Blaðamennska, prinsippin og RÚV

Uppsögn fréttamanns á RÚV er ekki einkamál yfirmanna stofnunarinnar. Fréttamaður á RÚV er í þjónustu almennings við að segja fréttir af atburðum líðandi stundar. Þegar fréttamanni er sagt upp án þess að skýring fylgi vakna grunsemdir um að ekki sé allt með felldu.

Yfirmenn á RÚV verða að standa klárir á að þeir eiga að starfa í þágu almannahagsmuna. Einmitt vegna þeirra hagsmuna er ekki hægt að reka fréttamann án skýringa.

Samfylkingin fær 155 m.kr. í ESB-áróður

Samfylkingin er eini flokkurinn á Íslandi sem vill í Evrópusambandið. Framtíð flokksins ræðst af framvindu umsóknarinnar og aðlögunar Íslands að Evrópusambandinu. Tvær skrifstofur með fjórum til fimm starfsmönnum og 155 milljónir króna í rekstrarfé er meðgjöf Evrópusambandsins til Samfylkingarinnar.

Samfylkingin og Evrópusambandið ætla í sameiningu að brjóta gildandi lög í landinu sem banna fjárhagslegan stuðning erlendra aðila við íslenska stjórnmálaflokka og útgáfu erlendra sendiráða.

Vísvitandi blekkingar af hálfu Evrópusambandsins og mútuþægni Samfylkingarinnar eru vörður á feigðarförinni til Brussel sem verður að stöðva.

ESB kortleggur Ísland

ESB blekkir vísvitandi

Skýrsla Evrópusambandsins um aðlögunarviðræður við Íslands geymir þessa málsgrein þar sem metin er staða ríkisstjórnarinnar.

There are diverging views on the prospect of EU accession among the Icelandic political forces and population. A number of opposition parties as well as some members of the coalition oppose EU accession. Opinion polls show a mixed picture as regards EU membership. While membership as such remains a contested issue, support for the accession process has increased at the end of the reporting period with a majority in favour of conducting accession negotiations. 

Skýrsluhöfundar þykjast ekki vita að formaður annars stjórnarflokksins hafi beinlínis neitað því að ríkisstjórnin standi að umsókninni. Alvarlegast er þó að í einni og sömu setningunni, þeirri síðustu, nota höfundar tvö heiti yfir sama ferlið, fyrst aðlögun (accession process) og svo viðræður (accession negotitations). Þannig fá skýrsluhöfundar það út að fylgi sem mælist við viðræður sé fylgi við aðlögun. Aðlögun og viðræður eru á hinn bóginn sitthvað.

Evrópusambandið hefur sjálft varað við því að orðið viðræður (negotiation) sé villandi, samanber eftirfarandi

First, it is important to underline that the term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 90,000 pages of them.

Vísvitandi blekkingar Evrópusambandsins á pólitískri stöðu mála hér á landi staðfesta laumuspilið og undirferlið sem einkenna innlimunarferlið. Ætlunin er að láta Íslendinga standa frammi fyrir orðnum hlut þegar aðlögunarferlinu lýkur - ráðgefandi þjóðaratkvæðagreiðsla verður upp punt.

ESB-væðing stjórnlagaþings

Skýrsla framkvæmdastjórnar Evrópusambandsins um aðlögunarferli Íslands að ESB fjallar sérstaklega um stjórnlagaþingið og segir það undirbúa breytingar á fullveldisframsali til yfirþjóðlegra stofnana. Orðrétt segir

Legislation to elect an advisory constitutional assembly was adopted in June. The task of the assembly is to prepare a proposal to parliament for a new constitution. Among the issues to be addressed is delegation of powers by the State to international organisations

 

Framkvæmdastjórnin tekur fram að skýrslan er unnin í samráði við íslensk stjórnvöld. Sú spurning vaknar hvaða frambjóðendur til stjórnlagaþings hafa tekið að sér að koma fram vilyrðum íslenskra stjórnvalda um breytingar á fullveldinu. 

ESB: hvalveiðar eru umhverfismál og á að banna

Í skýrslu Evrópusambandsins um aðildarviðræður við Ísland eru hvalveiðar flokkaðar sem umhverfismál og þess krafist er að hvalveiðar verði bannaðar við Ísland. Í skýrslunni krefst ESB þess að Ísland hleypi fjárfestum frá hinum 27 ríkjum sambandsins í íslensk útgerðafyrirtæki.

ESB fer einnig fram á að ný 30-40 manna ríkisstofnun verði sett á laggirnar til að sjá um greiðslumiðlun til bænda, en tveir starfsmenn sjá um þessi mál í dag.

Þá segir í skýrslunni að verið sé að gera lista yfir alþjóðasamninga sem Ísland hefur gert og verður að segja upp enda ætlar Evrópusambandið að sjá um utanríkimál fyrir Ísland í framtíðinni - líkt og Danir gerðu fyrir okkur í eina tíð.

