Höftin og sneypa Samfylkingar og Vinstri grænna

Gjaldeyrishöftin verður aldrei hægt að afnema án ESB-aðildar og upptöku evru, sagði Samfylkingin allt kjörtímabilið 2009-2013. Þrem árum síðar er Ísland með stærsta gjaldeyrisvarasjóð frá lokum seinni heimsstyrjaldar og alþing samþykkir samhljóða afnám hafta.

Höftin voru reyndar aldrei meiri en svo að almenningur fann aldrei fyrir þeim, stundaði verslun á netinu og ferðaðist til útlanda án nokkurra hafta.

En hvorki Samfylking né Vinstri grænir, sem sátu vinstristjórnina 2009-2013, gerðu hvorki eitt né neitt til að afnema gjaldeyrishöftin. Þvert á móti; vinstristjórnin gaf útlendingum tvo íslenska banka, Íslandsbanka og Arion, til að friðþæga valdið sem vildi læsa klónum í okkur. Til að bæta gráu ofan á svart krafðist vinstristjórnin þess að almenningur axlaði ábyrgð á Icesave-kröfum ESB-ríkja á hendur föllnum einkabanka, Landsbankanum.

Samfylking og Vinstri grænir unnu skipulega að því að lama ríkisfjármálin og flytja bankakerfið úr landi því það þjónaði markmiðum vinstristjórnarinnar; að gera Ísland að ESB-ríki.

Ríkisstjórn Sjálfstæðisflokks og Framsóknar, sem fékk umboð kjósenda 2013, sneri blaðinu við og starfaði í þágu íslenskra hagsmuna. Sterkt uppgjör við þrotabú föllnu bankanna færði okkur á ný yfirráð yfir Íslandsbanka og Arion. Traust efnahagsstefna lagði grunninn að afnámi hafta, sem alþingi samþykkti samhljóða í þessari viku.

En núna eru Samfylking og Vinstri grænir, í samvinnu við Pírata, þess albúnir að færa landið aftur inn í efnahagslega ísöld og pólitíska upplausn. Látum vinstristjórnina 2009-2013 vera okkur víti til varnaðar. Kjósum ekki yfir okkur stjórn sem eyðileggur framtíð lands og þjóðar.

Haftafrumvarp samþykkt einróma

ESB-stjórn Viðreisnar og Pírata

Þingmaður Pírata segir á Vísi að óformlegar þreifingar séu á milli Pírata og Viðreisnar um stjórnarsamstarf að loknum kosningum. Í báðum flokkum, Viðreisn þó sérstaklega, er vilji til að gera Ísland að ESB-ríki.

Líklegir samstarfsflokkar Viðreisnar og Pírata í ríkisstjórn eru Vinstri grænir og Samfylking sem stóðu fyrir misheppnuðu ESB-umsókninni 2009-2013.

Eina örugga leiðin til að koma í veg fyrir nýja ESB-stjórn er að Sjálfstæðisflokkurinn fái sterka kosningu þann 29. október.

Guðni Th. reddar ekki Pírata-óreiðu

Ef Píratar verða stærsti stjórnmálaflokkur landsins eftir næstu kosningar getur Guðni Th. forseti ekki vikist undan því að veita Pírötum umboð til stjórnarmyndunar. Lýðræðislegra meginreglur og hefðir og venjur segja að sigurvegari kosninga og/eða stærsti flokkurinn fái stjórnarmyndunarumboð.

Píratar eru andófsflokkur sem vill bylta stjórnskipun landsins og stokka upp undirstöðuatvinnuvegi. Undir ríkisstjórn Pírata yrði óreiða í samfélaginu þar sem ólíkir hópar tækjust á um forræði landsstjórnarinnar.

Forsetinn gerir ekki annað en að veita stjórnarmyndunarumboð. Hann mun ekki skipta sér meira af stjórnarmyndun, enda ekki til þess kosinn. 

