Múslímskar miðaldir gegn vestrænum lífsháttum

Múslímsk trú stendur nær miðöldum en nútíma, skrifar fyrrum sendiherra Pakistans í Bandaríkjunum. Þegar múslímar tapa orustu hefja þeir neðanjarðarstríð.

Jónas Kristjánsson dregur saman helstu áfanga á vegferð múslíma frá Arabíuskaga til Evrópu.

Sérfræðingur í baráttuaðferðum herskárra múslíma segir í viðtali við FAZ að markmiðið sé að sá fræjum sundrungar og óeiningar í samfélögum þar sem múslímar fá fótfestu. Ríkisvaldið á að standa fyrir lögregluofbeldi en ekki menntun og heilsugæslu.

Frakkland er skotmark, segir Asiem El Difraoui, vegna þess að franskir múslímar eru nógu margir og nógu afskiptir til geta ógnað Frakklandi.

Stöndum saman með Frökkum

8,2% Árni Páll: ekki benda á mig, ekki heldur stefnuna

Samfylkingin mælist með 8,2 prósent fylgi. Árni Páll Árnason, er fékk formannskosningu út á eitt atkvæði, segir ástæðu fylgisleysis ekki vera forystan og ekki heldur sé það stefnan.

,,Við þurfum að tala flokkinn upp," segir Árni Páll um þann stjórnmálaflokk sem sérhæfir sig í óánægju og hvers helsta framlag til stjórnmála er hugmyndafræðin um ,,ónýta Ísland."

Til að tala Samfylkinguna upp þarf að finna fólk í flokknum sem ekki er biturt, svekkt, reitt eða svartsýnt. Og það fólk er af skornum skammti í Samfylkingu.

Tala þarf Samfylkinguna upp

Agli Helga finnst 130 dauðir lítilræði

Álitsgjafi vinstrimanna, Egill Helgason, segir fáa deyja af hryðjuverkum og lítil ástæða sé að óttast herskáa múslíma. Egill skrifar

En mannfallið af völdum hryðjuverka á Vesturlöndum er ekki mikið – ekki ef miðað er við aðra hluti sem kosta okkur mennina lífið.

Við deyjum vitanlega öll fyrr en seinna. Og er þá ekki allt í lagi að leyfa múslímskum morðingjum að stytta okkur biðina? Svona fyrst þeir njóta þess.

Áttu í samskiptum við Ríki íslams

Flóttamenn, hryðjuverk og heimska

Einn eða fleiri hryðjuverkmannanna í París kom nýverið sem flóttamður frá Sýrlandi, segir í Telegraph. Sama heimild upplýsir nafn eins morðingjans. Hann er múslímskur Frakki. Líkt og sálufélagi hans í Danmörku, sem myrti í nafni spámannsins, var sá franski smáglæpamaður í leit að tilgangi.

Múslímatrú veitir aðgengi að paradís ef maður drepur vantrúaða. Þetta stef er kyrjað í moskum víða um hinn vestræna heim undir merkjum trúfrelsis. Annað slagið munu illa gerðir einstaklingar falla fyrir trúarkreddunni og ná sér í paradísarvist.

Lærdómurinn sem við eigum að draga af múslímskum hryðjuverkum undanfarin hálfan annan áratug er eftirfarandi: múslímatrú er viðsjál. Við eigum ekki að búa til múslímska menningarkima á Íslandi. Það felur í sér að við tökum aðeins á móti þeim fjölda flóttamanna sem við treystum okkur til að aðlaga íslensku samfélagi. Sá fjöldi er mældur í fáeinum tugum. Annað væri heimska.

 

Taka ætti vel á móti flóttafólki

Múslímaárásir afhjúpa nekt Evrópumannsins

Fyrirmyndarfjölskylda embættismanna í Brussel er franskur maður kvæntur þýskri konu með þrjú þrítyngd börn og heimili í Hollandi. Evrópumaðurinn, samkvæmt Brussel-uppskriftinni, er ekki til nema í örlitlum mæli. Fjölskyldur í Evrópu eru flestar þjóðlegar.

Evrópusambandið boðar eitthvað sem heitir ,,evrópsk gildi" og jafnvel skilyrðir styrkveitingar til vísinda og lista að styrkþegar sýni fram slík gildi í verkum sínum. Á hinn bóginn eru ,,evrópsk gildi" fjarska yfirborðskennd, svo ekki sé meira sagt.

