Árni Páll viðurkennir ósigur

Formaður Samfylkingar viðurkennir að flokkurinn mun bíða afhroð kosningunum í lok mánaðarins. Þess vegna vill Árni Páll Árnason tala um kosningabaráttuna í þarnæstu kosningum. Þrátt fyrir fyrirsjáanlegt stórtap eftir tæpar þrjár vikur ætlar formaðurinn að Samfylkingin haldi völdum í stjórnarráðinu.

Í grein í Fréttablaðinu í dag vill Árni Páll fá heimild til að stýra landinu inn í Evrópusambandið og efna síðan til þjóðaratkvæðagreiðslu um það hvort við viljum vera í ESB - í leiðinni verða þingkosningar, segir formaðurinn í þessari makalausu grein.

Í Evrópu er umræðan um hvaða evru-ríki lendi næst í þjóðargjaldþroti. Árni Páll segir ,,praktísk nauðsyn" að Ísland verði aðili að ESB og taki upp evru.

Í nýrri könnun kemur fram að innan við tíu prósent landsmanna hafa áhuga á aðild að ESB. En Samfylkingin ætlar þangað engu að síður.

Í næstu blaðagrein hlýtur formaður Samfylkingar að viðurkenna takmarkað skynbragð á pólitískan veruleika - og veruleikann almennt. 

Athugasemdir

[Þorgeir Ragnarsson, 9.4.2013 kl. 10:37]

Eftir atburðarás undanfarinna fjögurra ára þykir mér ekki sennilegt að umb. viðurkenning komi fram.

Veruleikafirring felur auðvitað í sér að viðk. hefur ekki innsæi í sinn vanda.