Ólafur Jón og blekkingar Sigmundar Ernis

Á Hringbraut birtast reglulega pistlar undir höfundarnafninu Ólafur Jón Sívertsen. Hann segist lengi hafa búið erlendis en renni til rifja hvernig komið er fyrir opinberum málum á Fróni.

Ólafur Jón vill að lesendur trúi því að hann hafi dvalið svo lengi í útlöndum að hann sé ekki lengur skráður með kennitölu hér á landi. En hann sé engu að síður með trausta heimildamenn í stjórnarráðinu sem láti Ólafi Jóni í té upplýsingar um gang mála á bakvið tjöldin. Upp úr þessum heimildum skrifar Ólafur Jón pistla og Hringbraut gerir úr pistlunum fréttauppslátt.

Sig­mund­ur Ern­ir Rún­ars­son er dag­skrár- og rit­stjóri Hring­braut­ar. Í viðtali við mbl.is seg­ir Sigmundur Ernir Ólaf ,,kunna að vera huldu­mann". Orðrétt:

„Þetta kann að vera huldumaður.Það eru marg­ir slík­ir sem skrifa í blöðin og vef­miðlana. Meðal ann­ars í staksteina,“ seg­ir Sig­mund­ur um skrif Ólafs.

Nú er augljóst að Ólafur Jón er ekki hvorttveggja í senn einstaklingur með fullt nafn og fortíð annars vegar og hins vegar huldumaður.

Sigmundur Ernir stundar vísvitandi og af yfirlögðu ráði blekkingar gagnvart almenningi. Síðast þegar að var gáð þótti sú iðja ekki sæma fjölmiðli.

 

 

 

Athugasemdir

[Helga Kristjánsdóttir, 20.7.2015 kl. 04:31]

Víða í hinum stóra heimi leynast Íslendingar með heimþrá,jafnvel þeir með áralanga búsetu í nýju heimalandi sínu sem hafa fengið þeirra ríkisfang.Minnist sérstaklega ljóðskáldanna góðu,sem ortu fögur ljóð um ísland, Stephan G Stefánsson og Káinn.-  Nú er öldin önnur og menn geta fylgst með vinum á landinu gamla,gegnum netið. En maður eins og Ólafur Jón,sem búið hefur langan tíma erlendis (að sögn) og greinilega unað hag sínum vel,fer ekki upp úr þurru að rífa niður frábæra stjórn landsins.Nei þessi maður er vandræðaskáld,því allir vita að íslenska ríkið er að ná sínum fyrri styrk,enda á engra færi nema mið og hægriflokka. Hvað er þessi lubbi að gera lítið úr Morfís af öllu öðru sem honum er trúað fyrir er þetta litla dæmi um leik framhaldsskólanema markleysa. Eða fjórflokkanefnan,hlustar maðurinn á útv.Sögu,þar sem þetta heiti varð til hjá frábærum útvarpsmanni að nafni Pétur Gunnlaugsson.Þori að veðja að maður sem lætur sem séní í útlandinu,færi ekki að éta eftir miðlara,úr spjallþáttum. Góði Óli þú mátt láta þær síga!