Samsærið gegn Samfylkingu

Teikn eru á lofti um að óformleg samstaða sé meðal vinstrimanna að fórna Samfylkingunni, slá hana af þingi. Það þjónar hagsmunum Píratastjórnarinnar, sem búið er að mynda, að flokkarnir verði þrír en ekki fjórir.

Vinstrimenn skipta sér á fjóra flokka og flakka á milli þeirra, eftir því sem þörf krefur. Þau boð eru látin út ganga að Samfylking sé deyjandi flokkur, sem geri ekki annað en að taka atkvæði frá Pírötum, Vinstri grænum og Bjartri framtíð. 

Aðalmálgagn vinstrimanna, RÚV, segir í sínum fréttaflutningi að Samfylkingin sé minnsti flokkurinn og endurómar þá hugsun að atkvæði greitt þeim flokki sé dautt. Annar vinstrimiðill, Kjarninn, tónar sömu sjónarmið.

Samsærið gegn Samfylkingu þjónar þeim tilgangi að auka líkurnar á vinstristjórn eftir kosningar.

Sjálfstæðisflokkurinn fær 24,7% hjá MMR

Pírati á ASÍ-þingi: engin atvinnustefna

Ásta Guðrún Helgadóttir þingmaður Pírata var á ASÍ-þingi í gær spurð um stefnu Pírata í málefnum atvinnulífsins.

Svar þingmannsins er til á myndbandi.

Píratar eru ekki með neina stefnu í vinnumarkaðsmálum. Samt vilja þeir stjórna landinu.

Tveir formenn án þingsætis

Píratar svíkja stærsta kosningaloforðið

Píratar lofuðu kjósendum að ,,endurræsa Ísland" með stuttu kjörtímabili og nýrri stjórnarskrá. Leiðtogi Pírata, Birgitta Jónsdóttir, sagði

það komi ekki til greina að gera neinar tilslakanir í kröfum Pírata um stutt kjörtímabil og breytingar á stjórnarskrá á komandi þingi, hreyfingin muni ekki vinna með flokkum sem ekki samþykki það.

En núna, þegar Píratar sjá möguleika að ná völdum með hinum vinstriflokkunum, er komið annað hljóð í strokkinn. Málgagn þeirra, RÚV, hefur eftir forystu Pírata að þeir séu hættir við stutt kjörtímabil.

Nýja slagorð Pírata er Allt fyrir völdin, málefni eru aukaatriði. Píratar segjast vera heiðarlegir og gáfaðir en eru tækifærissinnað valdatökufólk sem lætur einskins ófreistað að komast í ríkisstjórn.

Svik við stærsta loforð Pírata fyrir kosningar er yfirlýsing um að Píratar séu til sölu. Hrægammarnir sem sitja um ríkissjóð vita hvað þeir syngja þegar þeir óska eftir nýrri vinstristjórn undir forystu Pírata.

Í kosningunum á morgun ræðst hvort Píratar fái umboð kjósenda að versla með lífshagsmuni þjóðarinnar.

Sjálfstæðisflokkur fram úr Pírötum

Valdstjórn vinstrimanna eða stöðugleiki

Kjósendur standa frammi fyrir skýrum valkosti á laugardag. Fjögurra flokka valdstjórn vinstrimanna er í boði Pírata, Vinstri grænna, Samfylkingar og Bjartrar framtíðar. Annar kostur er að sterkur Sjálfstæðisflokkur fái stjórnarmyndunarumboð til að viðhalda stöðugleika í samfélaginu.

Málefnasamningur vinstristjórnarinnar er ekki til, aðeins yfirlýsing um að þeir myndi ríkisstjórn, fái þeir umboð kjósenda á laugardag.