Forsetinn myndar ekki stjórnina

Valið stendur á milli Sjálfstæðisflokks og Pírata

Sjálfstæðisflokkur og Píratar eru turnar stjórnmálanna 17 dögum fyrir kosningar. Sá flokkur sem verður ofar í kosningum fær umboð forseta Íslands til að mynda ríkisstjórn.

Aðrir flokkar en Sjálfstæðisflokkur og Píratar eru fimm flokka efniviður sem turnarnir tveir nota til að setja saman ríkisstjórn.

Í grunninn eru aðeins tveir kostir í boði 29. október: ríkisstjórn undir forsæti Sjálfstæðisflokks eða ríkisstjórn Pírata.

Sjö flokkar á þing

Sjálfstæðisflokkurinn: jöfnuður og stöðugleiki

Sjálfstæðisflokkurinn stendur fyrir jöfn tækifæri allra og stöðugleika í efnahagsmálum. Undir forystu ríkisstjórnar Sjálfstæðisflokks og Framsóknarflokks er meiri launajöfnuður á Íslandi en í nokkru öðru landi OECD.

Sjálfstæðisflokkurinn leiðir ríkisfjármálin þetta kjörtímabil og árangurinn er stöðug atvinna, lág verðbólga og sterkur ríkissjóður.

Í þingkosningunum 29. október stendur raunverulegt val á milli forystu Sjálfstæðisflokksins annars vegar og hins vegar Pírata, sem mælast næst stærsti flokkur landsins.

Píratar sækjast eftir umboði kjósenda til að kollsteypa Íslandi. Þeir boða nýja stjórnarskrá, tilraunir í efnahagsmálum og vilja endurvekja ESB-ferli vinstriflokkanna frá síðasta kjörtímabili.

Sjálfstæðisflokkurinn byggir pólitík sína á þjóðarhagsmunum þar sem traustir innviðir skapa öllum möguleika að búa við efnahagslegt öryggi en haga lífi sínu að öðru leyti eins og þeir kjósa.

Sjálfstæðisflokkurinn stærstur

Píratar þrífast á illmælgi um þjóðina

Píratar eru slagorðið ,,ónýta Ísland" holdi klætt. Pólitík Pírata er að útmála stjórnkerfi okkar og samfélag sem óalandi og óferjandi.

Sumpart er þetta skiljanlegt. Píratar eru afurð hrunsins þegar þjóðin missti trúna á lýðveldinu og vildi helst flytja fullveldið til Brussel.

En það eru átta ár frá hruni. Við höfum sett helstu bankamenn landsins frá tímum útrásar í fangelsi og gert upp við þrotabú föllnu bankanna. Hér er hagvöxtur og allir með vinnu eins og þeir vilja.

Samt halda Píratar áfram að tala um Ísland og þjóðina sem hér býr eins og við séum þriðja flokks ríki. Og Píratar stefna á yfirtöku á ríkisvaldinu eftir þingkosningar í lok mánaðarins.

Ekki upplýstar ákvarðanir á Alþingi

Nýtt kalt stríð: 3 átakasvæði

Nýtt kalt stríð stórveldanna, Bandaríkjanna og Rússlands, er komið á skrið. Þrjú átakasvæði eru viðkvæmust um þessar mundir: Sýrland, Úkraína og Eystrasaltslönd.

Fréttaflutningur af alþjóðastjórnmálum ber merki nýja kalda stríðsins, sjá til dæmis NBC og Daily Beast.

Evrópusambandið er í samvinnu við Bandaríkin í gegnum Nató á tveim átakasvæðum, í Úkraínu og Eystrasaltsríkjum. Ólíkt Bandaríkjamönnum eru Evrópumenn nágrannar Rússa. Í Þýskalandi er vilji til málamiðlana. 

Liður í kalda stríðinu seinna er áróður þar sem óvinaímyndir eru dregnar upp og festar í sessi almenningsálitsins. Sannleikurinn týnist áður en fyrsta skotinu er hleypt af.

