Írsk ungmenni föst heima í fátækt

Atvinnuleysi meðal ungra Íra er 25 prósent. Um 42 prósent Íra á aldrinum 18 til 30 ára búa heima hjá foreldrum sínum þrátt fyrir að engin þjóð í Evrópu hafi misst til útlanda jafn stórt hlutfall í þessum aldurshópi.

Unga fólkið á Írlandi, sem fær á annað borð vinnu, er oft ýmist í ólaunuðum störfum eða atvinnubótavinnu á vegum hins opinbera. 

Írski hagfræðingurinn David McWilliams rekur rannsóknir sem sýna hve hart atvinnuleysi leikur ungt fólk: þunglyndi, alkahólismi og styttri lífaldur eru meðal afleiðinganna. 

Írar búa við evru og aðild að Evrópusambandinu.