Fjögurra flokka vinstristjórn er uppskrift að viðvarandi upplausnarástandi á alþingi og veikri ríkisstjórn sem leiða mun til átaka víða í samfélaginu. Vinstriflokkarnir tala um ,,viðtækar kerfisbreytingar" sem þeir ætla að ráðast í. Kerfisbreytingarnar verða ekki á forsendum heildstæðrar stefnu heldur í formi upphlaupa og ala af sér óvissu og tortryggni.

Kjósendur eiga næsta leik.

 

 

 

Krafan um styttra kjörtímabil óraunhæf

Ríkisstjórn glataðra í þágu hrægamma

Stórtap í kosningum blasir við tveim af fjórum flokkum nýju vinstristjórnarinnar. Bæði Samfylking og Björt framtíð berjast fyrir lífi sínu - eru við það að falla af þingi.

Rökin fyrir myndun ríkisstjórnar fjögurra vinstriflokka fyrir kosningar eru að Vinstri grænum og Pírötum gengur svo vel í skoðanakönnunum. En hvers vegna að púkka upp á þá sem eru tapa í sama leik? Hvers vegna er kjósendum ekki leyft að kveða upp sinn dóm yfir framboði flokkanna fjögurra áður en samið er um ríkisstjórn?

Ríkisstjórn vinstriflokkanna býður ekki upp á nein málefni. Uppákoman er hreint valdaskak. En málefnasnauð og tækifærissinnuð ríkisstjórn er einmitt það sem vogunarsjóðirnir, hrægammarnir, vonast eftir. 

Ágreiningsmálin óafgreidd

Vinstristjórn; skammtímalausnir og stutt kjörtímabil

Vinstristjórn Pírata, Vinstri grænna, Bjartrar framtíðar og Samfylkingar ætlar að skaffa landinu nýja stjórnarskrá á nokkrum mánuðum og boða síðan til nýrra kosninga, enda þurfa tvenn þing að samþykkja stjórnarskrárbreytingar með kosningum á milli.

Skammtímalausnir verði í boði á þessu stutta kjörtímabili. Píratastjórnin verður fyrst og fremst upptekin af stjórnskipunarumræðu og önnur mál munu sitja á hakanum. Þeir sem eiga samskipti við ríkisstjórnina, hvort heldur aðilar vinnumarkaðarins eða erlendar ríkisstjórnir, vita að Píratastjórnin er ómarktæk í málefnum með lengri líftíma en nokkra mánuði.

Það hentar hrægammasjóðum ágætlega að fá veika vinstristjórn að eiga við. Þeir hugsa líka til skamms tíma, vilja fá peningana sína strax til að taka úr landi. Af reynslu vita erlendir hrægammar að vinstristjórnir standa ekki á íslenskum hagsmunum.  

Stjórnarsáttmáli Píratastjórnarinnar í dag - fyrstu viðbrögð

Píratar og hinir vinstriflokkarnir boða að stjórnarsáttmáli þeirra verði birtur í dag, í beinni útsendingu RÚV ef af líkum lætur. Kosningarnar eru reyndar ekki fyrr en eftir tvo daga en valdatökufólk vinstrimanna er ekki þekkt fyrir þolinmæði.  Í gestaframlagi til síðunnar eru fyrstu viðbrögð við Píratastjórninni. Gerið svo vel.

 

„Mig dreymdi draum.  Ríkisstjórn hinna ósnertanlegu tekur til óspilltra málanna í nóvember.  Þeir hinir sömu og gátu ekki rætt við núverandi vegna spillingar.  Hinir ósnertanlega og óspilltu ætla að gera allt í nafni gagnsæis og siðapostular setjast í hvert ráðuneyti, hvert þeirra með sérfræðiþekkingu á sínu sviði.

