerfi evrunnar verða í núlli fram til 2017. ESB er enn í kreppugír með hátt atvinnuleysi og lítinn hagvöxt.

Fyrir Íslendinga þýðir þetta að dollarinn mun hækka en evran lækka.

Stýrivextir hækka vestanahafs

Orð, morð og múslímar

Múslímar myrtu saklausa í nafni trúar löngu áður en Donald Trump hóf pólitískan feril sinn. Vandi múslíma er ekki orð manna eins og Trump heldur vangeta múslíma að endurtúlka trú sína í samræmi við lýðræði og mannréttindi veraldlegs samtíma.

,,Trú sem ekki breytist er ekki trú heldur fordómar," skrifar Hassan Radwan í Guardian og harmar miðaldamenningu múslíma. Morð múslíma á saklausum eru réttlætt með trú sem er blóðþyrst enda er höfundur trúarinnar, Múhameð spámaður, hermaður í arabísku borgarastríði.

Trúarmenning múslíma er bókstafstrú. Múslímar verða sjálfir að brjóta af sér hlekki miðalda. Bann við að þeir komi til Ameríku myndi ábyggilega flýta fyrir þeirri þróun. Hver vill ekki komast til Ameríku?

Malala svarar Donald Trump

Stjórnarandstaðan vill völd án umboðs eða ábyrgðar

Meirihluti alþingis á hverjum tíma ber ábyrgð á landsstjórninni. Stjórnarmeirihlutinn stendur þjóðinni reikningsskil í kosningum enda fékk hann meirihlutaumboð frá kjósendum.

Stjórnarandstaðan er með það hlutverk að veita meirihlutanum aðhald og setja fram pólitíska valkosti við ríkjandi stjórnarstefnu.

Sitjandi minnihluti vinstriflokka og Pírata vill grípa fram yfir hendur stjórnarmeirihlutans og stjórna landinu í krafti hótana um málþóf. Slík stjórn er án umboðs og algerlega ábyrgðalaus og gerræðisleg eftir því.

Ríkisstjórn Sigmundar Davíðs verður að standa fast í ístaðinu og láta ekki gerræði minnihlutans ráða ferðinni.

„Menn eru í algjörri sjálfheldu“

RÚV er síðasta flokksútgáfan

RÚV er eftirlegukind frá þeim tíma þegar stjórnmálaflokkar stjórnuðu öllum fjölmiðlum landsins. Fréttastofa RÚV er enn rekin eins og flokksútgáfa vinstriflokkanna.

RÚV lærir ekki að fóta sig í gerbreyttu fjölmiðlandslagi og verður að mæta afleiðingunum.

Engin ástæða er til að liðka fyrir RÚV þegar stofnunin stendur sig jafn illa og raun ber vitni.

RÚV-frumvarp fast í ríkisstjórn

Björk leiði kosningabandalag Pírata og vinstriflokka

Píratar eru lykillinn að mögulegri vinstristjórn, segir Samfylkingar-Kjarninn í pólitískri fréttatilkynningu. Birgitta Jónsdóttir yrði á hinn bóginn kosningafæla og gæti ekki verið oddviti í slíku bandalagi.

Katrín Jakobsdóttir formaður Vinstri grænna er með það gegn sér að hún er hluti flokkanna sem þjóðin hafnaði í síðustu kosningum og ekki tekið í sátt síðan.

Björk Guðmundsdóttir gefur til kynna að hún sé tilkippileg í pólitík og gæti orðið utanþingssamnefnari Pírata og vinstriflokka. Birgitta er einlægur aðdáandi Bjarkar og það er alltaf byrjun.

„Gunnar Bragi frussaði í vandlætingu“

Stóra múslímastríðið - fyrsti þáttur, bandalög

Múslímar skiptast í tvær meginútgáfur: súnnítar og shítar. Sádi-Arabar líta á sig sem höfuðpostula súnna en Íran er aðalvígi shíta. Bandalag Sáda við Tyrki og fleiri þjóðir er ekki gegn hryðjuverkum Ríkis íslam, þeir eru líka súnnar, heldur gegn Íran.

Hryðjuverkahóparnir, sem dreifa úr sér í Sýrlandi og Írak, eru aðeins yfirskin hernaðaruppbyggingar fyrir stóra múslímastríðið sem mun setja mark sitt á mið-austurlönd um fyrirsjáanlega framtíð.

Herfræðingurinn Edward Luttwak þakkar það George W. Bush forseta Bandaríkjanna að hrinda úr vör stríði súnna og shíta, sem ,,mun vara í þúsund ár. Algjör snilld." Bush hóf Íraksstríðið árið 2003. Síðan er viðvarandi stríðsástand í heimshlutanum.

Líkt og í 30-ára stríðinu sem lagði Evrópu í rúst á 17. öld, einkum Þýskaland, eru trúarbrögð átakalínur yfirborðsins. Undirliggjandi er áskorun olíuríkjanna að eina náttúrulega auðlind þeirra verður æ verðminni. Loftslagsráðstefnan í París skrifaði dauðadóm jarðefnaeldsneytis.

Arabaríkin sem lifa á olíu verða umbyltingu að bráð. Stríð, eins og dæmin sanna, flýta fyrir umbyltingu. Þrjátíu ára stríðið í Evrópu bjó í haginn fyrir þjóðríkjaskipulagið og iðnbyltinga. Þegar rykið sest á vígvellina í mið-austurlöndum í stóra múslímastríðinu eru við öll dauð sem spáum í úrslitin á öðrum áratug 21stu aldar.

 

Hernaðarbandalag 34 landa

Nóttin geymir stjórnarandstöðuna best

Vel fer á því að málþóf stjórnarandstöðunnar standi yfir að næturlagi. Stjórnarandstaðan talar út í tómið, án stefnu eða málefna. Austurvöllur er tómur enda nenna aðgerðasinnar ekki lengur að púkka upp á hryggðarmyndina sem er minnihlutinn á alþingi.

Stjórnarandstaðan veit upp á sig skömmina. Í vöku leggur hún til að utanþingsstjórn bjargi stjórnarandstöðunni frá því að axla ábyrgð.

Stjórnarandstaðan á alþingi Íslendinga kjörtímabilið 2013-2107 er sú lánlausasta í sögunni.

Fundað til þrjú í nótt