Ekki-flokkurinn og lömuð stjórnmál

Stjórnmál á Íslandi eru lömuð. Skýrasta opinberun lömunarinnar er að ekki-flokkurinn Björt framtíð mælist næst stærstur íslenskra stjórnmálaflokka í könnun. Björt framtíð er skipuð þingmönnum sem vita ekki í hvorn fótinn þeir eiga að stíga og með formann sem skiptir um skoðun eftir hentugleikum.

Björt framtíð er ekki-flokkur með enga sögu, enga stefnu og enga framtíð. Og einmitt þess vegna segist fólk í skoðanakönnun styðja ekki-flokkinn.

 Björt framtíð fær ekki fylgi vegna eigin verðleika heldur andverðleika hinna flokkanna. 

 

34,5% styðja ríkisstjórnina

Athugasemdir

[Predikarinn - Cacoethes scribendi , 13.5.2014 kl. 12:48]

Kæri Páll - Guðmundur formaður skiptir um skoðun eftir því hvernig vindar blása og má segja að eplið falli ekki langt frá eikinni ! Steingrímur faðir hans gat sagt eitt í austurenda stofu en þveröfugt um sama málefnið 5 mínútum síðar í vesturenda sömu stofunnar.

[Elle_, 13.5.2014 kl. 19:17]

Oftast er ég sammála Prédikara.  Hinsvegar skiptir engu hvað pabbi manns gerði og var.  Og ætti ekki að minnast á hann í þessu sambandi.  Pabbi hans og ættmenni eru engan veginn ábyrg fyrir þessum galtóma stjórmálamanni.

[Predikarinn - Cacoethes scribendi , 13.5.2014 kl. 20:23]

Elle.

Ég er einungis að benda á að like father like son. Ekki að annar beri ábyrgð á hinum. Bendi einfaldlega á að þessi sannindi sannast á þessum feðgum.

[Elle_, 13.5.2014 kl. 21:00]

Það er viss vanþróun í þessu landi, of algengt að blanda feðrum, fjölskyldum, systkinum, inn í mál, opinberlega, í vinnuumsóknum.  Það ætti að vera ólöglegt í vinnuumsóknum.

[Predikarinn - Cacoethes scribendi , 13.5.2014 kl. 23:03]

Já ég er sammála þér í þvi með vinnustaðaumsóknir. Hér horfir þetta öðruvísi við. Þarna er ég bara eftirá að bera saman fegðana hversu mikið líkir þeir eru í ómerkilegheitum eftir því hvernig vindar blása.