Sturlungatexti Einars Kára; skáldar landráð í munn forsætisráðherra

Einar Kárason rithöfundur leggur forsætisráðherra orð í munn og segir hann hafa sakað Steingrím J. Sigfússon um landráð.

Engar heimildir eru fyrir því að forsætisráðherra saki Steingrím J. um landráð.

Einar er skáld.

Athugasemdir

[Hrólfur Þ Hraundal, 13.2.2015 kl. 20:31]

Sitthvað er að skrifa skáldsögu eða rekja staðreyndir.  Ekki er öllum gefið að rekja þann stíg án skammhlaups.

[Eggert Guðmundsson, 13.2.2015 kl. 22:45]

Ég sem hélt að það blasti við öllum og þyrfti ekki heimilda við. Einungis lesa blöðin og leggja saman tvo og tvo og færa rökin fyrir útkomunni, eins og Víglundur leggur fram.

[Helga Kristjánsdóttir, 14.2.2015 kl. 01:11]

 Skáldið heyrði ekki betur! Slæ því upp spakmæli sem Steingrímur notaði oft í ráðherratíð sinni;" Guð láti gott á vita",

að hann efast um heyrn sína.

[Jón Valur Jensson, 14.2.2015 kl. 02:15]

Ég leit í þessa Sturlungu hans og þótti málfarið skuggalega hversdagslegt og alls ekki verðugt efniviðnum.

[Magnús Helgi Björgvinsson, 14.2.2015 kl. 11:50]

Af visir.is

Sigmundur segir að verið sé að gefa kröfuhöfum peninga.

„Það er eitthvað sem er ekki hægt að horfa framhjá þegar menn vinna úr þessum hlutum núna. Þó að margt sem þarna kemur fram sé einmitt það sem við héldum fram á sínum tíma og var efniviður í mikil pólitísk átök og alveg gríðarlega mikið reynt að keyra þetta í kaf, þá er svo sláandi að sjá hversu langt menn gengu í, ekki aðeins að líta framhjá tækifærinu, heldur að koma í veg fyrir að tækifærið yrði nýtt. Þegar meira segja Fjármálaeftirlitið er búið að ganga þarna frá stofnsamningum inn í bankana að menn fari þá í það að vinda ofan af því.“

Forsætisráðherrann segir að menn hafi fundið leiðir til þess að fara framhjá neyðarlögunum.

„Þau voru sett til að tryggja hagsmuni almennings. Þetta er svo sannarlega tilefni til frekari athugunar.“

Er þetta ekki ígildi landráða sem Sigmundur Davíð gefur í skin. Þ.e. að Steingrímur hafi skv. þessu Víglundarskjölum farið inn í neyðarlögin og breytt framkvæmd þeirra til að gefa kröfuhöfum peninga á kostnað almennings? Þetta fullyrðir hann bara strax og þessi skjöl birtast.

[Anna Sigríður Guðmundsdóttir, 15.2.2015 kl. 23:49]

Spurningin snýst væntanlega um hvaða menn hafi fundið leiðir til þess að fara framhjá neyðarlögunum.

Væri ekki rétt að rannsaka hótandi og kúgandi lífeyrissjóða-stjórnarforstjóra, og hótandi kúgandi bankastjórnar-forstjóra? Og rannsaka samstarf þeirra kúgunarforstjóra við ASÍ-verkalýðsverndarana englavængjavæddu, en þó verkalýðssvíkjandi?

Eða er kannski ekki hægt að rannsaka neitt á löglegan, siðmenntaðan og mennskan hátt, á löglausa og dómsstólaspillta Íslandi?

M.b.kv.

[Anna Sigríður Guðmundsdóttir, 15.2.2015 kl. 23:55]

...gleymdi að telja upp aðal hótarana og kúgarana, sem eru auðvitað LÍÚ-hagsmuna-gíslatökugengið sjávar og sveita-rænandi...