Pútín vill fresta Frakklandsheimsókn

Noregur herðir reglur vegna hælisleitenda

Hælisleitendur í Noregi fá ekki lengur vasapeninga heldur úttektarkort fyrir mat, samkvæmt nýjum reglum sem ráðherra innflytjendamála, Sylvi Listhaug, kynnti nýverið. Dæmi eru um að vasapeningarnir séu sendir til heimalandsins eða þeir nýttir til að greiða smyglurum.

Smyglarar standa fyrir allt að 90 prósent hælisleitanda til Evrópu. Hælisleitendur borga smyglurum fyrir þjónustuna þegar þeir eru komnir til Evrópulanda og fá félagslegan stuðning í formi vasapeninga.

Norðmenn vinna skipulega að takmarka rétt hælisleitenda til að koma í veg fyrir misnotkun á opinberu fé. Listhaug boðar frekari aðgerðir til að stemma stigu við komu hælisleitenda til Noregs.

Útlit fyrir þúsund hælisleitendur

Ást, hatur og brandarar í múslímatrú

Róttækir ungir múslímar, sem hyggja á hryðjuverk, þurfa ást, skrifar Omer Aziz í New Republic. Hann vísar í fjölda ungra manna sem á síðustu árum drápu saklausa borgara á vesturlöndum í nafni múslímatrúar.

Í Svíþjóð er ást og velferð á háu stigi. BBC segir að frá Svíþjóð streymi hundruð ungra múslíma til að berjast fyrir múslímatrú.

Hamed Abdel-Samad er egypskur múslími menntaður í Þýskalandi. Í uppgjöri við múslímatrú skrifar hann í niðurlagi að ekki fyrr en múslímar getið hlegið að spámanninum og sagt um hann brandara geti þeir losnað við hatrið sem trúnni fylgir.

Erasmus frá Rotterdam ruddi brautina fyrir kímni og kaldhæðni í kristni, ásamt fræðimennsku í eingyðistrúnni frá Jerúsalem. Erasmus er 15. aldar maður og múslímar eiga engan slíkan þótt komin sé 21. öld. Enda finnst fjarska mörgum múslímum rétt og skylt að drepa hvern þann sem dregur dár að spámanninum frá Mekka. Ástin mun ekki vinna bug á skorti á kímnigáfu.

 

Sprengiefnið tilbúið til notkunar

Rússagrýlan á ekki heima á Íslandi

Ísland á ekkert sökótt við Rússland. Á dögum Sovétríkjanna var Ísland útvörður vestrænna gilda í norðri gagnvart kommúnískri útþenslustefnu - en aldrei áttum við neitt nema vinsamleg samskipti við Rússa.

Lettland og önnur Eystrasaltsríki búa við aðra sögu samskipta við Rússa. Þessi lönd ásamt Póllandi voru lengi vel bitbein þýskra og rússneskra áhrifa í Austur-Evrópu. Eftir fall Sovétríkjanna var skiljanlegt að þessi ríki hölluðu sér í vestur með aðild að ESB og Nató.

Ýmislegt má segja um ástandið í Rússland en kommúnismi ríkir þar ekki, líkt og á dögum kalda stríðsins. Markaðsbúskapur er rekinn þar upp á rússneska vísu og jafnframt lýðræði.

Í kalda stríðinu áttu Íslendingar ekkert val. Heiminum var tvískipt og við hlutum alltaf að vera í vestræna liðinu. Í dag er heimsmyndin ekki jafn svarthvít. 

Öryggishagsmunum Rússa var ógnað í Úkraínu með tilraun Nató-ríkja að færa landið undir sitt áhrifasvæði. Af þessu leiddi aukin spenna milli næstu nágranna Rússa í Nató-liðinu, t.d. Letta. 

Ísland á ekki að láta teyma sig út í fjandsamlegar aðgerðir gegn Rússum vegna þess að Nató vill styrkja stöðu sína í Austur-Evrópu.

Rússagrýluna var kannski hægt að réttlæta á dögum kalda stríðins. En ekki lengur og allra síst á Íslandi.

„Rússland breytti öllu“