 

1.       Forsætisráðherrann sem er ekki stærðfræðingur og hefur rekið umfangsmikla atvinnustarfsemi í þágu sprotafyrirtækja á kostnað atvinnuleysistryggingarsjóðs verður Pírati.  Píratinn er sérfræðingur í vopnaburði og lærði á sínum tíma Langtíburtistan meðferð og notkun árásarvopna íklæddur talibanakufli í þjálfunarbúðum í Afganistan og var á þeim tíma á atvinnuleysisbótum frá Íslandi, nokkuð sem er brot á lögum og reglum um atvinnuleysissjóð fyrir alla Íslendinga.

 

2.       Fjármálaráðherra verður í Ham í við tiltekt í skattsvikunum.  Hann var í Ham og kemur úr svartri þátíð inn í bjarta framtíð með sérfræðiþekkingu úr listamannageiranum um hvernig afla á lífsviðurværis með því að þiggja greiðslur fyrir lístaflutning án þess að greiða af því opinber gjöld inn í samneysluna.  Hann verður væntanlega proppfullur af hugmyndum um hvernig bara sumir eigi að greiða allt fyrir alla hina.

 

3.       Utanríkisráðherrann verður svo helsti sérfræðingur okkar úr jarðfræðigeiranum.  Sá hinn sami og byggði flugvöll á Langanesi við hlið hins gamla því bróðir hans þurfti að selja jarðvinnsluefni úr námu fjölskyldunnar, sá hinn sami og tók yfir skuldir óreiðupésanna úr sparisjóðunum og ríkisvæddi þær, hann tók líka tæpa 4 milljarða úr vegafé landsmanna til að niðurgreiða fjárfestingu útlendinga og boraði holu á Húsavík, gaf líka erlendum hrægömmum fjármálakerfið okkar og reyndi að lokum að ríkisvæða 800 milljarða skuldabagga Icesave á okkur.  Aðstoðarmenn hans verða þeir sömu og áður, stundum í teymisvinnu kallaðir Svindlriði.  Fyrsta verk þeirra verður væntanlega að skipa fyrrverandi forsætisráðherra sem sendiherra aflandseyja og síðan þarf að skipa alla fyrrverandi ráðherra fylkinganna sem ekki komust á þing sem sendiherra án lands og umboðs því eitthvað verður blessað fólkið að hafa fyrir stafni fyrst lýðræðið hafnaði þeim.

 

4.       Líklegt má telja að sú sem átti sér ekki Viðreisnar Von verði mennta og íþróttamálaráðherra.  Hún stendur sérstaklega sterkt í þeim geira að endurmennta þá sem eru ekki á sama máli og hún og íþróttaheiminum getur hún fært okkur hið fræga H7 leikkerfi sem snerist um að flytja tapið yfir á samfélagssjóði en einkavæða gróðann.

 

5.       Flokkurinn með 8 fyrrverandi formenn sem kemst ekki á þing fær utanþingsráðherra fyrir að hafa grafið eigin gröf.  Líklegt má telja að það verið kirkjumálaráðherra, trúleysingi sem muni þjóðnýta allar eigur kirkjunnar og breyta helming kirknanna í leikskóla og barnaheimili til að ná upp nýtingu fastafjármuna.

 

6.       Dómsmálaráðuneytið/Innanríksráðuneytið mun sigla undir miklum byr, glitta mun í annan Pírata sem er sérstakur áhugamaður um persónuvernd, hugverkarréttindi og eignarrétt.  Sá hinn sami og nafni gegnsæis tók upp af götunni „frjálsri hendi“ trúnaðarögn sem bara lágu þarna óvart og gleymdi síðan tölvunni sinni á Alþingi en ekki í þeim tilgangi að njósna.  Sérstök skattlagning verður til við niðurhal ólöglegs efnis þannig að samfélagið fá nú tekjur af atvinnustarfsemi lista og menningaheimsins sem er svo mikilvægur að þátttakendum þar er í sjálfsvald sett um framlag sitt í samfélagssjóðina.