Aðildarferlið gengið vel

Rýnivinna Össurar og störfin á landsbyggðinni

Össur Skarphéðinsson utanríkisráðherra heldur til streitu umsókn Íslands um aðild að Evrópusambandinu og kostar til þess milljörðum króna. Á sama tíma lokar ríkisvaldið sjúkrarými á landsbyggðinni og segir fólki upp störfum.

Rýnivinna Össurar næstu vikur og mánuði felur í sér að flugvélafarmar af íslenskum embættismönnum eru sendir á kostnað skattgreiðenda til Brussel þar sem þeir bera saman bækur sínar við félaga í elítunni.

Samfylkingin er enn í útrás; fjölgar störfum í útlöndum en fækkar þeim á landsbyggðinni.

634 gætu misst störf sín

Siðlausir ráðgjafar

Capacent býður ,,þekkingu til að bæta árangur viðskiptavina á öllum sviðum og skapa þeim með því áþreifanleg verðmæti," segir á heimasíðu ráðgjafafyrirtækisins. Capacent státar af reynslubanka, segir ennfremur. Ekkert er minnst á nýlega reynslu fyrirtækisins að stofna til skulda sem aðrir eru látnir borga.

Kennitöluflakk Capacent er skýrt dæmi um siðlausan fyrirtækjakúltúr sem þreifst á útrásartímum. Þegar fíflska í fjárfestingum eða bruðl leiddi stefndi rekstri í gjaldþrot voru verðmætin hirt en skuldirnar skildar eftir.

Er ríkisvaldið ekki örugglega búið að setja kennitöluflakkarann í viðskiptabann? 

Þrotabú vill rifta sölu á Capacent

Stjórnmálin breyta Gnarr, ekki öfugt

Íslensk stjórnmál mættu gjarnan breytast til hins betra, verða málefnalegri og hreinskiptnari. En þau munu ekki breytast þótt Jón Gnarr borgarstjóri óski sér það. Í Kastljósviðtali kvöldsins var borgarstjórninn hnarreistur og skoraði kerfið á hólm.
Jón Gnarr er velmeiandi og kann sitt fag sem er uppistand og skemmtilegheit. En hann mun ekki breyta stjórnmálum heldur þau honum.
Stjórnmál urðu ekki eins og þau eru vegna þess að einverjum datt það í hug. Og þau munu ekki breytast fyrir tilverknað eins manns, jafnvel þótt hann sé fyndinn.

Geimvera í íslenskum stjórnmálum

ESB er verkefni elítunnar

Í Brussel hittast embættismenn og stjórnmálamenn frá 27 ríkjum í skjóli frá almenningi og fjölmiðlum viðkomandi þjóða. Elítan í Evrópu stjórnar í nafni altækrar hugmyndar um friði og velsæld í álfunni. Eitt vantar elítuna og það er sjálfa Evrópuþjóðina. 

Í stað Evrópuþjóðar kemur hugmyndin um Evrópu. Altæk hugmyndafræði þarfnast ekki fólks af holdi og blóði og þar liggur meinsemdin. Evrópusambandið mun aldrei geta orðið annað en skel utanum hugmynd. 

Hversdagstilveran verður stjórnsýslunni í Brussel ávallt framandi. Norman Tebbit, fyrrum formaður breska Íhaldsflokksins og ráðherra, var Evrópusinni á sínum yngri árum enda var hann hluti af elítunni. Þegar það rann upp fyrir Tebbit að vélræn stjórnsýsla Brussel gæti ekki gagnast hversdagslegu fólki varð hann fráhverfur Evrópusambandinu.

Þingmenn Samfylkingar eiga þá ósk heitasta að komast í kjötkatla elítunnar í Brussel. Þjóðin þvælist bara fyrir þegar þingmenn Samfylkingarinnar leggja á ráðin um framtíð sína.

Sekt og sýkna útrásarauðmanna

Í réttarríki tekur dómskerfið sinn tíma til að dæma í málum. Sakborningar njóta ítrustu réttarverndar enda almennt litið svo á að betra sé að níu sekir gangi lausir fremur en að einn saklaus fái dóm. Í þessu skjóli standa útrásarauðmenn og verjendur þeirra.

Almenningur veit á hinn bóginn, burtséð frá öllum dómsmálum, að útrásarauðmenn eru sekari en syndin. Afbrot útrásarauðmanna eru stórfelld fjármálaspilling þar sem lögum og reglum var ýtt til hliðar til að fáeinir mættu raka til sín ólögmætum ofsagróða á kostnað almennings.

Almenn samstaða er í þjóðfélaginu að útrásarauðmönnum skuli úthýst frá endurreisninni og sú samstaða verður auðmönnunum á endanum dýrkeyptari en dómsniðurstöður réttarkerfisins.

Vísar túlkun Glitnis á bug