Tökum kristna trú sem dæmi. Evrópa var nær öll kristnuð árið 1000, en bæði Íslendigar í vestri og Ungverjar í austri miða kristnitökuna við það ár. Á þessum þúsund árum fór þannig fyrir kristni að hún klofnaði á 16. öld, með siðaskiptunum, og blóð flaut um alla álfuna í hálfa aðra öld vegna kristinna trúardeilna. Eftir frönsku byltinguna, fyrir 200 árum, var kristni skipulega úthýst af opinberum vettvangi og gerð að einkamáli hvers og eins. Máttugasta hugmyndafræði Evrópu á 20stu öld, marxismi, hataðist við kristni og trúarbrögð almennt.

Íbúar Evrópu eiga ekki sameiginleg gildi vegna þess að þeir eiga ekki sameiginlega tungu. Það er tungumálið sem varðveitir og fóstrar þjóðargildi. Evrópa á engan sameiginlegan almenning. ,,Höfuðborgin", Brussel, er í tilbúnu landi frá 1830 þar sem varanleg stjórnarkreppa ríkir enda tvær þjóðir fyrir á fleti, Vallónar og Flæmingjar.

Þegar múslímar gera árás á höfuðborg annars stærsta ríkis Evrópu rís upp alþjóðleg bylgja samúðar. Nágrannaríki bjóða fram aðstoð sína við að hafa uppi á árásarmönnunum.  Af þessu skyldi ætla að áherslan yrði á sam-evrópskar aðgerðir gegn hryðjuverkum. En því er ekki að heilsa. Hvers vegna er ekki uppi hávær krafa um að ,,Evrópa" berjist gegn múslímskum hryðjuverkum?

Það er vegna þess að kerfin sem ,,Evrópa", þ.e. ESB, býr til eru misheppnuð. Gjaldmiðill ESB, evran, leggur efnahagskerfi þjóða í rúst. Schengen-kerfið, sameiginleg landamæri Evrópu, er gatasigti. Einn eða fleiri árásarmanna í París á föstudag komu til Frakklands í gegnum Grikkland, líklega sem flóttamenn.

Greining Maríu Le Pen, leiðtoga Þjóðarfylkingarinnar, að forsenda þjóðaröryggis er að Frakkar gæti eigin landamæra er blátt áfram óhrekjanleg staðreynd.

Evrópusambandið uppfyllir ekki lágmarkskröfur í þeim verkefnum sem sambandið tekur að sér. Árásir múslíma afhjúpa blekkinguna um ,,Evrópumanninn" sem ímyndað brusselfyrirbæri. Hvorki er ,,Evrópumaðurinn" til né það kerfi sem gæti veitt honum lágmarksvernd.

,,Evrópumaðurinn" á sér frumgerð í ,,Sovétmanninum" fyrir miðja síðustu öld. Í báðum tilfellum átti að búa til nýja manngerð úr hugmyndafræði. Skáldskapur af þessu tagi endar alltaf með ósköpum.

Ættingjar árásarmanns handteknir

Ekki hryðjuverk, heldur stríð

Stefan Aust, einn virtasti blaðamaður Þýskalands, m.a. sérfræðingur í Baader-Meinhof, segir í uppslætti Die Welt: þetta eru ekki hryðjuverk, heldur stríð.

Stríðsástandið mun vara lengi, í mörg ár ef ekki áratugi.

Vestrænar þjóðir, Íslendingar meðtaldir, verða að endurskoða grunngildi sín og forgangsraða hverjum ber að halda - til að tapa þeim ekki öllum.

 

Gróf atlaga að grunngildum

Múslímtrú er uppspretta Ríkis íslam

Múslímsk trú fóstrar öfgar sem birtist í Ríki íslam og annarra hryðjuverkahópa sömu ættar. Trúfrelsi er einn horsteina vestrænnar menningar. Vestræn vörn gegn trúarhryðjuverkum getur tæplega verið að banna múslímatrú án þess að tapa um leið vestrænum gildum.

