Herskátt myndmál Pútíns

,,Rýtingur í bakið" er orðalag ættað úr kreppu millistríðsáranna þegar sterkir menn og hávaðasamir keyrðu lýðræðið í þrot á meginlandi Evrópu.

Pútín veitir Tyrkjum jafnframt þá umsögn að vera ,,samverkamenn" hryðjuverkamanna. Orðið samverkamenn vísar til svika. Andstæðinga sína getur maður látið í friði, þegar meiri hagsmunir víkja fyrir minni. En láti maður svikara komast upp með verknaðinn eykur það líkur á endurteknum svikum.

Erdogan Tyrkjaforseti skorar stig í innanlandspólitík með ýfingum við Rússa. En veik staða innanlands, m.a. vegna Kúrda, gefur Pútín mörg sóknarfæri.

Deila Tyrkja og Rússa byrjar sem hliðarmál í stríðinu við Ríki íslam en gæti fyrr en varir yfirskyggt allt annað.

„Rýtingur í bakið“

Athugasemdir

[Jóhann Elíasson, 24.11.2015 kl. 16:08]

Tyrkir máttu síst af öllu við því að egna Rússa á móti sér eins og ástandið þar er.

[Aztec, 24.11.2015 kl. 16:19]

Tyrkir og Rússar eru samverkamenn því að bæði ríkin berjast aðeins gegn IS í orði en ekki í raun. Tyrkir gera loftárás á uppreisnarmenn í Sýrlandi sem berjst bæði gegn IS og Assad. Rússar gera loftárásir á andstæðinga Assad, en ekki á IS. Þannig skerðist ekki hár á höfði IS-liða nema þegar Frakkar varpa sprengjum á þjálfunarbúðir þeirra.

Við megum ekki gleyma að Recep Erdogan er islamisti sem álítur Kúrdana mikið hættulegri óvin en IS. Hernaður Rússa er í gangi fyrst og fremst (fyrir utan það að dreifa athyglinni frá Donetsk og verða gjaldgengur stríðsaðili í Austurlöndum nær) til að treysta Assad í sessi.

Barátta þessara tveggja ríkja gegn raunverulegum hryðjuverkamönnum er mjög neðarlega á aðgerðalistanum.