 

Komst í raun um það þegar ég vaknaði að í grunninn var þetta ekki draumur.  Þetta var martröð.   Gatan á milli Alþingishússins og Ráðhúss Reykjavíkur heitir Vonarstræti.  Líklegt má telja að í bjartri framtíð muni verða nafnabreyting yfir í Martröð.  Og Reykjanesbrautin verður endurnefnd sem Örtröð vegna þess landflótta sem mun bresta á.“

Björt framtíð tapar á bandalagi við Pírata

Björt framtíð tók skarpa vinstribeygju þegar flokkurinn féllst á ríkisstjórnarmyndun með Pírötum síðustu helgi. Áður reyndi Björt framtíð að vinna sér sess sem miðjuflokkur og er m.a. í meirihlutasamstarfi með Sjálfstæðisflokki í Hafnarfirði og Kópavogi.

Í könnun MMR er Björt framtíð fyrir neðan aðra miðjuflokka, Viðreisn og Framsóknarflokk. Í könnun Fréttablaðsins er Björt framtíð við að detta úr af þingi, með 5,1 prósent fylgi, og er ekki hálfdráttur á við Framsókn og Viðreisn.

Vinstribeygja Bjartrar framtíðar stefnir flokknum beint fram af hengifluginu.

Sjálfstæðisflokkurinn stærstur

Óheiðarleiki Pírata - smjörklípa RÚV

Píratar kynna sig sem ,,heiðarlega" og ,,gáfaða". Á fésbók þeirra segir:

2. Það er heiðarlegt fólk í Pírötum
Þetta er mikilvægasta ástæðan. Í Pírötum er fullt af heiðarlegu og gáfuðu fólki sem er hægt að treysta til að standa við loforð sín.

Gáfnafar og heiðarleiki Pírata er ekki meira svo að þeir skreyta sig með háskólagráðum sem engin innistæða er fyrir.

Píratar mynduðu ríkisstjórn um síðustu helgi í krafti þess að þeir eru með um 20 prósent fylgi. Þegar ríkisstjórnarflokkur verður ber að óheiðarleika, en þykjast samt heiðarlegastur af öllum og gáfaðastur (auðvitað), skyldi ætla að Ríkisútvarpið, RÚV, myndi fjalla um málið. 

En nei, RÚV má ekkert vera að því að fjalla um óheiðarleika Pírata. Þess í stað býður RÚV upp á sjóðandi heita frétt um að Dögun vilji þrjú ráðuneyti í næstu ríkisstjórn.

Dögun er með 1,5 prósent fylgi og mun ekki koma manni inn á alþingi. En þetta er samt fyrsta pólitíska frétt RÚV í einn og hálfan sólarhring á meðan þjóðin talar um óheiðarleika Pírata.

RÚV-fréttin um þrjú ráðuneyti Dögunar er smjörklípa af síðustu sort og kemur þó margt aumkunarvert frá Efstaleiti.

Menntunarsnauðir Píratar og þjálir Vinstri grænir

Erlendir vogunarsjóðir, kenndir við hrægamma, vonast eftir vinstristjórn Pírata og Vinstri grænna eftir kosningar á laugardag. Útlendu fjármagnseigendurnir vita af reynslu að ráðherrar Vinstri grænna kikna í hnjáliðunum fyrir framan útlendinga.

Steingrímur J. var eins og smjör í höndum útlendra fjárplógsmanna þegar hann var fjármálaráðherra vinstristjórnarinnar 2009-2013. Steingrímur J. féllst á allar kröfur Alþjóða gjaldeyrissjóðsins, hann vildi borga Icesave og jafnframt gaf hann án skilyrða útlendingum tvo banka, Íslandsbanka og Arion.

Ráðherrar Pírata eru svo litlir bógar að þeir skreyta sig með lærdómsgráðum sem þeir hafa ekki unnið til. Einstaklingar sem rísa ekki undir eigin nafni eru vitanlega ekki líklegir til að standa á hagsmunum þjóðarinnar í samskiptum við útlenda hrægamma. 

„Óþægileg afstaða“