Afleiðingar af hryðjuverkunum í París verða í bráð tvíþættar. Í fyrsta lagi verður forgangur vestrænna ríkja að takmarka útbreiðslu trúarmenningar múslíma. Áhrifin á afstöðu til viðtöku flóttamanna frá ríkjum múslíma verða djúptæk og varanleg.

Í öðru lagi verður stóraukin áhersla á að uppræta vígahreiður múslíma í mið-austurlöndum.

Stríðsástand milli vestrænnar menningar og múslímamenningar verður í gildi þangað til múslímar veraldarvæðast. Trúarmenning breyst hægt og tekur nokkrar kynslóðir.

Ríki íslam lýsir yfir ábyrgð

Franska byltingin og neyðarástand lýðræðisins

Franska byltingin færði vestrænum þjóðum mannréttindi og lýðræði fyrir 226 árum. Hryðjuverkin í París eru bein árás á rétt fólks að koma saman á almennum vettvangi án ótta um líf og limi.

Eftir París föstudaginn 13. nóvember 2015 eru vestræn mannréttindi og lýðræði í uppnámi. Þegar á vogarskálum eru lýðréttindi annars vegar og hins vegar mannslíf víkja réttindin.

Neyðarástand lýðræðisins setur mark sitt á stjórnmál og samskipti þjóða og menningarheima um langan aldur.

 

 

Heitir miskunnarlausu stríði

Egill Helga, Kolbrún og pólitík vinstrimanna

Egill Helgason óskar sér 1% vaxta og Kolbrún Bergþórsdóttir telur vexti seðlabanka miðast við að ræna fólki lífsbjörginni. Egill og Kolbrún eru dæmigerðir álitsgjafar vinstrimanna.

Seðlabanki Evrópu rekur núllvaxtastefnu til að koma hjólum atvinnulífsins í gang. Evrópa er í kreppu. Með því að bjóða upp á 1 prósent útlánsvexti er ríkasta hluta þjóðfélagsins hyglað. Bilið milli ríkra og fátækra jókst bæði í Bandaríkjunum og Evrópu eftir að seðlabankar lækkuðu vexti niður í núll, útlánsvextir eru alltaf hærri, til að keyra upp neyslu og fjárfestingar. Þeir ríku græða alltaf mest á peningum álágum vöxtum. Atvinnulausir og lífeyrisþegar eru aftast í röðinni og bera minnst úr býtum.

Á Íslandi er full atvinna, þökk sé krónunni, og bullandi hagvöxtur - þrefalt til fjórfalt meiri en í ESB-ríkjum. Við þessar aðstæður segja allar hagkenningar allra tíma að vexti verður að hækka til að hemja verðbólgu. Hærri vextir hægja á neyslu og fjárfestingu. Þegar efnahagskerfi er á keyrslu, eins og það íslenska, verður að hægja á því ef ekki á illa að fara.

Egill kallar þetta ,,sturlun" og Kolbrún arðrán. Vinstrimenn eiga alltaf einhver orð um heilbrigða skynsemi.

 

Spá 4,3% hagvexti

Ójafnaðarflokkur Íslands líður undir lok

8,2 prósent þjóðarinnar segist styðja Samfylkinguna, samkvæmt nýrri könnun. Samfylkingin var stofnuð sem jafnaðarflokkur en boðar ójöfnuð. Almenningur áttar sig á óhreinlyndi flokksins og yfirgefur hann.

Ójafnaðarstefna Samfylkingar birtist í fylgisspektinni við ESB-aðild og upptöku evru. ESB-aðild fæli í sér stórfellt atvinnuleysi hér á landi með tilheyrandi ójöfnuði. Íslenska krónan er tæki til jöfnunar; í kreppu heldur hún uppi atvinnu og í góðæri jafnar hún ábata þjóðarbúsins til allra með því að lækka vöruverð.

Íslendingar vita að fullveldið og krónan jafnar lífskjörin. Þeir sem vilja meiri ójöfnuð, til dæmis Björn Eydal Davíðsson, nefna sérstaklega krónuna sem höfuðandstæðing.

Óhreinlyndið sem pólitík Samfylkingar byggir á, að þykjast jafnaðarflokkur en boða ójöfnuð, er ekki hægt að fela með fagurgala. Undirstöður flokksins eru ónýtar.

Ólíklegt er að Samfylkingin bjóði fram við næstu alþingskosningar.