Framsókn er jafnaðarmannaflokkur, ekki Samfylking

Forsætisráðherra og Framsóknarflokkurinn báru fram til sigurs kröfuna um 300 þúsund króna lágmarkslaun, sem fékkst viðurkennd í nýjum kjarasamningum. Samfylkingin hundsaði kröfuna í fyrstu en tók seint og um síðir hjárænulega undir.

Karl Garðarsson þingmaður Framsóknarflokksins rekur skilmerkilega hvernig Framsóknarflokkurinn ruddi brautina í þágu þeirra lægst launuðu.

Samfylking er flokkur langskólafólks sem krefst forréttinda vegna prófgráðu og óskar sér helst að starfa í skrifræðinu í Brussel.

Athugasemdir

[Heimir Lárusson Fjeldsted, 31.5.2015 kl. 13:00]

Samfylking og Vg fjarlægjast almenning með hverjum deginum sem líður.

[Jón Þórhallsson, 31.5.2015 kl. 14:03]

En hækkar  matarskattinn úr 7% í 11% ?

Hefðu vinstri flokkarnir gert það ?

[Predikarinn - Cacoethes scribendi , 31.5.2015 kl. 15:34]

Jón

Það er búið að afnema vörugjöld og tolla auk þess að lækka skattprósentu flugfreyjustjórnarinnar. Það dettur sósíalistunum aldrei í hug.

Ég veit til þess að bílavaraklutir t.d. lækkuðu í verði um fjórðung, eða 25% vegna lækkunar þessara gjalda og lækkunar efra vsk-þrepsins niður í 24% úr 25,5%. Manstu hverjir það voru sem hækkuðu virðisaukann í 25,5% ? ? ? ? ? ? ? ? ? ? ? ? ? ? ? ? ? ?? ? ? ? ? ? ?

FYYYYYYRSTA verk Árna Páls, sem núna sýpur hveljur vegna atvinnulausra og öryrkja sem og aldraðra ætti að vera með svarta skán á tungu sinni vegna krókodílatára sinna, SEM RÁÐHERRA Í FLUGFREYJUSTJÓRNINNI VAR AÐ SKERÐA STÓRKOSTLEGA ÖRORKUBÆTUR OG ELLILÍFEYRI !

Það er enn ógleymt af þeim sem þjáðust vegna þess niðurskurðar hans og illfygla þeirrar stjórnar. ÞEir einir í þeim hópi sem ekki minnast þessa eru auðvitað sósíalistar úr þeim röðum sem valkvætt kjósa að minnast þessarar ósvinnu ekki.

[Ómar Ragnarsson, 31.5.2015 kl. 15:40]

 Það er tiltölulega stutt síðan að sagt var á þessari bloggsíðu að Samfylkingin nýtti sér forystu verkalýðsfélaganna í pólitískum tilgangi með því að fá hana til að standa að svo óbilgjörnum launakröfum að allt færi í uppnám og þar með klekkt á ríkisstjórninni.

Nú er hins vegar sagt að Framsóknarflokkurinn hafi staðið fyrir þessari aðför að eigin ríkisstjórn. Hvoru á maður að trúa?  

[Kolbrún Hilmars, 31.5.2015 kl. 16:21]

Ja, Framsókn er ekki saklaus, hún studdi minnihlutastjórn Samfylkingar fyrri hluta árs 2009 til þess að ekki yrði boðað til nýrra þingkosninga.
Reyndar er ekki að sjá að XS hyggist launa greiðann þann.

[Magnús Helgi Björgvinsson, 31.5.2015 kl. 17:04]

Gaman í þessu sambandi að benda á að Jóhanna Sigurðardóttir var félagsmálaráðherra frá 1987 til 1994 og þá voru byggðar um 4 þúsund félagslegar íbúðir. Og eins að skv. öllum tölu jókst jöfnuður hér gríðarlega síðasta kjörtímabili. Eins ef að skoðað eru fyrirhugaðar skattaaðgerðir þá má sjá að þeir sem njóta mest eru þeir tekjuhæstu.

[Predikarinn - Cacoethes scribendi , 31.5.2015 kl. 17:10]

Magnús 

Er þér sjálfrátt ? Stofnað flugfreyjan til Verkamannabústaðanna ?

Yfir 100 skattar á síðasta kjörtímabilis ólánsstjórnar alþýðunnar undir forystu flugfreyjunnar og jarðfræðinemans - eru yfir 100 skattahækkanir til hagsbóta alþýðu ?

[Wilhelm Emilsson, 31.5.2015 kl. 20:15]

Er ekki svolítið sérkennilegt að kennari skuli vera að agnúast út í prófgráður og gera þær tortryggilegar?